1 कुरिंती 6:2 - Korwa Bible

² अपे मेरपे सुदीतना जा भगवानरिकुःआ सुद होड़कू चउंदीसरिकुःआ होड़कूकू फड़ियावता? दो अपे चउंदीसरिकुःआ जमा होड़कूपे फड़ियावकू लगा इदा दो गुन लकनाः कड़ीगकून ओरोपे फड़ियाव अवेतेरा जा?

1 कुरिंती 6:2 Σταυροειδείς Αναφορές

मती ओजाःतेरा भगवानराः नपाय सरवन 19:28

दो ईसू कतातेड, “अपे ईंगपे अयूम, नँवा चउंदीस बड़ाँः मेला, मनुवारीग बेटात मान मरजइत घड़ीन राइजगे लगाय दुड़ुःता। हनमेला ईंग देह दूरपे सलाःतना अपे हों, बारहगोटोंग गदीरे दुडुःकियानखन इसराएलरिकुःआ बारहगोटोंग गोतोररिकुःआ होड़कूपे राइजता।

लूका 22:30

जेमहा ईंगराः राइजरे अपे हों ईंग सुदापे जोम ञूय अरू गदीरे दुडुःकियानखन इसराएलरिकुःआ बारहगोटोंग गोतोररिकुःआ होड़कूपे राइजकू।

रूमी 6:16

अपे मेरपे सुदीयतना जा, तोनोंगीग होड़ मी होड़रीग बेगारी होड़े बड़ाँव जुवाःता, दो हाँय आँयगरीग मालिकराः जमा कताकून मनाः पराःता? हनन इया कसूर बदीरे हों होयाःता। अपे कसूरगे लगा अँननपेराः जीवपे जिमागोड, दो अपे गोएग जुवाःता। मनदो भगवानराः ओंगोल इया सलाः लगा अँननपेराः जीवपे जिमागोड दो, अपे बेगर गारबार होड़कूपे बड़ाँव जुवाःता।

1 कुरिंती 1:20

दो कनहूनदारकू अरू चेडदार होड़कू अरू नाःआ चउंदीसरिकुःआ पपरसार होड़कू बदीरे चेले माःआनपे ओंगलेतना? नाःआ चउंदीसरिकुःआ कनहूनदारकूराः कनहून, भगवान मेरेय एरंगवागरा जा?

1 कुरिंती 1:21

भगवान अगम कनहूनदार इदानिया। अरू हाँय ओंगोल दोहोकेरा, कनहूनदारकू अँनकूराः कनहूनते ईंग बदीरे ओरोकू सुदी अवेतेरा, माःआन। मनदो अले नपाय सरवनले परसारगे अते बिसवासगेताकू हँकुःआ होड़कू सडाव लगा भगवान ओंगोल दोहोकेरा। अरू नपाय सरवन मेरकू बिसवासगेता हँकुःआ होड़कू लगा अलेराः परसार बेगर लूर इया इदा।

1 कुरिंती 6:4

अपे सेबा सेबाःआ कताकून बदीरे फड़ियावगे लगा इदान दो, कलसियारिकुःआ होड़कू मेरकू मान मरजइतकूता हँकुःआ फड़ियावदारकू एचेरेपे एचे फड़ियावगेता जा?

2 कुरिंती 4:18

दो ञिलुःता हना चउंदीसराः जिनिसकून तोनोंग बेला वरी दोहोनता, मनदो मेर ञिलुःतना हना सेरमो देसराः जिनिसकून सगर सइट लगा इदा। हनालगा अबू ञिलुःता हना जिनिसरे अबू जीव टक-टकित कोवानेःआ, मनदो मेर ञिलुःतना हनारे अबू जीव टक-टकित इदा।

1 तिसलूनिका 3:13

परबू ईसू आँयगरिकुःआ जमा सुद होड़कू सुदाय कुदा वेगता, हनमेला हाँय अबूरीग अपांग भगवानराः मड़ंगरे अपेराः जीव बेगर गारबारते अरू सुदे तुलावाडखन बड़ियाड़गे लगाले अरजीतना।

उदुःतो कताकून 20:4

हनते ईंग गदीकूनिंग ञेलतेरा। अदोम होड़कू हना गदीकूनरेकू दुड़ुःकिया अरू हँकू फड़ियावगे लगा हातपातकू पवावकिया। ईसूराः सताय कता अरू भगवानराः सरवन उदुः अते पुजा ञेड एंडाकुःआ हँकुःआ होड़कूराः बिरुवा ईंग ञेलतेरा। हँकुःआ होड़कू जानर अरू हाँयराः मुरती मेरकू सेवागाड, अरू हाँयग जानरराः चिनहा अँकूराः समांगरे सहे तिःईरे मेरकू गोःगाड। हँकू जियाव रेमनेनखन मसी सुदा हजार बरिस वरीकू राइजगोड ञवना।

उदुःतो कताकून 3:21

ईंग हों जितावनेनखन ईंगरीग अपांगराः गदीरे हाँय सुदायिंग दुड़ुःयना। दो हनन इया जितावबाः जुवाः हाँयग होड़ हों ईंगराः गदीरे ईंग सुदायिंग दुड़ुःगेयता।