1 कुरिंती 6:9 - Korwa Bible

⁹ अपे मेरपे सुसुदीतना जा गारबार होड़कू भगवानराः राइजरे इताडदारकू ओरोकू बड़ाँवनेना? तोनोंगीग अपे अहाकू अडिग अवेपे। एटाःकू सुदा बेलूर बुताकून बुता होड़कू, अरू मुरती सेवा होड़कू, अरू बियाहगुः तयोमते सनहा-सनही एचे होड़कू, अरू बंदरा होड़कू, अरू मनारद मरदकू सुदा घोड़ा होड़ेंग होड़कू,

1 कुरिंती 6:9 Σταυροειδείς Αναφορές

मती ओजाःतेरा भगवानराः नपाय सरवन 19:29

अरू अँनकूराः ओड़ाः सहे वपक-बोपोहकूतेन सहे अपात, लइंकूतेन सहे दोहोड़कून ईंग लगाकू अड़ाःगोतेडा, हँकू मी सव गुनाकू पवाःता अरू ओरो टुटीगनेना हना जीवकू पनावाःता।

मती ओजाःतेरा भगवानराः नपाय सरवन 25:34

हनते हाँयग मरंग राजा हाँयराः खउना तिःई गतररेकू चड़ाँनता हँकुःआ होड़कू एचेरेय कतायता, दबूपे, ईंगरीग अपांग भगवान अपेराः जीवे नपायगोतेडा। चउंदीसराः बुँहड़ीन अते भगवान अपे लगाय सपड़ाव दोहोकेरा हना इताडपे पवाः।

लूका 21:8

दो ईसू कताया, “तोनोंगीग अपे अहाकू बहकाव अवेपे लगा सवासितीपे दोहोन। मुरुक बगरा होड़कू ईंगराः ञावते अपे एचेरेकू वेगता अरूकू कतायता, ईंग हनाँय हवे, माःआन। अरूकू कतायता, चउंदीस टुटीगगुःराः बेला सोदोरयना, माःआन। मनदो अपे हँकू तयोम अलोपे सेन।

मूक चेलाकू 20:32

नुँहू ईंग भगवान एचेरेयिंग जिमापेतना अरू भगवान अपेय मयावाडपेःआ हना सरवन अपेराः जीव बड़ियाड़केडखन भगवान सुदकेडकुःआ हँकुःआ जमा होड़कू सुदा इताडपे पवाः लगा संघरावापेता।

मूक चेलाकू 24:25

भगवानराः ओंगोल इया जियाः लगा अरू अनँयग आँयगते ओंगोल बुझावकियानखन जियाः लगा अरू दरवाःआ हना फड़ियावराः बदीरे पउलूस कता उदुःगेःआ। हनमेला पेलिकस मुरुके बोरोनेनखने कताया, “निनिन मिनाः बगरायना। नुँहू सलाव जुवाःमे। एटाः बेला अरूयिंग एचे राःमेता।”

रूमी 1:18

भगवानराः ओंगोल इया मेरकू जियाःता हँकुःआ होड़कू सताय कता कसूरतेकू ओकोगोडता, अरू कसूर घड़ीन बेनेलूर जीवकू जियाःता। हनालगा सेरमो देस अते भगवान, हँकू सुदा मुरुक रीसतो इदानिया।

1 कुरिंती 15:33

अलोपे अडिगगुः। बेलूर सउंगताकू नपाय लूरकू आडगोडता।

1 कुरिंती 15:50

ने ईंगरिकुःआ अजी बोपोहकूतिंग, अपे ईंगपे अयूम। अबू चउंदीसरे दोहोन लगा भगवान एमेकेरा हना देह सेया जुवाःता। मनदो सेरमो देसरे दोहोन लगा भगवान एमेयता हना देह ओरो सेयानेना। हनालगा अबू चउंदीसरे दोहोन लगा भगवान एमेकेरा हना देह सुदा सेरमो देस ओरोबू सेने अवेनेना।

1 कुरिंती 3:16

अपे मेरपे सुसुदीतना जा, अपे भगवानराः ओड़ाः हवे अरू हाँयराः बिरुवा अपे जीवरे दोहोनता?

1 कुरिंती 5:1

अपे तलारे तोनोंग तोनोंग होड़कू सनहा-सनहीकू एचेयतना माःआन सनातायतेयिंग अअयूमतना। अरू नाःआ इयाःआ बुता बेगर बिसवासी होड़कू हों मेरकू एचेयता। मी होड़ अनँयग हुडिंगीग एंगात सुदाय गेतेगतना।

1 कुरिंती 5:10

अपे सनहा-सनहीकू एचेयता हँकुःआ होड़कू, सहे लुभिया होड़कू, सहे अडिग होड़कू, सहे मुरती सेवा होड़कू सुदा अहापे मेसान माःआन मी मुरुखिया मेरिंग कतायतना। नाःआ इया होयाः दो, अपेके नाःआ चउंदीस अड़ाः एएंडा पराःता।

1 कुरिंती 5:11

मनदो ईंग अपे एचेरेयिंग कतायतना, बिसवासी होड़कू अते तोनोंगीग होड़ सनहा-सनही, सहे लुभिया होड़, सहे ककाड़ी होड़, सहे दारू बोः होड़, सहे अडिग होड़ इदानीग दो, हाँय सुदा अलोपे मेसान अरू अलोपे जोम-ञूया।

