1 एहुना 2:25 - Korwa Bible

²⁵ अरू ननानाः ओरो टुटीगनेना जीव एमे लगा भगवान अबूय जबानवारा।

1 एहुना 2:25 Σταυροειδείς Αναφορές

लूका 18:30

हाँय चउंदीसरे नाःआ जमालेःआ मुरुक बगरा गुनाय पवाःता अरू सेरमो देसरे ओरो टुटीगनेना हना जीव होंय पनावाःता।”

एहुना 10:28

ईंग हँकू लगा ओरो टुटीगनेना हना जीविंग एमेवाकूता। हँकू कहियो ओरोकू लायनेना अरू तोनोंगीग हँकू ईंग तिःई अते ओरोकू गोः अवेतेडकुःआ।

एहुना 12:50

ईंग कता उदुःगे लगा इदा हना सरवन ईंग एचेरे अपांग कताकेरा अरू हनन इया ईंग कता उदुःगेता। हनालगा ईंग सुदीयतना हाँयराः हुकुमकून ओरो टुटीगनेना हना जीव अगी गोःकूता।”

एहुना 3:15

जेमहा हाँय एचेरेकू बिसवासगेता, हँकुःआ होड़कू ओरो टुटीगनेना हना जीवकू पवाः।”

एहुना 5:39

अपे भगवानराः कागदते तिंगीड घड़ीन चिडुः लगापे कुरनिसगेतना। नाःआ अते अपे ओंगलेता, ननते अले ओरो टुटीगनेना हना जीवले पवाव जुवाःता, माःआन अरू ननानाः कागद ईंग बदीरे हिदइत एमेयता।

एहुना 6:27

लुलिग जुवाःता हना जोम जिनिसकून लगा एकला अहापे मिहनइतगे, मनदो ओरो लुलिगनेना अरू ओरो टुटीगनेना जीव एमेयता हना जोम जिनिसकून लगा होँपे मिहनइतगे। हना दो मनुवारीग बेटात अपे लगाय एमेवापेता। हना एमे लगा अपांग भगवान हनाँय एकला हातपाते ओवाडिया।”

एहुना 6:40

ईंगरीग अपांगराः ओंगोल नाःआ हवे। बेटातकू ञेलता अरू हाँय एचेरेकू बिसवासगेता, हँकुःआ होड़कू ओरो टुटीगनेना हना जीवकू पवाःता अरू हँकू ईंग टुटीगगुःराः दिनरेयिंग जियाव रेमकूता।”

एहुना 6:47

अपे ईंगपे अयूम! बिसवासगेताय हाँयग होड़, ओरो टुटीगनेना हना जीवे पवाःता।

एहुना 6:54

ईंग एचेरे बिसवासकेडखन ईंगराः मासे जोमता अरू ईंगराः बलंगीय ञूयता, हनाँयग होड़ ओरो टुटीगनेना जीवे पवाःता। अरू टुटीगगुःराः दिनरे ईंग हाँयिंग जियाव रेमगेयता।

एहुना 6:68

दो सिमोन पतरस कता कुदातेरा, “ने परबू, अले इये एचेरेले सेन? ओरो टुटीगनेना हना जीवराः सरवन दो अनम एचेरे इदा।

रूमी 2:7

तोनोंग तोनोंग होड़कू सहाव घड़ीन नपाय बुताकू बुतागोड ञवनता। हँकुःआ होड़कू भगवान अगीते मान मरजइत अरू मेर गुजुःता हना देह पवाः लगाकू चहाःतना। हँकुःआ होड़कू लगा भगवान ओरो टुटीगनेना हना जीवे एमेवाकूता।

रूमी 5:21

जेमहा कसूरते जमा होड़कू एचेरे गुजुः सेड़यावयना हनन इया अबूरीग परबू ईसू मसीते बेगर गारबार होड़कूय बड़ाँवकेडबुःआ अरू ओरो टुटीगनेना हना जीवबू पवाः।

रूमी 6:23

कसूरराः बनी दो गुनुजुः हवे। मनदो अबूरीग परबू ईसू मसीते अबू लगा भगवानराः दहिन ओरो टुटीगनेना हना जीव हवे।

गलातिया 6:8

दो तोनोंगीग अनँयग जीवरे अनँयगराः बेलूर ओंगोल इयाय एचेयता, हाँय गुजुःए पवाःता। मनदो सुद बिरुवाराः ओंगोल इयाय एचेयता, हाँयग होड़ ओरो टुटीगनेना हना जीवे पवाःता।

1 तिमुतियूस 1:16

हनारे हों ईसू मसी ईंग मयावाडखन ईंग मुरुके सहावकिरिंगा, जेमहा ओरो टुटीगनेना हना जीव लगा हाँय एचेरेकू बिसवासगेता हँकुःआ होड़कू लगा ईंग मीटोंग चिनहा इयायिंग दोहोन।

1 तिमुतियूस 6:12

बिसवास लगा मिहनइत घड़ीनमे लड़ाइ। बगरा होड़कू तलारे कबुलाः घड़ीनमे कता उदुःतेड मेला, ओरो टुटीगनेना हना जीव एमेवाम लगा भगवान राःतेडमेःआ हनानाः जीवराः दूररेम सलाव ञवन।

1 तिमुतियूस 6:19

नाःआ इया हँकुःआ होड़कू एचेय दो कहियो ओरो केड़ेनेना हना आन-धान सेरमो देसरेकू बटुड़ाव अवेयता, अरू हँकू सताय जीवकू जियाव अवेनता।

तितूस 1:2

अरू कहियो मेरेय लबराता हाँयग भगवान मुनुरुक जूग परियारेय जबानतेरा ओरो टुटीगनेना हना जीव लगाकू असरागे।

तितूस 3:7

अरू मयावाडबूखन बेगर गारबार होड़कूय बड़ाँवकेडबुःआ, जेमहा ओरो टुटीगनेना हना जीवराः असरा इया इतडदारकूबू बड़ाँः।

1 एहुना 1:2

अरू हनानाः जीव अनँयग आँयगते एचे ञेलयान अरूले ञेलतेरा अरू हिदइतदारकूले बड़ाँवयना। नननलगा अपात भगवान सुदा दोहोना, अरू नुँहू अबू लगा एचे ञेलकेरा ओरो टुटीगनेना हना जीव बदीरे अपे एचेरेले कतायतना।

1 एहुना 5:20

अबू नाःआ हों सुदीयतनाबू भगवानरीग बेटात चउंदीसरेय वेगकिया अरू हाँय अबू सताय भगवाने एचे सुदीगोतेडबुःआ। अबू हनाँयग सताय भगवान अरू आँयग बेटात ईसू मसी सुदाबू मिनीयना। हनाँय हवे सताय भगवान अरू हाँय अबू लगा ओरो टुटीगनेना हना जीवे एमेयता।

जूदा 1:21

अपे अँननपे अपे भगवानराः दुलाररे बड़ियाड़पे दोहोन अरू मयावाडबूखन ओरो टुटीगनेना हना जीव एमेवाबूता अबूरीग परबू ईसू मसीपे टोँहागोड ञवन।