1 कुरिंती 8:9 - Korwa Bible

⁹ अपे जमालेःआ अँननपेराः ओंगोल इयापे एचे अवेयता। मनदो अबड़ जीव होड़कू एचे कसूरकू अते सवासितीपे दोहोन।

1 कुरिंती 8:9 Σταυροειδείς Αναφορές

मती ओजाःतेरा भगवानराः नपाय सरवन 18:10

“अपे ईंगपे अयूम, ईंग एचेरेकू बिसवासगेता हँकुःआ होड़कू अते तोनोंगीग हुडिंगीग होड़ अहापे आड-बेकारवाय। सेरमो देसरे नँकूरिकुःआ अगुरादार बराहीलकू, हंडा इदानिया ईंगरीग अपांग भगवान सुदा सगर बेला इदानकुःआ।

रूमी 15:1

ईंगरिकुःआ अजी बोपोहकूतिंग, अबू बिसवासरे बड़ियाड़ इदानबुःआ। हनालगा अबू अँननबू अबू अलोबू ननायगुः। मनदो बिसवासरे अबड़कू दोहोनता हँकुःआ होड़कू, सहाव घड़ीन संघरावाकू लगा इदा।

1 कुरिंती 10:24

तोनोंगीग अनँयगराः नफा लगा अलोय ओंगले, मनदो एटाः होड़कूराः नफा होयाः लगाय ओंगले।

1 कुरिंती 10:28

मनदो तोनोंगीग अपे एचेरेय कताय, नाःआ मुरतीराः देगतो मास हवे, माःआन। दो अपे एचेरेय कता उदुःकेरा हाँयग होड़ अते अरू हाँयराः ओंगोल अते अलोपे जोम।

1 कुरिंती 10:29

नाःआ कता बदीरे अपेराः ओंगोल अते हनाँयग होड़राः ओंगोल अपे लगा मइद इदा। मनदो अपे अते तोनोंगीग ढांग बड़ाँवकेडखने होंबरिंगता, एटाः होड़राः जीव अदरुजीनते ईंगराः हिछा चिला लगायिंग रोंकावगे?

1 कुरिंती 10:32

अरू अपे एहूदाकू, सहे बेगर एहूदाकू, सहे कलसियारिकुःआ बिसवासी होड़कू एचे कसूरकू लगा अलोपे बड़ाँः।

1 कुरिंती 8:10

आम सुदीयतना मुरतीकूनरे हनसा कोनोवानेःआ। हनालगा आम मुरती मड़ंगरे मंडावतो जोम जिनिसमे जोम दो कही ओरो होयानेना। मनदो अबड़ जीव होड़कू ओंगलेता, मुरती मड़ंगरे मंडावतो जोम जिनिस जोम लगा कोवानेःआ। नँकुःआ होड़कू आम मुरतीराः मंदिररे हना मुरती मड़ंगरे मंडावतो जोम जिनिस जोजोमतोकू ञेलमे दो, हँकू कतायता, अले होंले जोम अवेयता, माःआन।

1 कुरिंती 8:12

ननन इया आम अबड़ जीव होड़कूराः इंदरीम एचे एटेग दो आम ईसू मसी बदीरेम कसूरगेता।

1 कुरिंती 9:22

बिसवासरे अबड़ जीव होड़कू लगा ईंग हँननकू इयायिंग बड़ाँवनेना, जेमहा हँकू बिसवारेकू बड़ियाड़ जुवाः। ईंग जमा होड़कू लगा अँननकू इयायिंग बड़ाँवनेना, जेमहा ईंग अते तोनोंग इया ईसू मसी एचेरेकू बिसवासगे लगा हँकूके आँच पराः।

2 कुरिंती 11:21

मनदो अले नाःआ इया मेरले एचेगरा। दो अले मुरुक अबड़ले दोहोना माःआनपे ओंगोललेतना जा? मनदो तोनोंगीग तोनोंगाः कता बदीरे भल-भलायगुः लगाय डीड़ जुवाः दो ईंग हों डीड़ अवेनता। नाःआ ईंग बुयांग इयायिंग कतायतना।

2 कुरिंती 11:29

तोनोंगीग होड़ बिसवासरेय अबड़ाःतान दो, ईंगराः जीव मेर हुडिंगुःता जा? तोनोंगीग कसूररेय बझाःतान दो ईंगराः जीव मेर अदरुजीनता जा?

2 कुरिंती 6:3

अलेराः सेवा बेगर गारबारते दोहोन लगा अले तोनोंगीग होड़राः बिसवास दूर मेरले रेडता।

गलातिया 5:13

ने अजी बोपोहकूतिंग, अपे अजइत जीव जियाः लगा भगवान अपेय सुनावकेरा। हनालगा अपे मनबिदिया होड़ इया अहापे कसूरगे। मनदो अपे अँननपे अलार-दुलार होड़ेंग घड़ीन सेवा होड़ेंगपे।

कुलूसी 2:8

होड़कू अँननकूराः कनहून अरू सदाःआ बड़राते, अहाकू मोहाव अवेपे लगा सवासितीपे दोहोन। हँकूराः बड़रा मसीराः ओंगोल इया कोवानेःआ, मनदो होड़कूराः रिती-बिधी अरू नियमकून अते इदा। हँकू राइजबड़ी बदीरे मड़ंग जूगरिकुःआ होड़कूराः चेडतो अतेकू चेडकूता।

1 पतरस 2:16

अपे अजइतयनापे। हनते हों अपे भगवानरिकुःआ सेवकिया होड़कू हवे। हनालगा अपे अजइतयनाले, माःआन ओंगोलकेडखन कसूर जीव जियाः लगा बुइद अहापे तुलाय।

2 पतरस 2:19

तोनोंगाः कसूरे कनासूरगोड ञवनता हाँयग होड़, हनानाः कसूरराः बेगारी होड़े बड़ाँव जुवाःता। अरू हँकू एटाःकू अजइतकू लगाकू जबानगेता, मनदो अँननकू हनानाः कसूरराः बोझारे इदानकुःआ।

उदुःतो कताकून 2:14

मनदो अपे बदीरे ईंगके तोनोंग तोनोंग बड़रा ककता लगा इदा; अपे अते अदोम होड़कू बिलामराः चेडतोकू मनाःता। हाँयग बिलाम, बालाक राजा एचेरेय कता उदुःवातेरा, इसराएल होड़कूम लहकावगोडकू, जेमहा हँकू मुरतीकून मड़ंगरे मंडावतो जिनिसकूनकू जोम अरू सनहा-सनहीकू एचेय, माःआन।