1 एहुना 2:18 - Korwa Bible

¹⁸ ने ईंगरिकुःआ लइंकू इया इदानपेःआ, नाःआ चउंदीस लुलिगगुःराः बेला होयाःता। अपे अयूमकेरा, मसी मुदइ होड़ वेग लगा इदानिया। अरू नाःआ बेलारे होँपे ञेनेलतना मसी मुदइ होड़कू वेगकियाकू। नान अते अबू सुदीयता नाःआ चउंदीस टुटीगगुःराः बेला ओहेन निचकाःतना।

1 एहुना 2:18 Σταυροειδείς Αναφορές

मती ओजाःतेरा भगवानराः नपाय सरवन 24:11

भगवानराः बड़रा लबराकेडखनकू कतायता हँकुःआ मुरुक बगरा होड़कू रेम चड़ाँनता अरू मुरुक बगरा होड़कूकू बहकावगोडकूता।

मती ओजाःतेरा भगवानराः नपाय सरवन 24:24

हना बेला मुरुक बगरा होड़कू लबरा घड़ीनकू कतायता, ईंग मसी हवे अरू ईंग भगवानराः बड़रा कतायीग होड़ हवे, माःआन। हँकू मुरुक चिनहाकून अरू बयाव जुवाः इयाःआ बुताकून एचेवाडखन भगवानरिकुःआ सुनावतो होड़कू हों बहकावकू लगाकू कुरनिसगेता।

मती ओजाःतेरा भगवानराः नपाय सरवन 24:5

मुरुक बगरा होड़कू ईंगराः ञावते अपे एचेरेकू वेगता अरूकू कतायता, ईंग मसी हवे, माःआन अरू हँकू मुरुक होड़कूकू अडिगगोडकूता।

मरकूस 13:6

मुरुक होड़कू ईंगराः ञावते अपे एचेरेकू वेगता अरूकू कतायता, ईंग हनाँय हवे। अरू हँकू मुरुक होड़कूकू अडिगकूता।

एहुना 21:5

दो ईसू हँकूय होंबोरतेड, “ने बोपोहकूतिंग, अपे एचेरे तुमिन हकूकू इदा?” दो हँकू कतातेड, “मीटोंगीग हों कोवान।”

रूमी 13:11

दो नाःआ जमाकून अपे एनेचेगोड ञवन लगा इदा। अबू ईसू मसी एचेरेबू बिसवासकेरा हना वरीते, भगवान अबू जमालेःआतेय सडावबूता, हना दिन लेनेसान इदा। हनालगा अपे नाःआ जूग बदीरे नाय नपायते सुदीकेडखन अपीगतो होड़कू इया अहापे दोहोन, मनदो बेरेडकियानखन सवासितीपे दोहोन।

रूमी 13:12

रइत चबनतना अरू दिन दरवाःआ। हनालगा अपे अंदरा इयाःआ बेलूर बुताकून अड़ाः एंडाकेडखन नपाय लूर-नेवनराः मरसल इयाःआ बुताकूनपे एचेय।

इबरानी 1:2

मनदो नाःआ टुटीगगुः अते मड़ंगाः दिनरे भगवान अनँयगरीग बेटातते अबू सुदाय बड़राकिया। आँयगरीग बेटात जमा जिया-जइतकूनरीग इताडदार हवे अरू हाँय अते जमा राइजबड़ी भगवान तुलाकेरा।

1 पतरस 1:20

भगवान चउंदीस तुला अते मड़ंग, ईसू मसीय सुनाव दोहोतिरिया, मनदो चउंदीस टुटीगगुःता हना अते मड़ंग दिनरे, अपे लगा भगवान हाँये उदुःवातेडपेःआ।

1 पतरस 1:5

भगवान अपे जमालेःआतेय सडावपेता हना कता, टुटीगगुःता हना दिनरेय एचे सुदीगोडपेता। अरू हना दिन वरी अपेराः बिसवासते हाँय अनँयग जंगरतेय बनसाव दोहोगोडपेता।

1 पतरस 4:7

चउंदीस टुटीगगुःराः बेला निचकाःतना। हनालगा अपे ओंगोल बुझाः घड़ीन सवासितीपे दोहोन, जेमहा अपे भगवान एचेरेपे अरजी अवेय।

2 पतरस 2:1

मड़ंग जूगरे भगवानराः बड़रा लबरातेकू कताया हँकुःआ होड़कू दोहोना। हनन इया अपे तलारे हों भगवानराः बड़रा लबरातेकू कतायता हँकुःआ होड़कू वेगता। हँकू ओनोक दनंगरे लाय एंडागेराः सरवनकू अगूयता। अँननकूय सडावकेरा हाँयग परबू होंकू आड-बेकारवायता, अरू हना अते हँकू अँननकू अँकू ओहेनकू लाय एंडा जुवाःता।

2 पतरस 3:3

मड़ंगरे नाःआपे सुदीका, चउंदीस टुटीगगुःता हना अते मड़ंग दिनरे अँननकूराः कसूर ओंगोल इयाकू सलाःता हँकुःआ लंदा-एरंग होड़कू वेगता।

1 एहुना 2:22

दो लबरा कता होड़ इये हवे? ईसू, मसी ना लवे माःआने कतायता हनाँयग होड़ हवे लबरा कता होड़। अपांग भगवान अरू आँयग बेटात ईसू मेरकू मनेवाःकिनता हनाँय मसी मुदइ होड़ हवे।

1 एहुना 4:1

ने अजी बोपोहकूतिंग, नाःआ चउंदीसरे भगवानराः बड़रा लबराकेडखन कताय होड़कू मुरुक इदनकुःआ। हँकुःआ होड़कूराः कता अपे ओहेन अहापे बिसवासगे। मनदो अपे हँकुःआ होड़कू सतायते भगवानराः बड़राकू कतायता जा कोवान हना नपायते जासवाडखनपे बिसवासगे।

1 एहुना 4:3

अरू ईसू मसी नाःआ चउंदीसरे होड़कूराः सुरइत मुरइतरे मेरेय वेगगना माःआने कतायता हाँयग होड़ एचेरे, भगवानराः सुद बिरुवा मेर दोहोनता। अरू हनाँयग होड़ एचेरे मसी मुदइ होड़राः बिरुवा दोहोनता। नाःआ कता अपे अयूमकेरा। मसी मुदइ होड़ चउंदीसरे वेग लगा इदानिया, अरू नुँहू वरी हाँय नाःआ ओतरे इदानिया।

2 एहुना 1:7

होड़कू एचेरेकू अडिग जोमता हँकुःआ होड़कू चउंदीसरे मुरुक इदानकुःआ। हँकू कतायता, ईसू मसी मनुवाराः सुरइत मुरइतरे मेरेय जनमावगान, माःआन। आअडिग होड़कू अरू मसी मुदइ होड़कू नननकू हवे।

जूदा 1:18

हँकू अपे एचेरेकू कतातेरा, चउंदीस टुटीगगुः अते मड़ंगाः बेला परबू अरू आँयगरिकुःआ होड़कूकू लंदावाता हँकुःआ होड़कू वेगता अरू जमा बरानाः बेलूर बेलूर बुताकूनकू एचेयता, माःआन।