1 कुरिंती 7:19 - Korwa Bible

¹⁹ खतनान सहे मेरेय खतनान, बनरते तोनोंगाः मतलोब कोवानेःआ। मनदो भगवानराः हुकुम मनानाः मइद हवे।

1 कुरिंती 7:19 Σταυροειδείς Αναφορές

मती ओजाःतेरा भगवानराः नपाय सरवन 5:19

हनालगा तोनोंगीग होड़ भगवानराः नियमकून अते हुनुडिंगाः नियमे टड़ावगोडता अरू हनन इयाय चेडकूता दो, हाँय भगवानराः राइजरे जमाकू अते हुडिंग कतावाडिगखनकू रगेयता। मनदो हना नियमकूने मनाःता अरू एटाः होड़कूय चेडता, हाँयग होड़ भगवानराः राइजरे जमाकू अते मरंग कतावाडिगखनकू रगेयता।

एहुना 15:14

अपे लगायिंग एमेयता हना हुकुमपे मनाः दो, अपे ईंगरिकुःआ सउंगताकू हवे।

रूमी 3:30

मिनीटोंग भगवान इदानिया। अरू ईसू एचेरेकू बिसवासगेयता हँकुःआ जमा होड़कू, एहूदाकू सहे बेगर एहूदाकू अनँयग ओंगोलरे फड़ियावतो होड़कूय बड़ाँवकूता।

1 कुरिंती 8:8

जोम जिनिस अबू भगवान एचेरे मेर इदी सोदोरबूता। अबू मेरबू जोम दो अबूराः कही ओरो आडनेना अरू अबू जोम हों कही नफा ओरो होयानेना।

गलातिया 3:28

अपे एहूदा होड़ सहे बेगर एहूदा होड़पे दोहोन, बेगारी होड़ सहे मालिकपे दोहोन, मरद सहे अइमीपे दोहोन, अपे ईसू मसी एचेरेपे बिसवासकेरा अते अपे जमाकू बरोबइर इदानपेःआ।

गलातिया 5:6

अबू ईसू मसी सुदा मिनी इदानबुःआ दो, खतनान सहे बेगर खतनातबू दोहोन, हनारे तोनोंगाः मतलोब कोवानेःआ। मनदो मइद कता ननानाः हवे, एटाःकू दुलार घड़ीन अबूराः बिसवास उउदुः लगा इदा।

गलातिया 6:15

अपे खतनात होड़कू सहे बेगर खतनात होड़कू इदानपे हों अपे बदीरे भगवान एचेरे एटाः इयाःआ ओंगोल कोवानेःआ। मनदो मइद कता ननानाः हवे; ईसू मसीते भगवान अपेराः जीवे नँवागोतेडा।

कुलूसी 3:11

नाःआ नँवा जीवरे तोनोंग इयाःआ हिगार हटिंग कोवानेःआ। खतनाकू एचेयता हँकुःआ एहूदाकू, सहे मेरकू खतनानता हँकुःआ बेगर एहूदाकू सहे जोडेकू सहे अलीगवारकू, सेवकियाकू सहे मालिककू, अबू तोनोंगीग एटाः कोवाबुःआ। मनदो मसी एकला मनारंग इदानिया अरू हनाँय अबू जमाकूराः जीवरे इदानिया।

उदुःतो कताकून 22:14

अँनकूराः सोनहेकू बुहाल अमिंगेता हँकुःआ होड़कूराः जीव भगवान नपायगेता। हँकू हना सहरराः हता दुवारतेकू बोलो अवेनता अरू हँकू जीव एमेता हना सींगराः जोःओ जोम लगाकू पवाःता।