1 कुरिंती 4:5 - Korwa Bible

⁵ दो परबू अरीने कुदा वेग वरी, अपे तोनोंगीग अलोपे फड़ियावगेय। हनाँय अंदरारे ओकोत इदा हना कताकून मरसलरेय एचे उदुःगोडता अरू होड़कूराः ओंगोलकूने एचे उदुःगोडता। हना तयोमते भगवान मेमेड होड़ अँननकूराः बुता इयाय भल-भलायकूता।

1 कुरिंती 4:5 Σταυροειδείς Αναφορές

मती ओजाःतेरा भगवानराः नपाय सरवन 10:26

एटाः होड़कू अते ओकोकेडखनकू पसावगोडता हन कताकून भगवान उडुंगगोडता, अरू ओकोत बड़रा भगवान जमा होड़कूय एचे सुदीगोडकूता। हनालगा अपे होड़कू सुदा अहापे बोर।

मती ओजाःतेरा भगवानराः नपाय सरवन 24:30

हनते मनुवारीग बेटातराः चिनहा सेरमोरे होयाःता। अरू चउंदीसरिकुःआ जमा जइत होड़कू फिकीर घड़ीनकू इयामता। अरू हनमेला हँकू मनुवारीग बेटात मुरुक जंगर अरू विड़चेड़तो मरसल इया बदरीरे वेगतोकू ञेलेयता।

मती ओजाःतेरा भगवानराः नपाय सरवन 24:46

दो मालिक वेग मेला हाँयग सेवकिया होड़ अनँयग बुता नपाय एचेयतेय ञेलेयता दो, हाँयग सेवकिया होड़राः जीव नपाय दोहोनता।

मती ओजाःतेरा भगवानराः नपाय सरवन 25:21

दो मालिक कता कुदातेरा, नपायमे एचेकेरा, ईंगरीग बिसवासगेयीग अरू नपाय सेवकिया। आम गुनमिन कतारे बिसवासगेयीगमे दोहोना। दो ईंग मुरुक कताकूनराः जिमेवारीयिंग ओवामता। आमरीग मालिक सुदा आम होंम बहाल जुवाः।

मती ओजाःतेरा भगवानराः नपाय सरवन 25:23

दो मालिक कता कुदातेरा, नपायमे एचेकेरा, ईंगरीग बिसवासगेयीग अरू नपाय सेवकिया। आम गुनमिन कतारे बिसवासगेयीगमे दोहोना। दो ईंग मुरुक कताकूनराः जिमेवारीयिंग ओवामता। आमरीग मालिक सुदा आम होंम बहाल जुवाः।

लूका 6:37

तोनोंगीग अहापे फड़ियावगेय दो, तोनोंगीग अपे हों ओरोकू फड़ियावतेडपेःआ। तोनोंगीग मेरपे बदीगेय दो, अपे हों ओरोकू बदीतेडपेःआ। एटाःकूराः कसूरपे बराव एंडागे दो, भगवान हों अपेराः कसूरे बराव एंडागोडता।

एहुना 21:22

दो ईसू हाँय एचेरेय कतातेड, “नाँय ईंग कुदा वेग वरी जिनियते दोहोन लगायिंग चहाः दो आम लगा चिला होयाःता? मनदो आम ईंग दूरमे सनालावगोड ञवन।”

एहुना 21:23

नाःआ कता बिसवासी होड़कू एचेरे सितरावयान, नाँयग चेला ओरोय गोएगनेना, माःआन। ईसू हाँय बदीरे मेरेय कतागाड, ओरोय गोएगनेना, माःआन। मनदो ईंग कुदा वेग वरी जिनियते दोहोन लगायिंग चहाः दो आम लगा चिला होयाःता, माःआने कतातेरा।

एहुना 5:44

अपे अँननपे अपे जाग होड़ेंगता अरू मिनीटोंग इदानिया हाँयग भगवान अगीते मान मरजइत पवाः लगा अपे मेरपे चहाःतना। दो अपे करा उड़ी ईंगपे बिसवास अवे?”

रूमी 14:4

एटाः होड़रीग सेवादार फड़ियावगेय लगा आम इये हवे? हाँय सताये एचेयकेरा जा कोवान, हना हाँयरीग मनालिकतेन फड़ियावगेता। परबू हाँये संघरावायता। अरू हनालगा हाँय परबूराः ओंगोल इया सताये एचे अवेयता।

रूमी 2:1

ने सउंगता, आम सहे तोनोंगीग दोहोन, आम एटाः होड़कू बदीकेडखनमे फड़ियावकू दो हना बदीरे आम अनम बनसाः लगा कहिसाः ओरोम कता अवेतेरा। आम एटाःकूम बदीता, हनानाः कतारे आम होंम कसूरगेतना। हनालगा आम अनमरीग फड़ियावदारमे बड़ाँःता।

