1 एहुना 2:19 - Korwa Bible

¹⁹ नँकुःआ मसी मुदइ होड़कू मड़ंग अँननबू सुदाकू दोहोना, मनदो हँकू सनातायते अबूरिकुःआ होड़कू मेरकू दोहोगान। हँकू अबूरिकुःआ होड़कू दोहोकुःआ होले, अँननबू सुदाकू दोनोहो ञवनकुःआ। मनदो हँकू अबू अते हिगारयनाकू अरू ननानाः अते सुदीगोतेडकुःआबू हँकू अबूरिकुःआ होड़कू मेरकू दोहोगान।

1 एहुना 2:19 Σταυροειδείς Αναφορές

मती ओजाःतेरा भगवानराः नपाय सरवन 24:24

हना बेला मुरुक बगरा होड़कू लबरा घड़ीनकू कतायता, ईंग मसी हवे अरू ईंग भगवानराः बड़रा कतायीग होड़ हवे, माःआन। हँकू मुरुक चिनहाकून अरू बयाव जुवाः इयाःआ बुताकून एचेवाडखन भगवानरिकुःआ सुनावतो होड़कू हों बहकावकू लगाकू कुरनिसगेता।

मरकूस 13:22

हना बेला मुरुक बगरा होड़कू लबरा घड़ीनकू कतायता, ईंग मसी हवे अरू ईंग भगवानराः बड़रा कतायीग होड़ हवे, माःआन। हँकू मुरुक चिनहाकून अरू बयाव जुवाः इयाःआ बुताकून एचेवाडखन भगवानरिकुःआ सुनावतो होड़कू हों बहकावकू लगाकू कुरनिसगेता।

लूका 8:13

दररी ओतरे लोजोरनेना हना बिहान नाःआ इया होड़कू हवे। हँकू भगवानराः कता अयूमकेडखन बहालतेकू मनाःता। अरू हँकू तोनोंग दिन वरी बिसवासरेकू दोहोनता, मनदो जेर नपायते मेर साबगुःता, हनाते तोनोंग तोनोंग इयाःआ कटसिया मेला बिसवासकू अड़ाःगोडता।

एहुना 15:2

ईंग सुदा मिनी दोहोनता अरू मेर जोःता हना नइड़ भगवान गेडगोडता अरू जोःता हना नइड़ अरू जोः लगाय कुड़गावगोडता।

एहुना 4:14

मनदो ईंग एमेयता, हना दाः तोनोंगीग ञूय दो हाँय सगर सइट जूग वरी ततंगतो ओरोय दोहोनेना। सनातायरे, ईंग हाँयिंग एमेवाता, हना दाः हाँयराः इंदरीरे दाः सूती इया तू ञवनता अरू हना दाः हाँय ओरो टुटीगनेना हना जीव अगी गोःयायता।”

मूक चेलाकू 15:24

अले नाःआ इयाले अयूमकेरा, अले अते तोनोंग तोनोंग होड़कू अपे एचेरे सेनेकियानखन हँकूराः कताते अपेराः जीवकू एचे कुहकावगोतेरा अरू अपेराः जीवकू बहकावगोतेडा। मनदो अले हँकू एचेरे तोनोंग हातपात मेरले एमेवागाडकुःआ।

मूक चेलाकू 20:30

अपे अते तोनोंग तोनोंग होड़कू हों लबरा बड़रा कतावाडखन बिसवासी होड़कू अँकू सुदा बहकावगोडकूताकू।

रूमी 9:6

दो अपे ओंगलेतना, इसराएल होड़कू बदीरे भगवान अनँयग जबाने टड़ाव एंडागोतेडा जा? बुरी। इसराएल होड़कू अते मुरुक होड़कू सतायरे भगवानरिकुःआ होड़कू कोवाकुःआ।

1 कुरिंती 11:19

अपे तलारे बेगराव हटिंग मेर होयाः दो करा इयापे सुदी अवेय, भगवानराः ओंगोलरे सताय होड़कू इये इये इदानलेःआ, माःआन?

2 तिमुतियूस 2:10

भगवानरिकुःआ सुनावतो होड़कू लगा जमा इयाःआ कटसिया सहाव लगा सपड़ावतो इदानिंगा, जेमहा ईसू मसी हँकुःआ होड़कूय सडाव अरू सगर सइट मान मरजइतते भगवान सुदाकू दोहो अवेन।

2 तिमुतियूस 2:19

मनदो भगवान मीटोंग बड़ियाड़ नेवे तुलाकेरा। अरू हनारे नाःआ बड़रा मोहोर इया ओजाःतो इदा, परबू अनँयग होड़कूय सुसुदीतना, अरू ईंग परबूरीग होड़ हवे माःआने कतनता हाँयग होड़, जनामा कसूर अड़ाःगे लगा इदा।

2 तिमुतियूस 3:9

हँकिनाः होड़किनराः बेलूर ओंगोल जमा होड़कू सुदीतेरा हान इया लबरा चेडदार होड़कूराः अडिग हों होड़कू सुदीगोडता। हनालगा हँकू मुरुक दिन वरी होड़कू ओरोकू अडिग अवेतेडकुःआ।

इबरानी 10:39

दो अबू कुदाकियानखन लाय एंडन होड़कू कोवाबुःआ, मनदो अबू दो बिसवासकेडखनकू बनसाव जुवाःता हँकुःआ होड़कू हवे।

2 एहुना 1:7

होड़कू एचेरेकू अडिग जोमता हँकुःआ होड़कू चउंदीसरे मुरुक इदानकुःआ। हँकू कतायता, ईसू मसी मनुवाराः सुरइत मुरइतरे मेरेय जनमावगान, माःआन। आअडिग होड़कू अरू मसी मुदइ होड़कू नननकू हवे।

जूदा 1:1

ने ईंगरिकुःआ अजी बोपोहकूतिंग, ईसू मसीरीग सेवादार अरू एकूबरीग बोहोत इदानीग ईंग जूदा, अपांग भगवान दुलारकेडकूखने राःकेडकुःआ अरू ईसू मसी अनँयग लगाय बनसावकेडकुःआ, हँकुःआ होड़कू लगा नाःआ चिठीयिंग ओजाःगेतना।

जूदा 1:19

हँकुःआ होड़कू बेगराव हटिंग होड़कू हवे। हँकू अँननकूराः ओंगोल इयाकू जियाःता अरू भगवानराः सुद बिरुवा हँकू मेरेय अगुवाइवाकूता।