1 एहुना 2:14 - Korwa Bible

¹⁴ ने ईंगरिकुःआ लइंकू इया होड़कू, अपे अबूरीग अपांग भगवानपे सुदीयतना। ननानाः लगा अपे लगा ईंग ओजाःगेतना। ने सपायाड़कू इया होड़कू, अपे नाःआ चउंदीसराः मनाड़ंगतेय दोहोना हाँयग भगवानपे सुदीयतना। ननानाः लगा अपे लगा ईंग ओजाःगेतना। ने डिंघा होड़कू, भगवान एचेरे अपेराः बिसवास बड़ियाड़ इदा अरू अपे जीवरे भगवानराः सरवन जमा बेला दोहोनता, अरू बेलूर इदानिया हाँयग कलउपे हरुवावकेरा। ननानाः लगा अपे लगा ईंग ओजाःगेतना।

1 एहुना 2:14 Σταυροειδείς Αναφορές

एहुना 15:7

अपे ईंग सुदा मिनीपे दोहोन अरू ईंगराः सरवन इयापे जियाः दो, अपे भगवान एचेरेपे असेय हनापे पवाव जुवाःता।

एहुना 5:38

हाँय ईंगे वारकेरा, मनदो अपे ईंग एचेरे मेरपे बिसवासगरा। हनालगा हाँयराः सरवन अपेराः जीवरे मेर दोहोनता।

एहुना 8:31

ईसू एचेरेकू बिसवासतेरा हँकुःआ एहूदाकू एचेरे ईसू कताया, “अपे ईंगराः कता बिसवास घड़ीनपे मनाःतना दो सनातायरे अपे ईंगरिकुःआ चेलाकू हवे।

एहुना 8:37

ईंग सुदीयतना अपे इबराहीमरिकुःआ नइड़-बाँस होड़कू इदानपेःआ। मनदो ईंगराः कता अपे मेरपे मनेवातना। हनालगा अपे ईंग ञेड एंडागींग लगापे ओंगलेतना।

इपीसी 6:10

दो ईंगरिकुःआ अजी बोपोहकूतिंग, टुटीगरे अपे एचेरेयिंग कतायतना, अपे परबूरे हाँयराः अगामाः जंगरते अपेराः जीव बड़ियाड़ इदीन।

पिलिपी 4:13

ईसू मसी ईंगराः जीवे बड़ियाड़गेतान अते ईंग जमालेःआयिंग एचे अवेयता।

कुलूसी 1:11

अपे भगवानराः अगामाः जंगरते, अपेराः जीव जमालेःआते बड़ियाड़कियानखन बहालगुः घड़ीन जमा बरानाः कटसियापे सहाव अवेय।

कुलूसी 3:16

मसीराः सरवन अपेराः जीवरे नपायतेपे दोहोगे। अरू जमालेःआ कनहूनते अँननपे अपे सेताव होड़ेंग घड़ीनपे चेड होड़ेंग। अरू अँननपेराः इंदरीरे भगवान धनियाबाद घड़ीन जाग सेरेंगकून, लंबी लंबी मसी सेरेंगकून, अरू सुद बिरुवा अगुवाइवापेता हना सेरेंगकूनपे सेरेंगगोड ञवन।

2 तिमुतियूस 2:1

दो ईंग बेटा तिमुतियूस, ईसू मसी आमे मयावारा, हनाते आम जीव बड़ियाड़ इदीनमे।

इबरानी 8:10

परबू कतायतना, हना दिनराः तयोमते इसराएलरिकुःआ होड़कू सुदा नाःआ इयायिंग कता-जमकावगेता। ईंग ईंगराः नियम हँकूराः जीवरेयिंग दोहोगोडता, अरू हँकू इंदरीरेयिंग ओजाःगोडता। ईंग हँकूरीग भगवानिंग दोहोनता अरू हँकू ईंगरिकुःआ होड़कूकू दोहोनता।

1 एहुना 1:1

ने अजी बोपोहकूतिंग, जीव एमेता हना सरवन जूग परियाते दोहोना अरू ननाः बदीरे अपे लगाले ओजाःगेतना। अले हनानाः सरवन अँननलेराः मेडतेले ञेलतेरा अरूले अयूमतेरा, अले अँननलेराः तिःईतेले टोँवावतेरा।

1 एहुना 1:10

अबू कतायता, अले तोनोंगाः कसूर मेरले एचेगरा माःआन दो, अबू भगवान लबरा होड़ इदानिया माःआनबू कतावायता अरू हाँयराः कता मेरबू मनेवाता।

1 एहुना 2:13

ने सपायाड़कू इया होड़कू, अपे मनाड़ंगते इदानिया हाँयग भगवानपे सुदीकेरा। ननानाः लगा अपे लगा ईंग ओजाःगेतना। ने डिंघा होड़कू इया इदानपेःआ, अपे बेलूर इदानिया हाँयग कलउपे हरुवावकेरा। ननानाः लगा अपे लगा ईंग ओजाःगेतना।

2 एहुना 1:2

भगवानराः सताय सरवन अबूराः बिसवास बड़ियाड़गोडता अरू हना सरवन सगर सइट वरी अबू जीवरे दोनोहोनता।

3 एहुना 1:3

आम अगीते ईंग एचेरेकू वेगकिया हँकुःआ बिसवासी होड़कू कता उदुःतेरा, गयूस सताय सरवनराः बिसवासगेयीग होड़े दोहोना अरू हना सताय सरवन इयाय जियाःतना, माःआन। नाःआ बड़रा अयूमकेडखन ईंगराः जीव मुरुक बहालयना।

उदुःतो कताकून 2:3

ईंग नाःआ कता होयिंग सुसुदीतना। अपे ईंगराः ञाव लगा कटसियापे सहाव पारतना अरू नुँहू वरी मेरपे उदबासगना।

उदुःतो कताकून 2:7

अयूम अवेयता हाँयग होड़, सुद बिरुवा कलसियारिकुःआ होड़कू एचेरे चेले माःआन कतायतना हनाय अयूम ठुड़ावा। जितावबाः जुवाः हाँयग होड़, भगवानराः बगइचारे इदा हना जीवराः सींग अते जोःओ जोम लगा हातपातिंग एमेवायता।”