रूमी 2:16

ईंग अपे एचेरे सरवनिंग कता उदुःतेरा हनन इया फड़ियावराः हना दिनरे, भगवान ईसू मसीते, जमा होड़कूराः जीवरे इदा, हना ओकोत कताकूने फड़ियावता।

रूमी 2:29

मनदो भगवानराः ओंगोल इया नपाय जीव इदा, हनाँयग होड़ सतायते एहूदा होड़े दोहोनता। ओजाःतो सरवन इया जीव-धार गेड अते सताय खतना मेर होयाःता, मनदो जीव अते बेलूर कताकून भगवानराः सुद बिरुवा चलाः एंडागोडता दो, हनानाः हवे सताय खतना। नाःआ इयायीग होड़ होड़कू अगीते कोवान, मनदो भगवान अगीते मान मरजइते पवाःता।

रूमी 2:7

तोनोंग तोनोंग होड़कू सहाव घड़ीन नपाय बुताकू बुतागोड ञवनता। हँकुःआ होड़कू भगवान अगीते मान मरजइत अरू मेर गुजुःता हना देह पवाः लगाकू चहाःतना। हँकुःआ होड़कू लगा भगवान ओरो टुटीगनेना हना जीवे एमेवाकूता।

1 कुरिंती 1:7

दो अपे अबूरीग परबू ईसू मसीराः कुदा वेग लगापे टकागोड ञवन मेला, सुद बिरुवाराः दहिन बदीरे अपे जीवरे तोनोंगाः हुडिंग बगरा ओरो होयानेना।

1 कुरिंती 11:16

नाःआ कता बदीरे तोनोंगीग अड़ा-चउकी दो ईंग कतायतना, अले अरू भगवानराः कलसियारिकुःआ होड़कू एचेरे तोनोंगाः एटाः रिती-बिधी कोवानेःआ।

1 कुरिंती 11:26

तोनोंग मेला अपे नाःआ रुटीपे जोम अरू नाःआ अंगूर रसपे ञूय, दो परबू अरीने कुदा वेग वरी हाँयराः गुजुः बदीरेपे उदुःगेता।

1 कुरिंती 15:23

मनदो अबू जमाकू पाली-पाली भगवान जियाव रेमबूता। हाँय मड़ंगरे ईसू मसीय जियाव रेमकेरा। अरू ईसू मसी कुदा वेग मेला, हाँयरिकुःआ जमा होड़कू भगवान जियाव रेमकूता।

1 कुरिंती 3:13

दो अंदजावराः दिनरे भगवान जमा होड़कूराः बुता नपाय इदा जा कोवान, हना सेंगेलतेय अंदजावगेता। अरू हनन इया मेमेड होड़राः बुता जमा होड़कू तलारे सेंगेलते भगवान एचे उदुःगेता।

1 कुरिंती 3:14

तोनोंगीग होड़ बिसवासी होड़कूराः बिसवासे बड़ियाड़गेडतान दो फड़ियावराः दिनरे भगवान अगीते हाँय इमाने पनावाःता।

1 कुरिंती 3:8

रोपायता हाँयग होड़ अरू दहवेता हाँयग होड़, हँकिन बना होड़राः ओंगोल मिनी दोहोनता, अरू जमाकू अँननकूराः बुता इया बनीकू पवाःता।

2 कुरिंती 10:18

मी होड़ अनँयग बदीरेय भल-भलायगुः दो भगवान हाँय ओरोय मनेवातिरिया, मनदो परबू भल-भलायगुःता हनाँयग होड़ भगवान मनेवायता।

2 कुरिंती 10:9

अपे ईंग बदीरे अलोपे ओंगले, हाँय चिठी ओजाःकेडखन होड़कूय एचे बोरोयीग होड़ हवे, माःआन।

2 कुरिंती 4:2

मनदो ओनोक दनंगकू एचेयता हना गियुः इयाःआ बुताकूनले अड़ाः एंडागोतेरा। अले चलहू होड़कू इया मेरले सलाःता अरू भगवानराः सरवनरे एटाः तोनोंगाः सरवन मेरले मेसायता। मनदो अले बदीरे भगवान सुनुदीबाःगोडता, हँकू जमा होड़कू एचेरे ईंगराः सताय सरवनकू कता उदुःगेता, माःआन। नाःआते अले बदीरे जमा होड़कू अँननकूराः इंदरीरेकू सुदीबाःगोडता, हँकू भगवान ननायगुः जुकूर इदानकुःआ, माःआन।

2 कुरिंती 5:10

अरू ईसू मसी अबू जमाकूय फड़ियावता। हना दिन अबू नाःआ देहरे दोहोन मेलाबू एचेकेरा हना नपाय सहे बेलूर बुताकूनराः इमान पवाः लगा हाँयराः गदी मड़ंगरे अबू जमाकू चड़ाँन पराःता।

