1 कुरिंती 4:8 - Korwa Bible

⁸ अरे हायरे दइया! अपे संतोकयनापे जा? अपे गिरहतयनापे जा? अले अड़ाःकेडखन राजाकूपे बड़ाँवयना जा? हाव, ईंग चाहाःतना, अपे जमाकू राजाकूपे बड़ाँव जुवाःकुःआ दो, अपे सुदा अले होंले राइजकेःआ।

1 कुरिंती 4:8 Σταυροειδείς Αναφορές

मती ओजाःतेरा भगवानराः नपाय सरवन 5:1

ईसू मुरुक बगरा होड़कूय ञेलतेडखन, पहाड़ चोटरेय रकबयान अरू हंडाय दुड़ुःनेन। हनमेला ईसूरिकुःआ चेलाकू हाँय एचेरेकू वेजेडा।

लूका 6:25

नुँहू अपे लगा उडु-बुडू इदा, मनदो अपे ठीक जुवाःतापे अरू रंगेगतेपे दोहोनता। नुँहू अपे बहालरे इदानपेःआ। मनदो अपे ठीक जुवाःतापे अरू अपेराः जीव हुडिंगगुः घड़ीनपे इयामता।

मूक चेलाकू 26:29

दो पउलूस कतातेरा, “हुडिंग सहे बगरा बेलाते आम एकला कोवान, मनदो ईंगराः बड़राकू अयूमता, हँकुःआ जमा होड़कू नाःआ सिकिड़ीकून अड़ाःकेडखन ईंग इयाकू होया जुवाः लगा ईंग भगवान एचेरेयिंग अरजीतना।”

रूमी 12:3

दो भगवान ईंगे मयावारा। हना अते ईंग हाँयरीग मूक चेलायिंग बड़ाँवकियानखन अपेयिंग सेतावतना, अपे इदानपेःआ हना अते मरंग अँननपे अपे अहापे ओंगलुः। मनदो नाय नपायते ओंगोल बुझावकियानखन भगवान अपेय जिमावारा हिनिनमिन बिसवास इया अँननपे अपे फड़ियावगुः।

1 कुरिंती 1:5

अपे ईसू मसी सुदापे मिनीयान अते भगवान अपेराः जीवे उडु-बुडूगोतेडा, जेमहा अपे नपायतेपे बुतुड़ु अवेन अरू जमा बरानाःपे बुझाव अवेन।

1 कुरिंती 4:18

अपे अते तोनोंग तोनोंग होड़कू, हाँय अबू एचेरे ओरोय वेजेडा, माःआन ओंगोलतेडखनकू बड़वारतना।

1 कुरिंती 5:6

अपे हाँयग सनहा होड़ बदीरे चिला लगापे बड़वारतना? अपे मेरपे सुसुदीता जा, गुनमिनाः सेबेल सोड़ा जमा गोहोम गुंडा एचे पुड़सूड़गोडता, माःआन?

2 कुरिंती 11:1

ईंग बुयांग होड़ इयायिंग कतायता हना कता अयूम लगा अपेराः लुतूर अलोपे टिपी रेडगे। हाव, अपे अनायूम सहावगिंगपे।

2 कुरिंती 13:9

अले अबड़ इदानले हों, अपे जबड़ जुवाः दो, अले बहाल जुवाःता। अरू अपे नाय नपायपे उडु-बुडू जुवाः लगाले अरजीता।

गलातिया 6:3

मनदो अपे अते तोनोंगीग होड़ हुडिंग इदानीग हों, हाँय अनँयग आँयगते मरंगे उंगलुःता दो हाँय अनँयग अडिग जोमता।

पिलिपी 1:27

तोनोंग इया होयाः, अपेराः लूर-नेवन ईसू मसीराः कतत नपाय सरवन इया होनोयाः लगा इदा। दो ईंग अपे एचेरेयिंग सेन सहे मेरिंग सेन, अपे बदीरेयिंग अयुमे, हँकू बिसवासरे बड़ियाड़ इदानकुःआ। ईंग नाःआ होयिंग अयुमे, हँकू मिनी जीवकियानखन मिनी ओंगोलते, ईसू मसीराः नपाय सरवन एटाः होड़कू बिसवासगे लगा, मुरुककू मिहनइतगेतना, माःआन।

पिलिपी 2:12

दो ईंगरिकुःआ अजी बोपोहकूतिंग, अपे सुदायिंग दोहोन मेला, ईंगराः चेडतो जमा बेलापे मनावगोड ञवना। अरू नुँहू अपे सुदा कोवायिंगा हों अपे अरू नपायतेपे मनावगोड ञवन। भगवान सडावकेडकुःआ हँकुःआ होड़कू जियाः लगा इदा हनन इया, अपे हों भगवान मड़ंगरे अकूस मनाः घड़ीन मुरुक मिहनइतकेडखन जियाः लगा इदा।

उदुःतो कताकून 3:17

अपे कतनता, अले मुरुकले अदेरवाना अरू गिरहत इदानलेःआ। अले एचेरे तोनोंगाः जिनिस हुडिंग बगरा कोवानेःआ। मनदो अपे मेरपे सुसुदीता, अपे हदरावतो, अरू होड़कू ञेल सोगनता हना इया, अरू गरीबकू, अरू अंधाकू अरू एकेते इदानपेःआ।

उदुःतो कताकून 5:10

आम हँकू राजाकू अरू पुजउरीकूम बड़ाँवकेडकुःआ, जेमहा हँकू अबूरीग भगवानकू सेवा, अरू जमा चउंदीसरेकू राइजगे।”