1 एहुना 3:11 - Korwa Bible

¹¹ ननानाः सरवन अपे मड़ंग वरीतेपे अअयूमतना, अँननपे अपे अलार-दुलार होड़ेंग।

1 एहुना 3:11 Σταυροειδείς Αναφορές

एहुना 13:4

जोजोम अते रेमकियानखन आँयगराः सेरमोय तुसिंगतेरा हना अंगा तोलेगवातेडखन साफी मयांगरेय तोलतेरा।

एहुना 15:12

ईंगराः हुकुम ननाः हवे, ईंग अपेयिंग अलार-दुलारता। हनन इया अपे होँपे अलार-दुलार होड़ेंग।

गलातिया 6:2

अपे कटसिया मेला जमा इयातेपे संघरा होड़ेंगगोड ञवन अरू नाःआ इया अपे जमालेःआते मसीराः हुकुमपे मनाःता।

इपीसी 5:2

ईसू मसी अबू दुलारकेडखन अनँयग जीव अबू लगा भगवान मड़ंगरे मुरुक नपाय महकराः बलिदान इयाय जिमातेरा। हननलगा अपे अँननपे दुलार होड़ेंगगोड ञवन।

1 तिसलूनिका 4:9

अरू अलार-दुलार होड़ेंग लगा भनगवान अतेपे चेडकिया। हनालगा अपे अलार-दुलार होड़ेंग बदीरे ईंगके ओओजाः लगा कोवानेःआ।

1 तिमुतियूस 1:5

बिसवासी होड़कू सुद इंदरीते, नपाय ओंगोलते अरू बेगर गारबारराः बिसवासते दुलार होड़ेंग लगाले हुकुमवाकूतना।

1 पतरस 1:22

अपे सताय कता मनावकेडखन अपेराः जीवपे सुदकेरा, जेमहा अपे अँननपे सतायते अपेराः इनिंदरी इंदरीते अरूपे अलार-दुलार होड़ेंग।

1 पतरस 3:8

नाःआ जमाकून एचे घड़ीन, अपे जमाकू सुदा मिनी जीवते, सोगा होड़ेंग घड़ीन अलार-दुलारतेपे दोहोन। अरू अँननपे अपे हुडिंग ओंगोलकियानखन सुधा होड़कूपे बड़ाँः।

1 पतरस 4:8

भगवानराः कागदरे ओजाःतो इदा, “अपे एटाः होड़कूपे दुलार दो, हँकूराः मुरुक कसूरकूनतेपे कता बनसावकूता।” हनालगा अपे नाःआ मनइद कता इया अँननपे अपे इनिंदरी इंदरीते अलार-दुलार होड़ेंग ञवनपे।

1 एहुना 1:5

भगवान मरसल इदानिया अरू हाँय एचेरे अंदरा इया तोनोंगाः कोनोवानेःआ। नानाः सरवन अले हाँय अतेले अयूमकेरा अरू अपे एचेरेले कता उदुःगेतना।

1 एहुना 4:11

ने सउंगताकूतिंग, भगवान अबू मुनुरुके दुलारकेडबुःआ। हननलगा अबू हों अलार-दुलार होड़ेंग लगा इदा।

1 एहुना 4:21

भगवान अबू लगा नाःआ इयाय हुकुमकेरा, भगवान सुदाय दुलारता हाँयग होड़ एटाः बिसवासी होड़कू हों अलार-दुलारकू लगा इदा।

1 एहुना 4:7

अलार-दुलार भगवान अगीते होयाःता। हनालगा ईंगरिकुःआ सउंगताकू, अँननबू अबू अलार-दुलार होड़ेंग लगा इदा। अबू अते तोनोंगीग होड़ एटाःकूय अलार-दुलार दो, हाँय भगवानरीग लँइग हवे अरू हाँय भगवाने सुदीता।

2 एहुना 1:5

ईंग मेसेयिंग, आम लगा मीटोंग नँवाःआ हुकुम मेरिंग ओजाःगरा। नाःआ हुकुम मनाड़ंगते इदा अरू आम एचेरेयिंग असेयतना, अबू अँननबू अबू दुलार होड़ेंग इदा।