1 कुरिंती 4:7 - Korwa Bible

⁷ अपे एटाः होड़कू अते मइद इदानपेःआ जा? भगवान एमेकेरा हना अड़ाःकेडखन अरू अपे एचेरे चिला इदा? अरू अपे भगवान अगीतेपे पवावकिया दो, अले दहिनकून मेरले पवावगना, माःआन चिला लगापे बड़वारतना?

1 कुरिंती 4:7 Σταυροειδείς Αναφορές

लूका 19:13

हाँय सेन अते मड़ंग अनँयग दसटोंग सेवकियाकूतेने राःतेरा अरू मेमेड होड़ मेमेड होड़ एचेरे मेमेडटोंग सोनाराः रिचकी ढिबुवा एमेतेडखन हँकू एचेरेय कताया, ईंग अरीनिंग कुदा वेग वरी अपे नानाःतेपे पुंजियावगे। हनते हाँय तोराय।

एहुना 1:16

अरू हाँय उडु-बुडूत होयानेन अते अबू जमाकूराः जीवरे मुनुरुक मयाबू पवावनेना।

एहुना 3:27

दो एहुना कतातेरा, “भगवान सेरमो देसते तोनोंगीग एचेरे मेरेय एमेवा, हना वरी हाँय तोनोंगाः ओरोय पवावनेना।

रूमी 1:5

जमा जइत होड़कू ईसू मसी मनेवाडिगखन बिसवास अवे लगा, भगवान हाँयते अले मयावाडखन मूक चेलाकूय बड़ाँवकेडलेःआ।

रूमी 12:3

दो भगवान ईंगे मयावारा। हना अते ईंग हाँयरीग मूक चेलायिंग बड़ाँवकियानखन अपेयिंग सेतावतना, अपे इदानपेःआ हना अते मरंग अँननपे अपे अहापे ओंगलुः। मनदो नाय नपायते ओंगोल बुझावकियानखन भगवान अपेय जिमावारा हिनिनमिन बिसवास इया अँननपे अपे फड़ियावगुः।

रूमी 12:6

भगवान अबूय मयावाडबूखन एटाः एटाः दहिने एमेवाडबुःआ। तोनोंगीग भगवानराः बड़रा कतायीग होड़ हवे दो हाँय भगवान एमेतेरा हना बिसवास इयाय कताय।

1 कुरिंती 15:10

मनदो भगवान ईंगे मयावारा। हनालगा नुँहू ईंग इदानिंगा हनानाःयिंग बड़ाँवनेना। अरू हाँय ईंगे मयावारा हना ईंग जीवरे सदाःआ मेर होयागना। हनते हों ईंग ईसूरिकुःआ एटाः मूक चेलाकू अते मुरुक बगरा मिहनइत घड़ीनिंग बुतातना। मनदो नाःआ बुता ईंग इनिंगराः जंगरते मेरिंग बुतातना। भगवान ईंगे मयावारा अरू हनानाः मया ईंग बुनुतागोड ञवन लगा संघरा एमेता।

1 कुरिंती 3:5

दो अपोलोस इये हवे? अरू पउलूस इये हवे? अलिंग दो हाँयरिकिनाः सेवकियाकिन एकला हवे अरू अपे अलिंगते परबू एचेरेपे बिसवासकेरा। मेमेड होड़ लगा भगवान जिमावाडलेःआ, हनानाः बुता एकलाले बुता ञवनतना।

1 कुरिंती 5:6

अपे हाँयग सनहा होड़ बदीरे चिला लगापे बड़वारतना? अपे मेरपे सुसुदीता जा, गुनमिनाः सेबेल सोड़ा जमा गोहोम गुंडा एचे पुड़सूड़गोडता, माःआन?

1 कुरिंती 7:7

हनते हों ईंग चहाःतना, जमा मरदकू इनिंग इया बेगर बियाहतेकू दोहोन। मनदो जमा मरदकू भगवान अते एटाः एटाः इयाःआ दहिनकू पवावकिया, मी होड़ लगा मी बरानाः अरू एटाःयीग लगा एटाः बरानाः।

एकूब 1:17

जमा इयाःआ नपाय अरू उडु-बुडूत दहिनकून भगवान अगीतेबू पवाःता। जमा इयाःआ मरसले तुलाकेरा हाँयग भगवान अबू लगा नाःआ दहिनकूने एमेयता। भगवान सगर सइट मिनी इयाय दोहोनता अरू उंबूल लंबी पुडनता हनन इया हाँय एचेरे तोनोंगाः बदला कोवानेःआ।

1 पतरस 4:10

भगवान अनँयगराः अगामाः मयाते एमेवातेडपेःआ हनानाः दहिनकूनते नपाय जिमेवारी होड़कू इया अँननपे अपे सेवा होड़ेंग।