1 कुरिंती 7:22 - Korwa Bible

²² परबू तोनोंगीगे राःतेरा हनमेला हाँय बेगारी होड़े दोहोना हों, हाँय परबूरीग अजइततो होड़ हवे। हनन इया अजइते दोहोना हनमेला परबू राःकिरिया हाँयग होड़ मसीरीग बेगारी होड़ हवे।

1 कुरिंती 7:22 Σταυροειδείς Αναφορές

रूमी 1:1

ने अजी बोपोहकूतिंग, ईसू मसीरीग सेवादार अरू मूक चेलाराः सेवारे, अरू भगवानराः नपाय सरवन परसारगे लगा भगवान एटाःकिडिंगा, ईंग पउलूस नाःआ चिठीयिंग ओजाःगेतना।

1 कुरिंती 7:21

भगवान आमे राःतेरा हनमेला बेगारी होड़मे दोहोना दो हना बदीरे अलोम ओंगोल कुहकाः। मनदो आम अजइतमे पवाव अवेन दो हना दाव नपायतेम उपयोतगे।

1 कुरिंती 9:19

ईंग तोनोंगीगरीग बेगारी होड़कू ना लवे। मनदो ईंग जमा होड़कूरीग बेगारी होड़िंग बड़ाँवकिया, जेमहा मुरुक होड़कू ईसू एचेरेकू बिसवास अवेय।

1 कुरिंती 9:21

मोसेसराः नियम मेरकू पवावगना हँकुःआ होड़कू तलारे ईंग दोहोन मेला, हँकुःआ होड़कू इयायिंग बड़ाँवनेना, जेमहा हँकू ईसू एचेरेकू बिसवास अवेय। ईंग मोसेसराः नियम टड़ावीग होड़ कोवायिंगा, मनदो ईसू मसी चेडकिरिंगा हनन इया हना नियमिंग मनाःता।

गलातिया 1:10

दो ईंग, होड़कू कता ननाय लगा जा भगवान बुता ननायगे लगायिंग चहाःतना? अपे चेले माःआनपे ओंगोलगींगतना, नाँय होड़कू जहंडाव होड़ हवे? ईंग नुँहू वरी होड़कू कता ननाय होड़िंग दोहोकुः दो ईंग मसीरीग सेवकिया होड़ ओरोयिंग दोहोकुःआ।

गलातिया 5:1

अबू अजइत जुवाः लगा ईसू मसी अबूय सडावकेडबुःआ। हनालगा अपे बड़ियाड़कियानखन नियमकूनराः आड़रे अहापे बहुरावगुः।

गलातिया 5:13

ने अजी बोपोहकूतिंग, अपे अजइत जीव जियाः लगा भगवान अपेय सुनावकेरा। हनालगा अपे मनबिदिया होड़ इया अहापे कसूरगे। मनदो अपे अँननपे अलार-दुलार होड़ेंग घड़ीन सेवा होड़ेंगपे।

कुलूसी 4:12

इपापरास, अपे अते मी होड़ इदानिया अरू हाँय ईसू मसीरीग सेवकिया हवे। हाँय अपेय सलामतना। अरू हाँय, अपे भगवानराः ओंगोल इया, अपेराः बिसवास जमालेःआ बड़ियाड़ जुवाः लगा, मुरुक मिहनइततेय अरजीगोड ञवनतना।

पिलेमोन 1:16

नुँहू वरीते, हाँय आम लगा, बेगारी होड़ एकला ना लवे। हाँय आमराः बिसवासी बोहोम हों इदानिया। हाँय ईंग मुरुकिंग दुलारगेयतना अरू ईंग अते आम लगा हाँय मुरुक नपाय इदानिया। हाँय एकला आमरीग बेगारी होड़ ना लवे, मनदो आम परबू ईसू एचेरेम बिसवासगेतना, हान इया हाँय होंय बिसवासगेतना।

1 पतरस 2:16

अपे अजइतयनापे। हनते हों अपे भगवानरिकुःआ सेवकिया होड़कू हवे। हनालगा अपे अजइतयनाले, माःआन ओंगोलकेडखन कसूर जीव जियाः लगा बुइद अहापे तुलाय।

2 पतरस 1:1

ने ईंगरिकुःआ अजी बोपोहकूतिंग, ईसू मसीरीग सेवादार अरू मूक चेला सिमोन पतरस, ईंग नाःआ चिठीयिंग ओजाःगेतना। अबूरीग भगवान अरू सडावदार ईसू मसी, अबू बेगर गारबार होड़कूय बड़ाँवकेड अते, अले पवावकिया हनानाः मुरुक किमइताः बिसवासकू पवावकिया अपे लगा नाःआ चिठीयिंग ओओजाःतना।

जूदा 1:1

ने ईंगरिकुःआ अजी बोपोहकूतिंग, ईसू मसीरीग सेवादार अरू एकूबरीग बोहोत इदानीग ईंग जूदा, अपांग भगवान दुलारकेडकूखने राःकेडकुःआ अरू ईसू मसी अनँयग लगाय बनसावकेडकुःआ, हँकुःआ होड़कू लगा नाःआ चिठीयिंग ओजाःगेतना।