1 तिसलूनिका 5:2

हनालगा हान तुमिस होयाःता हना बदीरे ईंगके अपे लगा ओओजाः कोवानेःआ।

इबरानी 4:13

भगवान तुलाकेरा हना जमा सकालाः हाँय अते ओकोत कोवानेःआ। जमाकून हाँय मेडरे ञेल पुरुःता इया इदा, अरू हनाँय एचेरे अबूके आभा एएमे पराःता।

एकूब 4:11

ने अजी बोपोहकूतिंग, अपे अँननपे अपे अहापे बदी होड़ेंग। अनँयग वपक बोपोहकूतेने बदीता सहेय जाःकूता हाँयग होड़ भगवानराः नियमे बदीता अरूय जाःगेता। नियमे जाःता हाँयग होड़ नियम इया मेरेय सलाःतना, मनदो हाँय हना नियमराः फड़ियावदारे होयाःता।

एकूब 5:7

हनालगा ने अजी बोपोहकूतिंग, परबू ईसू अरीन वेग वरी जमा बरानाः सहाव घड़ीनपे दोहोन। किसाड़कू ओतराः ननपाय जोःओ अदेरगे लगा असड़ दाः अरू सिसीर दाः लुजरुः वरी असरागोड ञवनताकू,

एकूब 5:9

ने अजी बोपोहकूतिंग, अपे एटाः होड़कू बदीरे अँननपे अपे अहापे कुरबुराव होड़ेंग। हनन इयापे एचेय दो फड़ियावदार अपेराः कसूर बदीरे अपेय डंडियावता। अरू हनाँयग फड़ियावदारराः अरो पता निचकाःतना।

1 पतरस 1:7

तोनोंग दिनरे लाय जुवाःता हना सोना हों नपाय होयाः लगा सेंगेलरेकू गरावगेता। अपेराः बिसवास सोना अते मुरुक नपाय इदा, अरू हना बिसवास सताय हवे माःआन जासबाःका लगा, नाःआ कटसिया अपेराः जीवरे होयाःता। अरू ईसू मसी अनँयग आँयग होड़कू एचेरेय एचे ञिलुः मेला, अपेराः सताय बिसवास बदीरे भगवान अपे मरंगे ओंगोलपेता अरू अपे बदीरे भल-भलायकियानखने मान मरजइतपेता।

1 पतरस 5:4

दो बिसवासी होड़कूरीग मूक सरवाहा, ईसू मसी कुदा वेग मेला, अपे लगा कहियो ओरो गोसोनेना हना मुरुक मान मरजइतगे इयाःआ इमाने एमेवापेता।

2 पतरस 3:12

अपे भगवानराः दिन लगापे टकागोड ञवन अरू सेरमो अरू सेरमोराः जमालेःआ जिनिसकून मिनी जूदा सेंगेलते पघलाव जुवाःता हनानाः दिन ओहेन होयाः लगा हली हली बुतागोड ञवन लगा इदा।

2 पतरस 3:4

अरू हँकू कतायता, हाँय कुदा वेगता हना जबान करेन पुराःतान? अबूरिकुःआ खुटिपरिया होड़कू गोएगयनाकू। चउंदीस बुँहड़ीकियान वरीते कहिसाः मेर बदलावगना अरू जमाकून हनन इया सलाव ञवनतना, माःआन।

जूदा 1:14

मनाड़ंगरीग होड़ आदमरीग नइड़-बाँसरे सात नमारीग होड़े दोहोना हाँयग हानोक हों, हँकुःआ लबरा चेडदार होड़कू बदीरे दरवाःआ बड़राय कतातेरा, ञेलपे, परबू आँयगरिकुःआ हजार हजार सुद बराहीलकू सुदाय वेगता अरू जमा होड़कूय फड़ियावकूता।

उदुःतो कताकून 1:7

ञेलेयपे, हाँय बदरीरेय कुदा वेगता, अरू जमा होड़कू हाँय अगीकू ञेलता, हाँयकू सोबोःतेरा हँकुःआ होड़कू हों हाँयकू ञेलता, अरू चउंदीसरिकुःआ जमा होड़कू हाँय बदीरेकू फिकिराःता। अरू हनन इया होनोया जुवाःता। आमीन!

उदुःतो कताकून 20:12

जमा गोएगतो होड़कू हना गदी मड़ंगरे चड़ाँतिंग ञेलतेडकुःआ। हुडिंगीग अरू मरंगीग, जमाकू हंडाकू दोहोना। बराहीलकू मुरुक बगरा कागदकूनकू पितोरतेरा। हनते जीवराः कागद होंकू पितोरतेरा। हना कागदकूनरे गोएगतो होड़कूराः बुताकून ओजाःतो दोहोना। अरू हनानाः बुता इया भगवान हँकूय फड़ियावतेरा।