1 कुरिंती 3:23 - Korwa Bible

²³ अरू अपे ईसू मसीरिकुःआ हवे अरू ईसू मसी भगवानरीग हवे।

1 कुरिंती 3:23 Σταυροειδείς Αναφορές

मती ओजाःतेरा भगवानराः नपाय सरवन 17:5

पतरस नाःआ इयाय कनकता मेला मीटोंग विड़चेड़तो बदरी हँकू दाब रेडगोतेडकू अरू हना बदरीते भगवानराः बड़रा अयूमनेना, “नाँय ईंगरीग दुलार बेटा हवे, नाँय बदीरे ईंग मुरुक बहालते इदानिंगा। नाँयराः कतापे मनाः।”

एहुना 17:18

आम ईंग चउंदीसरेम वारकिडिंगा, हनन इया हँकू हों ईंग चउंदीसरेयिंग वारकेडकुःआ।

एहुना 17:21

ने अपांग, आम ईंग सुदा मिनी इदानमेःआ अरू ईंग आम सुदा मिनी इदानिंगा, हनन इया हँकुःआ होड़कू हों जमाकू अँननकू अँकू मिनी जुवाः। नाःआते चउंदीसरिकुःआ होड़कू बिसवासगेता अनम ईंगमे वारकेरा।

रूमी 14:8

अबू जमाकू परबूरिकुःआ होड़कू हवे। हनालगा अबू जीयतबू दोहोन, दो परबू लगाबू जियाःता अरूबू गोएग जुवाः दो, परबू लगाबू गुजुःता।

1 कुरिंती 11:3

अपे नाःआ कतापे सुदीबाःगोड लगायिंग चहाःतना। मेमेडटोंग अइमीकूरीग मूक अँननकूरिकुःआ हेपेरेलकू हवे। अरू जमा मरदकूरीग मूक ईसू मसी हवे अरू ईसू मसीरीग मूक भगवान हवे।

1 कुरिंती 15:23

मनदो अबू जमाकू पाली-पाली भगवान जियाव रेमबूता। हाँय मड़ंगरे ईसू मसीय जियाव रेमकेरा। अरू ईसू मसी कुदा वेग मेला, हाँयरिकुःआ जमा होड़कू भगवान जियाव रेमकूता।

1 कुरिंती 15:28

भगवान जमा बरानाः हाँयराः आड़रेय जिमागोतेरा दो, हाँय हों अनँयग आँयग भगवान आड़रेय जिमा जुवाःता। अरू भनगवान हमा जमाकू एचेरेय राइजगेता।

1 कुरिंती 7:22

परबू तोनोंगीगे राःतेरा हनमेला हाँय बेगारी होड़े दोहोना हों, हाँय परबूरीग अजइततो होड़ हवे। हनन इया अजइते दोहोना हनमेला परबू राःकिरिया हाँयग होड़ मसीरीग बेगारी होड़ हवे।

1 कुरिंती 8:6

अबू लगा मिनीटोंग भगवान इदा अरू हनाँय हवे अबूरीग अपांग। हाँय जमाकूने तुलाकेरा अरू अबू हाँय लगाबू जियाःता। अरू अबू लगा मिनीटोंग परबू इदा। हनाँय हवे ईसू मसी। हाँय जमाकूने तुलाकेरा अरू हनाँयते अबू जीयत इदानबुःआ।

2 कुरिंती 10:7

अपे सताय कतापे सुदीवा। तोनोंगीग ओंगोलबाःका, ईंग मसीरीग हवे। दो हाँय अले बदीरेय बुझाबाःकान, ईंग इया हँकू हों मसीरिकुःआ हवे, माःआन।

गलातिया 3:29

अरू अपे ईसू मसीरिकुःआ होड़कू इदानपेःआ दो इबराहीमरिकुःआ नइड़-बाँस होड़कूपे बड़ाँवकिया अरू जबान इया इताडदारकूपे बड़ाँवकिया।

गलातिया 5:24

ईसू मसीरिकुःआ होड़कू अँननकूराः बेलूर ओंगोलकून अरू ललचीराः कसूर लूर-नेवन, कुरूसरेकू ठोंकावतेडखनकू अड़ाः एंडागोतेडा।

इपीसी 1:10

अरू भगवान तोल दोहोकेरा हनानाः बेलाराः बुइद इया, सेरमोरे अरू ओतरे इदानकुःआ, हँकुःआ जमाकू मसीराः हातपातरेकू होया जुवाः।