1 कुरिंती 4:12 - Korwa Bible

¹² अले अँननलेराः तिःईतेले मिहनइतगेता। होड़कू अलेकू कड़ीतान दो, भगवान हँकूराः जीव नपायगे लगाले अरजीता। अलेकू संतावतान दो हनले सहवेता।

1 कुरिंती 4:12 Σταυροειδείς Αναφορές

मती ओजाःतेरा भगवानराः नपाय सरवन 5:11

एटाः होड़कू, अपे ईंग बदीरे लंदा एरंगवापेताकू, संतावपेताकू अरू अपे बदीरे जमा बरानाः लबरा बड़राकू कतायता दो, अपेराः जीव-जहन भगवान भलावाडखने नपायगेयता।

मती ओजाःतेरा भगवानराः नपाय सरवन 5:44

मनदो अपे ईंगपे अयूम, अपेरिकुःआ मुदइ होड़कूपे अलार-दुलार अरू अपेकू संतावता हँकुःआ होड़कू लगापे अरजी।

लूका 23:34

दो हनमेला ईसू भगवान एचेरेय अरजीःआ, “ने अपांग, नँकुःआ होड़कू मेरकू सुदीयतना, नँकू चिलाकू एचेतना। हनालगा नँकूराः कसूरमे बराव एंडागोड।” हँकुःआ सइनाकू चीट-पोटतेडखन हाँयराः सोनहे अँननकू हटिंगयान।

लूका 6:28

अपेकू सती-सरापता हँकूपे भलावा अरू अपेकू लंदा एरांगवाता हँकू लगापे अरजी।

एहुना 15:20

अपे एचेरेयिंग कतातेरा हना बड़रा अपे उहियार अगूयपे, तोनोंगीग बेगारी होड़ आँयगरीग मालिक अते मरंग मेरेय दोहोनता। हँकू ईंगकू संतावतेरा दो, अपे होंकू संतावपेता। अरू हँकू ईंगराः कताकू मनाः दो, अपेराः कता होंकू मनाःता।

मूक चेलाकू 18:3

हँकिनराः पेनेसा कुंबा तुला लगा दोहोना, अरू हना बुता पउलूस होंय एचेया। हनालगा पउलूस हँकिन सुदाय दोहोना अरू हना बुताकू बुताःआ।

मूक चेलाकू 20:34

अपे अँननपे अपे सुदीयतना ईंग इनिंग तिःईते बुतातेडखन ईंग लगा अरू ईंगरिकुःआ सेवा देंगवा होड़कू लगा हों जियाः जिनिसकूनिंग पुरावतेडकुःआ।

मूक चेलाकू 7:60

हनते हाँय उकुड़ोमनेनखने खिररीःआ, “परबू, नँकुःआ होड़कूराः कसूर अँननकू बदीरे अलोम ओंगोल दोहोगे।” नाःआ कतावाडखन हाँय गोएगयाने।

रूमी 12:14

अपेकू संतावता हँकुःआ होड़कू अहापे सती-सरापकू मनदो भगवान हँकूराः जीव-जहन नपायगेय लगापे अरजीगोड ञवन।

रूमी 12:20

मनदो, “अपेरिकुःआ मुदइ होड़कू रंगेगतोकू दोहोन दो हँकू जोम लगापे एमेगोडवाकू, हँकू दाः ततंगतेकू दोहोन दो ञूय लगापे एमेगोडवाकू। नाःआ इयापे एचे दो अपे हँकूराः पगरीपे उतरावगोडता।”

रूमी 8:35

ईसू मसी अबूय दुलारता अरू हना दुलार अते तोनोंगाः एटाः अवेबूता जा? ओरो! तोनोंग इयाःआ कटसिया, सहे ओंगोल अदरुजी, सहे संताव, सहे ञेड गोएगबू लगा दिरुवा, सहे कतकाल, सहे ओयोन तुसिंग लगा हुडिंग-बगरा, नाःआ जमाकून हाँयराः हना दुलार अते अबू ओनोरो एटाः अवेतेडबुःआ।

1 कुरिंती 9:6

ईंग अरू बरनाबास एकला जोम-ञूय लगा तितिहा इदा जा?

2 कुरिंती 11:8

ईंगराः गुजर मसर सलाः लगा ईंग एटाः एटाः कलसियारिकुःआ होड़कू अते बरेलायिंग गोःकेरा, जेमहा अले अपेले सेवा अवे।

इपीसी 4:28

इनिगगेःआ हाँयग होड़ अरू अहाय इनिगगे, मनदो नुँहू वरीते हाँय अनँयग तिःईते नपाये बुता जोम, जेमहा हाँय तोनोंग तोनोंग जिनिसकूनराः हुडिंग बगरा इदानकुःआ हँकुःआ होड़कूय संघरा अवेवाकू।

1 तिसलूनिका 2:9

ने अजी बोपोहकूतिंग, अपे उहियारगेतनापे जा, अले भगवानराः नपाय सरवन अपे एचेरे परसारगे मेला दिन रइत उगार उडुंगवामिन घड़ीनले बुता जोमा, जेमहा तोनोंगीग लगा बोझा अलो होयाः।

2 तिसलूनिका 3:8

अले तोनोंगीग एचेरे तेरेग जोम लगा मेरले सेनेगान, मनदो दिन रइत मुरुक मिहनइतकेडखन बुता घड़ीनले जोमा, जेमहा अपे तोनोंगीगके बोझा अलो होयाः।

1 तिमुतियूस 4:10

जीयत इदानिया हाँयग भगवान एचेरे अबूराः असरा इदा। हाँय जमा होड़कूरीग सडावदार हवे अरू हाँय आँयग एचेरेकू बिसवासगेता हँकुःआ होड़कूय सनाडावबाःकूता। हनालगा अबू मिहनइत घड़ीनबू सेसेवातना।

1 पतरस 2:23

हँकुःआ होड़कू हाँयकू बेग-हतावातिरिया दो, हाँय हनन इया बदला मेरेय कुदागाड। अरू कटसियाय सहावा, दो तोनोंगीग मेरेय हुड़कावगाड। मनदो हाँय नपायतेय फड़ियावगेता हाँयग भगवान एचेरेय भरसातेरा।

1 पतरस 3:14

मनदो अपे नपाय बुतापे बुताता हना अते कटसिया ससहाव पराः दो, भगवान अपेराः जीवे नपायगोडता। हँकूराः हुड़काव अयूमकेडखन अपे अहापे बोर अरू अहापे हदराःआ,

1 पतरस 3:9

अपे बेलूर बदलारे बेलूर अपे अहापे कुदागे, अरू तूडपेताकू हना बदलारे अलोपे तुडकू, मनदो हँकुःआ होड़कूराः जीव-जहन भगवान नपायगे लगापे अरजीगोड ञवन। ननन इयाःआ बुताकून एचेय लगा भगवान अपेय राःकेडपेःआ, जेमहा अपेराः जीव-जहन हों भगवान नपायगे।

1 पतरस 4:19

दो अपे भगवानराः ओंगोल इया कटसियापे सहाव दो नपाय बुतापे बुता घड़ीन बिसवासगेयीग तुलायदार एचेरे अपेराः जीव जिमागोड लगा इदा।

जूदा 1:9

मनदो जमाकू अते मरंग सेरमो देसरीग बराहील मिकाईल हों, मोसेसराः मुरदा लगा कलउ सुदाय लड़ाइ मेला, हाँयग कलउ बदीरे तोनोंगाः ओपता बड़रा मेरेय कतागाड, मनदो हाँय नाःआ इयाय कतातेड, भगवान आमे डंडियावता, माःआन।