1 कुरिंती 4:1 - Korwa Bible

¹ ननन इया इदान दो अपे अलिंग ईसू मसीरिकिनाः सेवकियाकिन अरू भगवानराः ओकोत कनहून जिमात होड़किन इयापे ओंगोल दोहोलिंग।

1 कुरिंती 4:1 Σταυροειδείς Αναφορές

मती ओजाःतेरा भगवानराः नपाय सरवन 13:11

दो ईसू कतातेड, “भगवानराः राइजराः ओकोत कताकून सुदी लगा अपे लगा भगवान कनहूने एमेकेरा, मनदो हँकुःआ होड़कू लगा कोवान।

मती ओजाःतेरा भगवानराः नपाय सरवन 24:45

“कनहूनदार अरू नपाय बिसवासगेयीग सेवकिया होड़ इये हवे? एटाः सेवकिया होड़कू नपाय बेलारे जोम जिनिसकून एमेवाकू लगा मालिक मूक होड़े बड़ाँवतिरिया हनाँय हवे।

मरकूस 4:11

दो ईसू कतातेड, “भगवानराः राइजराः ओकोत कताकून सुदी लगा अपेके भगवान कनहूने एमेवाडपेःआ, मनदो एटाः होड़कू सुदा ईंग अउल-तउल कहड़ीयिंग उदुःगेता।

लूका 1:2

नाःआ कताकून बुनुँहड़ी वरीतेकू ञेञेला अरू भगवानराः सरवनकू चेडतेडकुःआ हँकुःआ होड़कू अतेबू अयूमकेरा।

लूका 12:42

दो परबू ईसू कतातेड, “अपे अते कनहूनदार अरू नपाय दोदोहोयीग जिमेवारी होड़ इये हवे? एटाः सेवकिया होड़कू नपाय बेलारे जोम जिनिसकून एमेवाकू लगा मालिक मूक होड़े बड़ाँवतिरिया हनाँय हवे।

लूका 8:10

दो ईसू कतातेड, “भगवानराः राइजराः ओकोत कताकून सुदी लगा अपेके भगवान कनहूने एमेकेरा। मनदो एटाः होड़कू सुदा ईंग अउल-तउल कहड़ी उदुःगेतिंग, जेमहा हँकुःआ होड़कू ञेनेल मेडतेकू ञेलता, मनदो ओरोकू सुदीतेरा, अरू लुनुतूर लुतूरतेकू अयूमता मनदो ओरोकू बुझावनेना।”

रूमी 11:25

ईंगरिकुःआ अजी बोपोहकूतिंग, मड़ंगरे होड़कू मेरकू सुदीया नाःआ कता बदीरे अपे अनसिनहार अहापे दोहोन। अरू अपे अँननपे कनहूनदारकू अहापे ओंगलुः। इसराएल होड़कू अते अदोम होड़कू अँनकूराः जीवकू कटकटावगोतेडा। मनदो भगवान ओंगोल दोहोकेडकुःआ हँकुःआ बेगर एहूदाकू हाँय एचेरे अरीनकू बिसवासगे वरी हँकुःआ एहूदाकू अँनकूराः जीव केटेग कटकटावतोकू दोहोनता।

रूमी 16:25

भगवानराः जाग होयाः। हाँय ईसू मसीराः नपाय सरवन ईंग अरू एटाःकू परसारकेड अते अपेराः जीव बिसवासरेय एचे बड़ियाड़ अवेपेता। नाःआ नपाय सरवन मड़ंग जूग वरीते जमा जइत होड़कू लगा ओकोत इया दोहोना।

1 कुरिंती 2:7

मनदो अले, चउंदीस बुँहड़ीन अते मनाड़ंग अबूराः मान मरजइत होयाः लगा, भगवान ओंगोल दोहोकेरा हनानाः ओकोत कनहूनले परसार उदुःगेतना।

1 कुरिंती 3:5

दो अपोलोस इये हवे? अरू पउलूस इये हवे? अलिंग दो हाँयरिकिनाः सेवकियाकिन एकला हवे अरू अपे अलिंगते परबू एचेरेपे बिसवासकेरा। मेमेड होड़ लगा भगवान जिमावाडलेःआ, हनानाः बुता एकलाले बुता ञवनतना।

1 कुरिंती 4:13

अलेकू बदीतान दो हँकू सुदा सुधियाले बुतुड़ुता। नुँहू वरी अले होड़कू लगा जोम एरांगतो इया अरू सेया खरसी इया इदानलेःआ।

