1 कुरिंती 7:30 - Korwa Bible

³⁰ अरू इयामताकू हँकुःआ होड़कू मेरकू इयामगान हना इयाकू दोहोन, अरू बहालगुःताकू हँकुःआ होड़कू मेरकू बहालगान हना इयाकू दोहोन, अरू किजायताकू हँकुःआ होड़कू कहिसाः कोवानेःआ हना इयाकू दोहोन।

1 कुरिंती 7:30 Σταυροειδείς Αναφορές

लूका 16:25

दो इबराहीम कतातेरा, ने बेटा, आम चउंदीसरे मुरुक नपाय नपाय जिनिसमे पवावनेना। अरू लाजर आम इया मेरेय पवावगान। मनदो नुँहू हाँय सलसतरे इदानिया अरू आम पीरारेम तड़पाःतना।

लूका 6:21

ने रंगेगतो होड़कू, अपेराः जीव-जहन भगवान भलावाडखने नपायगेता, हनालगा अपे संतोक जुवाःता। ने इयामतिकुःआ होड़कू, अपेराः जीव-जहन भगवान भलावाडखने नपायगेता, हनालगा अपे लांदता।

लूका 6:25

नुँहू अपे लगा उडु-बुडू इदा, मनदो अपे ठीक जुवाःतापे अरू रंगेगतेपे दोहोनता। नुँहू अपे बहालरे इदानपेःआ। मनदो अपे ठीक जुवाःतापे अरू अपेराः जीव हुडिंगगुः घड़ीनपे इयामता।

एहुना 16:22

हनन इया नुँहू अपे उसियाड़ीकिया, मनदो अपे सुदा अरूयिंग जुमाःता अरू अपेराः जीव बहाल जुवाःता। नाःआ बहाल तोनोंगीग अपे अते ओरोकू चलाः अवेतेरा।

1 कुरिंती 7:29

ने ईंगरिकुःआ अजी बोपोहकूतिंग, ईंग कतायतना, अबू लगा बगरा बेला कोवानेःआ। हनालगा नुँहू वरीते अइमी इदानिया हाँयग होड़ आँयगरीग अइमी दुलाररे अलोय केड़ेकुः।

1 कुरिंती 7:31

अरू चउंदीसराः जिनिसकूनकू एमे होड़ेंगता हँकुःआ होड़कू चनउंदीसराः जिनिसकून लगा टक-टक अलोकू दोहोन। नाःआ चउंदीस नुँहुःआ बेला वरीते अनाड इदीनतना।

उदुःतो कताकून 18:7

हँकू अँननकू मरंग बड़ाँवनेनखनकू अहाल-बहालनेना हिनिनमिन हँकू लगा कटसिया अरू पीरापे एमेवाकू। हँकू अँननकूराः जीवरेकू ओंगलुःता, अले रानी इयाले दुड़ुःकिया; अले रंडियाहीन कोवालेःआ, अरू कहियो ओरोले फिकरावनेना।

उदुःतो कताकून 7:17

गदीराः तलारे इदानिया हाँयग भेड़ा होन, हँकूरीग सरवाहाय दोहोनता। अरू जीव एमेता हना दाःराः सूती अगीय गोःयाकूता, अरू भगवान हँकूराः जमा मेड दाःए जोड अमिंगगेता।”