1 कुरिंती 7:10 - Korwa Bible

¹⁰ बियाह होयायना हँकुःआ होड़कू मिनीरे दोहोन लगा परबू अगीतेयिंग हुकुमगेतना। तोनोंगीग अइमी अनँयग मरद अते अलोय हिगारगुः।

1 कुरिंती 7:10 Σταυροειδείς Αναφορές

मती ओजाःतेरा भगवानराः नपाय सरवन 5:32

मनदो अपे ईंगपे अयूम, सनही अते एटाः कताते तोनोंगीग होड़ अनँयगरीग अइमीय अड़ाः दो, हाँय आँयगरीग अइमीय एचे सनहीगोडेयता। अरू तोनोंगीग अड़ाःतो अइमीय सगइ दो, हाँय होंय सनहाता।”

मरकूस 10:2

दो फरीसी होड़कू ईसू एचेरे वेगकियानखन हाँय अंदजावगेय लगाकू होंबरेया, “ने गुरुजी, अबूराः नियमरे तोनोंगीग मरद आँयग अइमीय अड़ाः अवेयता जा?”

लूका 16:18

अनँयग अइमी अड़ावाडखन एटाः अइमीय सगइता हाँयग होड़ सनहाता। अड़ाःतो अइमी तोनोंगीग होड़ सगइगेय दो, हाँय हों सनहाता।

1 कुरिंती 7:11

हाँय हिनिगार जुवाः दो हाँय अलोय सगइगुः निही दो अनँयगरीग मरद अगीय कुदा तयोम जुवाः। अरू हनन इया तोनोंगीग मरद हों अनँयगरीग अइमी अलोय अड़ाःगेय।

1 कुरिंती 7:12

ईंग कतायतना हनापे अयूम। नाःआ कता परबू मेरेय कतायतना मनदो ईंग इनिंग अगीते एटाः होड़कूयिंग कतावातना, तोनोंगीग बिसवासी होड़रीग अइमी ईसू एचेरे मेरेय बिसवासगेतान अरू हाँय अनँयगरीग हेरेलतो सुदा दोहोन लगा राजूरे इदानिया, दो हाँय हाँयग अइमी अलोय बइ एंडागेय।

1 कुरिंती 7:15

भगवान अबू हेल-मेलरे दोहोन लगाय राःकेडबुःआ। हनालगा तोनोंगीग अइमी सहे मरद परबू एचेरे मेरेय बिसवासगेतान अते बियाह हटकावकियाय हना अड़ाः एंडागे लगाय चाहाःतान दो, हनन इया होनोया ओवापे। हनते हाँयग अइमी सहे मरद बियाहनेनाकिन हना अटकाररे मेरकिन दोहोनता।

1 कुरिंती 7:25

दो डिंडा इदानकुःआ हँकू बदीरे परबू अगीते ईंग एचेरे तोनोंगाः हुकुम कोवानेःआ। मनदो ईंगराः मीटोंग सलाहिंग उदुःवापेतना। भगवान ईंगे मयावारा, हनालगा अपे ईंग एचेरेपे भरसा अवेयता।

1 कुरिंती 7:40

मनदो ईंगराः ओंगोलरे हाँयग रंडियाहीन रनंडियाहीने दोहोन दो हाँय बहालतेय दोहोनता। अरू ईंग ओंगलेतना भगवानराः बिरुवा ईंग एचेरे हों इदा।

1 कुरिंती 7:6

नाःआ, हुकुम इया मेरिंग कतायतना, मनदो मीटोंग सलाहिंग एमेयतना।