1 कुरिंती 2:3 - Korwa Bible

³ ईंग अपे सुदायिंग दोहोन मेला, सतवास अरू बोर घड़ीन मुरुकिंग कलपाःआ।

1 कुरिंती 2:3 Σταυροειδείς Αναφορές

मूक चेलाकू 17:1

हना तयोमरे पउलूस अरू सिलास अंपिपुलिस सहर अरू अपोलोनिया सहर पारनेनखन तिसलूनिका सहररेकिन सोदोरनेना। अरू हना सहररे एहूदाकूराः मीटोंग अरजी ओड़ाः दोहोना।

मूक चेलाकू 18:1

हना तयोमरे पउलूस एतेनस सहर अते कुरिंती सहर अगी तोराय।

मूक चेलाकू 18:12

गलियो, अकाया छतररीग मरंग हातपात होड़े बड़ाँवनेन मेला, एहूदाकू पउलूस बदीरे मिनीनेनखन हाँय कोट कछेरीरेकू अगूतिरिया।

मूक चेलाकू 18:6

मनदो एहूदाकू हाँय मुरुककू घंटावतिडिया, अरू ओपताय घड़ीनकू कतावाया दो, पउलूस आँयगराः सोनहे मीटोंग चिनहा इया हँकूराः बदीरेय कोटातेडखने कताया, “भगवान अपेय डंडियाता हनाराः जिमेवारी अँननपेराः होयाःता। नुँहू वरीते ईंग बेगर एहूदाकू एचेरे भगवानराः नपाय सरवनिंग कता उदुःता।”

2 कुरिंती 10:1

अदोम होड़कू कतायता, पउलूस दुरहियाते चिठीय ओजाःतान मेला मुरुके डीड़गार जुवाःता मनदो अबू मड़ंगरे पोंकाहा इदानिया, माःआन। दो ईंग इनिंग पउलूस मसी इया सुधा अरू हुडिंग ओंगलुः घड़ीन अपे एचेरेयिंग गोड़न-पइयनतना।

2 कुरिंती 10:10

अपे अते अदोम होड़कू ईंग बदीरेकू कतायता, पउलूसराः चिठीराः कताकून कड़ाइ अरू निठास दोहनता। मनदो हाँय अबू एचेरेय वेगतान दो अबड़ावतो इदानिया अरू हाँयराः बड़राकून लुर-लूर दोहोनता, माःआन।

2 कुरिंती 13:4

ईसू कुरूसरेय गोएगनेन मेला हाँय अबड़ावतोय ञिलुःआ। हनारे हों हाँय भगवानराः जंगरते जिनियत इदानिया। हनन इया अले हों हाँय इया अबड़ इदानलेःआ, मनदो भगवानराः जंगरते ईसू सुदा अले हों जीयतले दोहोनता, जेमहा अपे लगाले सेवागोड ञवन।

2 कुरिंती 13:9

अले अबड़ इदानले हों, अपे जबड़ जुवाः दो, अले बहाल जुवाःता। अरू अपे नाय नपायपे उडु-बुडू जुवाः लगाले अरजीता।

2 कुरिंती 4:1

भगवान आँयग सेवा लगा अलेय मयावारा। हनालगा अले मेरले अदरुजीनता।

2 कुरिंती 4:16

अलेराः देह लाय एंडानता, मनदो अलेराः जीव सगर दिन नँवा इदीनतना। हनालगा अले मेरले हदराःता।

2 कुरिंती 6:4

मनदो अलेराः नपाय बुताते होड़कू सुदीबाःगोडता, हँकू भगवानरिकुःआ सताय सेवकियाकू हवे, माःआन। अले सिकिसतारे अरू संतावरे अरू गरीबगुःरे मुरुक सहाव घड़ीनले दोहोना।

2 कुरिंती 7:15

अपे अकूस मनाः घड़ीन तितूस सुदापे जुमावनेनखन हाँयराः जमा कताकूनपे मनावनेना माःआने उहियार अगूयता अरू हनाते अपे बदीरे हाँयराः दुलार अनउर बगरा इदीनता।

2 कुरिंती 7:5

अले मकिदुनिया देसरेले सेनेड मेला अले मेरले लोड़ोगान, मनदो चइरो गतरते अलेके कटसिया होयाःआ। होड़कू अले मुरुककू संतावलेःआ अरू अलेराः जीव कुहकाः घड़ीन हदराःआ।

इपीसी 6:5

ने सेवकियाकू, अपे ईसू मसीराः कतापे मनाःता हनन इया, अपेरिकुःआ मालिककूराः अकूस मनाः घड़ीन हँकूराः कता मिनी जीवतेपे मनाः।