1 कुरिंती 3:6 - Korwa Bible

⁶ ईंग रोपाकेरा, अरू अपोलोस दहावतेरा, मनदो भनगवान हमा हराकेरा।

1 कुरिंती 3:6 Σταυροειδείς Αναφορές

मूक चेलाकू 11:18

नाःआ कता हँकुःआ होड़कू अयूमतेरा दो हँकू कलेकालयान अरू भगवान जागवाडखनकू कताया, “नपाय इदा। भगवान बेगर एहूदाकू कसूर अते जीव कुदाकेडखन ओरो टुटीगनेना हना जीवकू पवाः लगाय दहिनवाडकुःआ।”

मूक चेलाकू 14:27

हंडाकिन सोदोरनेन दो हँकिन जमा बिसवासी होड़कूकिन एचे जुमावतेडकुःआ अरू हँकिनते भगवान एचेतेरा अरू भगवान बेगर एहूदाकू ईसू एचेरे करा उड़ीकू बिसवासतेरा हना जमाकूनकिन कता उदुःतेरा।

मूक चेलाकू 16:14

हँकुःआ अइमीकू अते मी होड़राः ञाव दोहोना लिदिया। हाँय मुरुक किमइतराः धुः-धुमइल रांगराः सोनहेकूनराः फेरवइत होड़े दोहोना। हाँय थायतिरा सहररीग होड़े दोहोना अरू भगवान जाग घड़ीने सेवातेरा। पउलूस कतातेरा भगवानराः हना नपाय सरवन बिसवासगे लगा परबू भगवान हाँयग लिदियाए एचे मनेवातेरा।

मूक चेलाकू 18:24

हना वरीते अपोलोस ञावीग मी होड़ एहूदा होड़ इपीसी सहररेय वेजेडा। हाँय मिसिरी देसराः सिकंदर सहररीग होड़े दोहोना। हाँय नपाय चेडतो होड़े दोहोना अरू भगवानराः सरवन बदीरे कनहूनदारे दोहोना।

मूक चेलाकू 19:1

अपोलोस कुरिंतीरेय दोहोन मेला, पउलूस गलातिया अरू पिरगिया छतरते इपीसी सहररेय सेनेडा। हाँय हंडा अदोम बिसवासी होड़कू सुदाय जुमावनेना।

मूक चेलाकू 21:19

पउलूस हँकूय सलामतेडा अरू आँयगराः सेवाते भगवान बेगर एहूदाकू तलारेय एचेतेरा हना जमा कताकूने उदुःतेरा।

रूमी 15:18

ईंगराः परसार अरू बुताते ईसू मसी एचेकेरा हनानाः बदीरे एकलायिंग कतायता, जेमहा बेगर एहूदाकू भगवानकू मनाः।

1 कुरिंती 1:12

ईंग नाःआ कता ननानाः लगायिंग कतायतना, अपे अते अदोमकूपे कतायता, ईंग पउलूसरीग चेला हवे; अरू तोनोंगीग कतायता, ईंग अपोलोसरीग चेला हवे; अरू तोनोंगीग कतायता, ईंग कइपारीग चेला हवे; अरू तोनोंगीग कतायता, ईंग ईसू मसीरीग चेला हवे, माःआन।

1 कुरिंती 1:30

भगवान अपे ईसू मसी सुदाय मिनीकेडपेःआ अरू हाँय अगीते अबू कनहूनदारकू बड़ाँवकिया। अरू हाँयते अबू भगवानराः ओंगोलरे बेगर गारबार होड़कूबू बड़ाँवकिया अरू सुद होड़कू बड़ाँवकेडबूखने सडावकेडबुःआ।

1 कुरिंती 3:22

पउलूस, सहे अपोलोस, सहे कइपा, सहे चउंदीस, सहे जियाः, सहे गुजुः, सहे नुँहू होयाःतना हना, सहे दरवाःआ हना, जमा बरानाः अँननपेराः नफा लगा इदा।

1 कुरिंती 3:7

हनालगा रोपाकेराय हाँय, सहे दहावकेराय हाँय, हँकिन बना होड़ कही कोवाकिना, मनदो भनगवान हमा जमाकूय हराबूतना।

1 कुरिंती 9:1

ईंग एएचे लगायिंग ओंगलेता हना ओरोयिंग एचे अवेतेरा जा? ईंग हों ईसूरीग मूक चेला ना लवे जा? ईंग अबूरीग परबू ईसू मेरिंग ञेलगतिरिया जा? अपे परबू ईसू बदीरेयिंग उदुःवातेडपेःआ अते हाँय एचेरे मेरपे बिसवासगेतना जा?

इपीसी 3:17

अपेराः बिसवासते ईसू मसी अपेराः इंदरीरेय डेरान लगायिंग अरजीतना। जेर गहीर सेनेकियानखन सींग बड़ियाड़गेता अरू ओड़ाः खुंटा बड़ियाड़गेता, हनन इया अपेराः जीव अलार दुलारते बड़ियाड़ जुवाः लगा होयिंग अरजीतना।

1 तिसलूनिका 1:5

ईसू मसीराः नपाय सरवन अले अते अँननलेराः आहराः बड़रा एकला मेरपे अयूमकेरा, मनदो हान सुद बिरुवाराः जंगरते अरू पका-निका बिसवासते दोहोना। अपे नाःआ होँपे सुदीयतना, अले अपे तलारेले दोहोन मेला अपेके नफा होयाः लगाले जियावनेना माःआन।