1 कुरिंती 4:2

अरू मड़ंग अलिंग मालिक एचेरे बिसवासगे इयालिंग दोहोन लगा इदा।

2 कुरिंती 11:23

हँकू मसीरिकुःआ सेवकियाकू हवे दो, ईंग हँकू अते बइड़के इदानिंगा। नाःआ ईंग बउड़ाहा होड़ इयायिंग कतायता। ईंग मुरुकिंग मिहनइतकेरा, घड़ी घड़ी जेहेलरेकू सींगतिरिंगा, कइन तुरहा गुरुंदतेकू ञेडतिरिंगा अरू कइन तुरहा गुजुःतेयिंग बनसावकिया।

2 कुरिंती 12:6

ईंग सतायिंग कतायतना। हनालगा ईंग भल-भलायगुः लगायिंग चहाः हों ईंग बुयांग ओरोयिंग बड़ाँवनेना। मनदो ईंग कताय लगायिंग धक जुवाःता, जेमहा तोनोंगीग ईंग एचेरेकू ञेलता अरूकू अयुमेता हना अते बगरा ईंग बदीरे अलोकू ओंगले।

2 कुरिंती 4:5

अले अँननले बदीरे कोवान मनदो ईसू मसी, परबू हवे माःआनले परसारगेता, अरू हाँय लगा अले अपेरिकुःआ सेवकियाकू इदानलेःआ।

2 कुरिंती 6:4

मनदो अलेराः नपाय बुताते होड़कू सुदीबाःगोडता, हँकू भगवानरिकुःआ सताय सेवकियाकू हवे, माःआन। अले सिकिसतारे अरू संतावरे अरू गरीबगुःरे मुरुक सहाव घड़ीनले दोहोना।

इपीसी 1:9

भगवान अनँयगराः ननपाय ओंगोल इया ईसू मसीते एचेय लगाय ओंगोल दोहोतेरा अनँयगराः ओकोत दोहोना हनानाः हिछा अबूय एचे सुदीकेडबुःआ।

इपीसी 6:19

ईंग भगवानराः नपाय सरवन कताय मेला, डीड़ते हना सरवनराः ओकोत कताकूनिंग कता अवे लगा, ईंग लगा होँपे अरजी।

कुलूसी 2:2

हँकूराः जीव हड़ियाड़कियानखन अलार-दुलारते मिनी जुमूटगे लगायिंग चहाःतना, जेमहा भगवानराः ओकोत बुइद, ईसू मसी बदीरे, नपायते बुझावकियानखनकू सुनुदीबाःगे।

कुलूसी 4:3

ईंग नपाय सरवन परसार बदीरे जेहेलरे इदानिंगा। हनालगा अले ईसू मसीराः ओकोत सरवन उदुःगे लगा भगवान अले बेलाय एमेवाले लगा,

1 तिमुतियूस 3:16

अरूबू कबुलाःता हना बिसवास मुरुक गहीर सताय इदा। होड़कूराः सुरइत मुरइतरेय जनमावनेना, बेगर गारबारते इदानिया माःआन सुद बिरुवा कता उदुःतेरा सेरमो देसरिकुःआ बराहीलकू हाँयकू ञेलतेरा, होड़कू हाँय बदीरे जमा जइत होड़कू एचेरेकू परसार उदुःतेरा, चउंदीसरिकुःआ होड़कू हाँय एचेरेकू बिसवासतेरा, अरू मान मरजइत सुदा सेरमो देस अगी भगवान रेम गोःयडिया।

1 तिमुतियूस 3:6

हाँय नँवा बिसवासी होड़ अलोय दोहोन, जेमहा हाँय बड़वारकियानखन कलउ पवावकिया हना इया डंड भगवान अगीते अलोय पवाः।

1 तिमुतियूस 3:9

भगवान अबूय उदुःवातेरा हना बिसवास बदीराः सताय चेडतो हँकुःआ होड़कू नपाय इंदरीतेकू बिसवास हड़ाःगे लगा इदा।

तितूस 1:7

कलसियारीग मूक होड़ भगवानराः बुता बदीरे जिमेवारी होड़ होयाः अते बेगर गारबारते दोहोन लगा इदा। हाँय बड़वार होड़ सहे रिता रिसुः होड़ सहे बूलतो होड़ सहे कड़ीग होड़ सहे लुभिया होड़ अलोय होयाः।

1 पतरस 4:10

भगवान अनँयगराः अगामाः मयाते एमेवातेडपेःआ हनानाः दहिनकूनते नपाय जिमेवारी होड़कू इया अँननपे अपे सेवा होड़ेंग।