1 कुरिंती 8:10 - Korwa Bible

¹⁰ आम सुदीयतना मुरतीकूनरे हनसा कोनोवानेःआ। हनालगा आम मुरती मड़ंगरे मंडावतो जोम जिनिसमे जोम दो कही ओरो होयानेना। मनदो अबड़ जीव होड़कू ओंगलेता, मुरती मड़ंगरे मंडावतो जोम जिनिस जोम लगा कोवानेःआ। नँकुःआ होड़कू आम मुरतीराः मंदिररे हना मुरती मड़ंगरे मंडावतो जोम जिनिस जोजोमतोकू ञेलमे दो, हँकू कतायता, अले होंले जोम अवेयता, माःआन।

1 कुरिंती 8:10 Σταυροειδείς Αναφορές

मूक चेलाकू 15:20

मनदो हँकू एचेरे नाःआ कता ओजाः इदीगे लगा इदा। हँकू मुरतीकून मड़ंगरे मंडावतो तोनोंगाः जिनिसकून अहाकू जोम, सनहा-सनहीते तोरेकू दोहोन अरू अइठाव गोएगतो जानरकूराः मास जोजोम लगा कोवानेःआ अरू बलंगी कहियो जोजोम कोवानेःआ।

रूमी 14:14

परबू ईंगे एचे सुदीबाःगोतेरा, तोनोंगाः जिनिस अँनपनते बेलूर मेर होयाःता। मनदो तोनोंगीग ओंगलेता, नाःआ जिनिस बेलूर इदा, माःआन, दो हन हनाँय लगा बेनेलूर होयाःता।

रूमी 14:23

तोनोंगाः कता भगवान एचेरे बेगर बिसवासते अबू एचेयता दो अबू कसूरगेता। हनालगा आम तोनोंगाः जिनिस जोम बदीरे बेगर बिसवासते बार जीवकियानखनमे जोम दो आम कसूरगेता।

1 कुरिंती 10:32

अरू अपे एहूदाकू, सहे बेगर एहूदाकू, सहे कलसियारिकुःआ बिसवासी होड़कू एचे कसूरकू लगा अलोपे बड़ाँः।

1 कुरिंती 8:4

मुरतीकून मड़ंगरे मंडावतो जिनिसकून जोम बदीरे अबू सुसुदीतना, सतायरे चउंदीसराः मुरतीकूनरे हनसा कोनोवानेःआ अरू एनेकला मिनीटोंग भगवान इदानिया।

1 कुरिंती 8:7

मनदो जमा होड़कू नाःआ बदीरे मेरकू सुसुदीतना। हँकू ओंगलेता, सतायरे मुरतीकूनरे जीव इदा, माःआन। दो हँकू हना मुरतीकून मड़ंगरे मंडावतो जिनिसकूनकू जोमता। अरू हँकू अबड़ जीव होड़कू दोहोनतान अते, हँकूराः जीव मइलाव जुवाःता।

1 कुरिंती 8:9

अपे जमालेःआ अँननपेराः ओंगोल इयापे एचे अवेयता। मनदो अबड़ जीव होड़कू एचे कसूरकू अते सवासितीपे दोहोन।