1 कुरिंती 7:34 - Korwa Bible

³⁴ हनालगा हँकू जीव बार बंटा दोहोनता। हनन इया डिंडा धंगड़ीकू अरू मेरकू बियाहगना हँकुःआ अइमीकू, परबूराः कताकून बदीरेकू ओंगोल कुहकावगोड ञवनता। हँकू अँननकूराः देह अरू इंदरी भगवान लगा जिमा घड़ीन सुद जीवकू जियाःता। मनदो बियाहतो अइमीकू चउंदीसराः कताकून बदीरे ओंगोल कुहकाःरेकू दोहोनता। हँकू अँनकूरिकुःआ मरदकू ननायकू लगाकू ओंगोल कुहकावगोड ञवनता।

1 कुरिंती 7:34 Σταυροειδείς Αναφορές

एहुना 10:13

हाँय मंजूरी होड़े दोहोनता, हनालगा हाँय ञीर एंडा अटूकूता अरू भेड़ाकू मेरेय ओंगोलकूता।

रूमी 6:13

अपेराः देह दगलीकून बेलूर ओंगोल इया कसूरगे लगा अहापे एमेय। अपे कसूरते गोएगतो इयापे दोहोना, मनदो नुँहू अपे नँवा जीवपे पवावकिया। हनालागा अपेराः देह दगलीकून नपाय बुता बुता लगा भगवान एचेरेपे जिमागोड।

1 कुरिंती 6:20

भगवान अपेराः किमइत एमेकेडखने किजाकेडपेःआ। हनालगा अपे अँननपेराः देहते भगवानपे मान मरजइत।

1 कुरिंती 7:33

मनदो बियाहतो मरदकू चउंदीसराः कताकून बदीरे ओंगोल कुहकाःरेकू दोहोनता। हँकू अँनकूरिकुःआ अइमीकू ननायकू लगाकू ओंगोल कुहकावगोड ञवनता।

1 कुरिंती 7:35

अपेराः नफा लगा नाःआ कतायिंग कतायतना। अपे रोंकावपे लगा मेरिंग कतायतना, मनदो अपेराः नपाय हलाइत अरू बगरान लगा अरू मिनी जीवकियानखन परबूपे सेनेवागोड ञवन लगायिंग कतावापेतना।

2 कुरिंती 11:28

नाःआ अड़ाःकेडखन जमा कलसियारिकुःआ होड़कूराः बिसवास बदीरे सगर दिन ईंग जीव ओंगोल कुहकाःआ।

2 कुरिंती 8:16

अपे बदीरे इनिंग इया ओंगोल तितूस एचेरेय एमेकेरा हाँयग भगवानिंग धनियाबादगेयतना।

पिलिपी 1:20

ईंगराः चहाः अरू असरा ननानाःरे टक-टक इदा, ईंग भगवान मड़ंगरे कहियो ओरोयिंग गियूनेना, मनदो ईंग ईसू मसीराः बदीरे डीड़कियानखनिंग जियाव अवेन, जेमहा ईंग गुजुः सहे जीयतिंग दोहोन, ईंगराः जीवते, ईसू मसीराः मान मरजइत नुँहू अरू मड़ंगरे हों होनोयागोड ञवन।

1 तिसलूनिका 5:23

जमा होड़कू लगा सलसते एमेयता हाँयग भगवान जमा बरानाःते अपेराः जीव सुदे दोहोगे अरू परबू ईसू मसी कुदा वेगता हना दिन वरी अपेराः देह, जीव अरू हनसा बेगर कसूरते दोहोगे लगा होयिंग अरजीतना।

1 तिमुतियूस 3:5

तोनोंगीग होड़ आँयग ओड़ाःरिकुःआ होड़कू पला दरीकू लगा मेरेय अवे दो, हाँय भगवानराः कलसियारिकुःआ होड़कू करा इयाय पला दरी अवेकू?

1 तिमुतियूस 5:5

सतायरे रंडियाहीन इदानिया अरू तोनोंगीग हाँय संघरावाय लगा मेरकू दोहोनता हाँय, दिन रइत अरजी घड़ीन भगवान संघरागेय लगा हाँय एचेरेय असरागोड ञवनता।

तितूस 3:8

नाःआ कता सनाताय हवे। ईंग चहाःतना आम भल-भलाय अरू जमाकू नफा पवाः लगा इदा हना कताकून तिंगीड घड़ीनमे चेडकू, जेमहा भगवान एचेरेकू बिसवासकेरा हँकुःआ होड़कू नपाय नपाय बुता तिंगीड घड़ीनकू एचे हड़ाःगे।