1 कुरिंती 2:13 - Korwa Bible

¹³ अरू ननानाः कता बदीरेले चेडपेता, अरू नाःआ चेड, होड़कूराः कनहून इया कोवानेःआ, मनदो सुद बिरुवातेले चेडकिया। अले सुद बिरुवा पवावतो होड़कू एचेरे सुद बिरुवाराः दहिन बदीरेले कता उदुःगेता।

1 कुरिंती 2:13 Σταυροειδείς Αναφορές

लूका 12:12

दो हननमेला सुद बिरुवा अपे उदुःवापेता चेले माःआन ककता इदा, हना।”

मूक चेलाकू 2:4

हँकुःआ जमा होड़कू भगवानराः सुद बिरुवातेकू पेरेगयान अरू एटाः एटाः भासीरेकू बड़राःआ।

1 कुरिंती 1:17

ईसू मसी बतिसमा एमे लगा मेरेय वारगडिंगा, मनदो नपाय सरवन होड़कू कता उदुःवाकू लगाय वारकिरिंगा। ईंग मरंग मरंग बुतुड़ुते नपाय सरवनिंग परसारकेः दो, ईसू मसी कुरूसरेय गोएगनेना हनाराः मतलोब सदाःआ होया जुवाःकुःआ।

1 कुरिंती 14:2

अनबुझ भासीय बड़राता हाँयग होड़, होड़ सुदा मेरेय बड़राता, मनदो भनगवान सुदाय बड़राता। हनालगा हाँयराः बड़रा तोनोंगीग मेरेय बुझाव अवेनता, अरू हाँय ओकोत बुइदकून सुद बिरुवा अगुवाइतान अतेय कतायता।

1 कुरिंती 2:1

ने अजी बोपोहकूतिंग, ईंग अपे एचेरे मड़ंगिंग सेनेड दो मरंग मरंग बुतुड़ुते भगवानराः ओकोत बुइद बदीरे मेरिंग कतागाड सहे मनुवाकूराः कनहून इया मेरिंग परसार उदुःगाड।

1 कुरिंती 2:14

सुद बिरुवा तोनोंगीग होड़ एचेरे मेरेय दोहोन दो, हाँय सुद बिरुवाराः कताकून मेरेय मनाःता अरूय एरांगवाता। सुद बिरुवा एकला भगवानराः कताकूने एचे सुदीकूता। हनालगा हँकुःआ होड़कू हना कताकून मेरकू बुझाव अवेनता।

1 कुरिंती 2:4

ईंग बुतुड़ु मेला सहे सरवनिंग परसार मेला, ईंग कनहूनदार इदानिंगा हना उदुः लगा मरंग मरंग लबदरे मेरिंग कतागाड। मनदो ईंग सुद बिरुवाराः जंगरतेयिंग कता उदुःतेरा,

1 कुरिंती 9:11

मी होड़ किसाड़ हुड़ूय वेरता, हनन इया अलिंग अपे एचेरे नपाय सरवनलिंग परसारतेरा। दो अपे अते नफालिंग पवाःता हना नपाय कोवानेःआ जा?

इपीसी 5:19

अँननपे अपे जाग सेरेंगकून, लंबी मसी सेरेंगकून अरू सुद बिरुवाते सगरावतो सेरेंगकूनपे सेरेंग उदुः होड़ेंग। अरू अँननपे अपेराः इंदरीते भगवान लगा सेरेंगकेडखन हाँयपे जागगोड ञवन।

कुलूसी 3:16

मसीराः सरवन अपेराः जीवरे नपायतेपे दोहोगे। अरू जमालेःआ कनहूनते अँननपे अपे सेताव होड़ेंग घड़ीनपे चेड होड़ेंग। अरू अँननपेराः इंदरीरे भगवान धनियाबाद घड़ीन जाग सेरेंगकून, लंबी लंबी मसी सेरेंगकून, अरू सुद बिरुवा अगुवाइवापेता हना सेरेंगकूनपे सेरेंगगोड ञवन।

1 पतरस 1:12

हँकू अँननकूराः नफा लगा कोवान, मनदो नपाय सरवनकू अयुमेता हँकुःआ होड़कू लगाकू सेवाःआ, माःआन भगवान हँकूय एचे सुदीवातेडकुःआ। अरू नाःआ बेलारे, भगवान सेरमो देस अतेय वारकेरा हाँयग सुद बिरुवाराः जंगरते पपरसार होड़कू अपे एचेरे, सेरमो देसरिकुःआ बराहीलकू हों बुझाः लगाकू तरसाःतना, हना नपाय सरवनकू परसारकेरा।

2 पतरस 1:16

ईसू मसीराः जंगर बदीरे अरू हाँयराः कुदा वेग बदीरे अले तोनोंगाः तुलात कहड़ीकून मेरले कता बोनावगाडपेःआ। मनदो अले अँननलेराः मेडते हाँय तुमिन मरंग इदानिया हनाले ञेलकेरा।