1 कुरिंती 6:10

अरू इनिग होड़कू अरू लुभिया होड़कू, दारू बोः होड़कू, अरू ककाड़ी होड़कू, अरू अडिग जोम होड़कू, नाःआ नाःआ इयाकुःआ होड़कू भगवानराः राइजरे इताडदारकू कहियो ओरोकू बड़ाँवनेना।

1 कुरिंती 6:18

अपे सनहा-सनही बुताकून अनाड़ाः एंडाबाःगोडपे। नाःआ कसूर अड़ाःकेडखन जमा बरानाः कसूरकून देह दगलीराः बहरी दोहोनता। मनदो तोनोंगीग सनहा-सनहीकूने एचेयतान दो हाँय कसूरकेडखन अनँयग देहे आडगोडता।

1 कुरिंती 6:19

अपे मेरपे सुसुदीतना जा, अपेराः देह सुद बिरुवाराः डेरा हवे। अरू हाँयग बिरुवा भगवान अगीतेःआ दहिन हवे अरू हाँय अपे जीवरेय दोहोनता। दो अपे अँननपेरिकुःआ ना लवे।

1 कुरिंती 9:24

अपे मेरपे सुसुदीतना जा, इमान पवाः लगा बतकाः होड़कू जमाकू बतकाःता, मनदो मिनी होड़ इमाने पवाःता? दो अपे जिताःराः ओंगोलरेपे बतकाः।

2 कुरिंती 12:21

ईंग बोरतना, अपे एचेरे अरूयिंग सेन दो होयाःकून करे अपे मड़ंगरे भगवान ईंगे एचे गियूगोडिंग। अपे अते मुरुक होड़कू मड़ंगरेकू एचेया हना सनहा-सनही, लमचोर-लिमचोर अरू बेलूर बुताकून अड़ाःकेडखन भगवान अगी जीव मेरकू कुदागरा। अरू हँकुःआ होड़कू हनानाः बुताकून एचे घड़ीनकू जियाःतना। दो ईंग हँकुःआ होड़कू लगा मुरुक फिकिराः पराःता करे?

गलातिया 6:7

तोनोंगीग होड़ ओंगलेता, ईंग भगवानिंग अडिग अवेयता दो हाँय अनँयग आँयगे अडिग जोमता। होड़कू वेरता हनानाः जिनिसकू ईरता।

कुलूसी 3:5

चउंदीसराः बेनेलूराः नेवन इया अलोपे सलाः। बेलूर बुता, सनहा-सनही, अरू बेनेलूर ओंगोल, नाःआ जमाकून अपेराः जीव अते हिर-हिटीपे अनाड़ाः एंडागोड। लुभिया ओंगोल मुरती सेवा इया इदा। हनालगा अपे लुभिया होड़कू अहापे होयाः।

इबरानी 12:14

जमा होड़कू सुदा हेल-मेलपे दोहोन लगा अरू सुद जीव जियाः लगा जमालेःआपे कुरनिसगोड ञवन। सुद जीव मेरकू जियाःता हँकुःआ होड़कू भगवान कहियो ओरोकू ञेल अवेतिरिया।

इबरानी 12:16

अपे अते तोनोंगीग सनहा-सनही होड़कू सहे एसाव इया गारबार होड़कू अलोपे होयाः। दो मरंग बेटाकू पवाःता हना हातपात एसाव मी जुवारराः जोम जिनिस लगाय अकरिंग एंडागोतेड।

इबरानी 13:4

सनहा-सनही होड़कू अरू बेलूर बुता होड़कू जमाकू भगवान डनंडियावकूता। हनालगा बियाह जमाकू मड़ंगरे मनन मरजइत इदा माःआनपे ओंगोलबाःका अरू बियाहराः डरी डसना सुनुदपे दोहोय।

एकूब 1:16

ईंगरिकुःआ अजी बोपोहकूतिंग, अपे तोनोंगीग होड़ अडिगपे लगा अलोपे ओवाय।

1 एहुना 3:7

ने ईंगरिकुःआ लइंकू इया होड़कू, अपे तोनोंग बेला तोनोंगीग होड़ अलोय अडिग अवेपे। ईसू मसी नपाय इदानिया अरू नपाये एचेयता हनाँयग होड़ ईसू मसी इया नपाय होड़ हवे।

उदुःतो कताकून 21:8

मनदो पोंकाहा होड़कू, अरू बेगर बिसवासी होड़कू, अरू एरंग होड़कू, अरू ञेड एएंडा होड़कू, अरू सनहा-सनही होड़कू, अरू पपंगाड़ होड़कू अरू मुरती सेवा होड़कू अरू जमा लबरा होड़कू, हँकू जमाकू हना सेंगेल अरू हितकाःतो लेटे दिरिराः हुडिंग समुंदररेकू रेमगे बोलोगोडकूता। अरू ननानाः हवे बार नमार गुजुः।”

उदुःतो कताकून 22:15

कुतू इया होड़कू, अरू पपंगाड़ होड़कू, अरू सनहा-सनही होड़कू, अरू ञेड एएंडा होड़कू, अरू मुरती सेवा होड़कू, जमा बरानाः लबरा चहाः होड़कू अरू अडिग होड़कू, हँकू जमाकू हना सहरराः बहरीकू दोहोनता।