1 कुरिंती 2:1 - Korwa Bible

¹ ने अजी बोपोहकूतिंग, ईंग अपे एचेरे मड़ंगिंग सेनेड दो मरंग मरंग बुतुड़ुते भगवानराः ओकोत बुइद बदीरे मेरिंग कतागाड सहे मनुवाकूराः कनहून इया मेरिंग परसार उदुःगाड।

1 कुरिंती 2:1 Σταυροειδείς Αναφορές

मूक चेलाकू 20:21

ईंग एहूदाकू अरू बेगर एहूदाकू एचेरे हों हँकू अँकूराः कसूर अड़ाःतेडखन भगवान अगी जीवकू कुदागे लगा अरू परबू ईसू एचेरेकू बिसवासगे लगायिंग कता उदुःवातेडकुःआ।

मूक चेलाकू 22:18

हना दरसनरे परबू ईसू ईंग एचेरेय कताया, ईंग बदीरे आमराः हिदइत नंडाकुःआ होड़कू मेरकू बकाःता। हनालगा आम ओहेन एरुसलेम अतेम सलाव जुवाः, माःआन।

रूमी 16:18

नाःआ इयाकू एचेयता हँकुःआ होड़कू अबूरीग परबू ईसू मसी मेरकू सेवायता, मनदो अँननकू नफा पवाः लगाकू सेवातना। हँकू अँनकूराः बोनावतो बड़राते सुधा होड़कूकू बहकावगोडकूताकू।

रूमी 16:25

भगवानराः जाग होयाः। हाँय ईसू मसीराः नपाय सरवन ईंग अरू एटाःकू परसारकेड अते अपेराः जीव बिसवासरेय एचे बड़ियाड़ अवेपेता। नाःआ नपाय सरवन मड़ंग जूग वरीते जमा जइत होड़कू लगा ओकोत इया दोहोना।

1 कुरिंती 1:17

ईसू मसी बतिसमा एमे लगा मेरेय वारगडिंगा, मनदो नपाय सरवन होड़कू कता उदुःवाकू लगाय वारकिरिंगा। ईंग मरंग मरंग बुतुड़ुते नपाय सरवनिंग परसारकेः दो, ईसू मसी कुरूसरेय गोएगनेना हनाराः मतलोब सदाःआ होया जुवाःकुःआ।

1 कुरिंती 1:6

नाःआ अते, ईंग ईसू मसी बदीरेयिंग उदुःवाडपेःआ, हना जमा कताकून सनाताय हवे माःआनपे सुदीबाःगोतेरा।

1 कुरिंती 2:13

अरू ननानाः कता बदीरेले चेडपेता, अरू नाःआ चेड, होड़कूराः कनहून इया कोवानेःआ, मनदो सुद बिरुवातेले चेडकिया। अले सुद बिरुवा पवावतो होड़कू एचेरे सुद बिरुवाराः दहिन बदीरेले कता उदुःगेता।

1 कुरिंती 2:4

ईंग बुतुड़ु मेला सहे सरवनिंग परसार मेला, ईंग कनहूनदार इदानिंगा हना उदुः लगा मरंग मरंग लबदरे मेरिंग कतागाड। मनदो ईंग सुद बिरुवाराः जंगरतेयिंग कता उदुःतेरा,

1 कुरिंती 2:7

मनदो अले, चउंदीस बुँहड़ीन अते मनाड़ंग अबूराः मान मरजइत होयाः लगा, भगवान ओंगोल दोहोकेरा हनानाः ओकोत कनहूनले परसार उदुःगेतना।

2 कुरिंती 10:10

अपे अते अदोम होड़कू ईंग बदीरेकू कतायता, पउलूसराः चिठीराः कताकून कड़ाइ अरू निठास दोहनता। मनदो हाँय अबू एचेरेय वेगतान दो अबड़ावतो इदानिया अरू हाँयराः बड़राकून लुर-लूर दोहोनता, माःआन।

2 कुरिंती 11:6

ईंग बुतुड़ु लगा नवड़िरहिया इदानिंगा हों, बेगर कनहूनते कोवायिंगा। अरू नाःआ कता बदीरे जमालेःआते अपे एचेरे नपायतेले उदुःबाःगोतेरा।

2 तिसलूनिका 1:10

ईसू मसी अनँयग एचेरेकू बिसवासकेरा अरू सुद इदानकुःआ हँकुःआ होड़कू एचेरे मान मरजइत जुवाः लगा, अरूकू बयाव जुवाः लगाय कुदा वेगता हना दिन, नाःआ जमाकून होयाःता। अरू अपे अलेराः हिदइतरेपे बिसवासकेरा। हनलगा अपे हों हना गउदारेपे दोहोनता।

1 तिमुतियूस 1:11

अरू अगम नपाय भगवान ईंगे जिमावारा हना जागगेयाः नपाय सरवनते नाःआ नियम खाप जोमता।

2 तिमुतियूस 1:8

हनालगा आम परबू ईसूराः नपाय सरवन होड़कू एचेरे कता उदुःगे लगा सहे हाँयराः नपाय सरवन परसार अते जेहेलरे सींगतो इदानिंगा ईंग बदीरे हों अहम गियुः, मनदो भगवानराः जंगरते ईंग सुदा नपाय सरवन लगा कटसियाम सहाव।

1 एहुना 4:14

भगवान आँयगरीग बेटात चउंदीसरिकुःआ जमा होड़कू सडाव लगाय वारकिरिया। अले हाँय अँननले मेडतेले ञेलतिरिया अरू हिदइतले एएमेयतना।

उदुःतो कताकून 1:2

भगवानराः सरवन अरू ईसू मसी उदुःवातेरिंगा हना जमाकूनिंग ञेलतेरा अरू हना कताकूनराः हिदइतदार इदानिंगा।

उदुःतो कताकून 1:9

ईंग एहुना, ईसू मसी एचेरे बिसवासगे अते अपेरीग वगापे हवे। भगवान अबूरीग राजा हवे अरू अपे इया ईंग हों ईसू मसीराः राइज बदीरे संतावतो इदानिंगा अरू कटसियायिंग सहावतना। मड़ंगरे भगवानराः सरवनिंग परसारतेड अते अरू ईसू बदीरे ईंग चेडतेडकू अते हँकू ईंग पतमोस डुगुरेकू उडुंग एंडागोतेडिंग।

उदुःतो कताकून 19:10

हनते ईंग हाँय जाग लगा हाँयराः काट कुटीरेयिंग तबेरनेना। मनदो हाँय ईंग एचेरेय कतातेड, “नाःआ इया अलोम एचेय। आम अरू एटाः बिसवासी होड़कू इया, ईंग हों ईसूरीग सेवकिया हवे। आम इया ईंग हों ईसूराः हिदइतिंग उदुःता। अरू भगवानराः बड़रा कता होड़कू हों ईसूराः हिदइतकू उदुःता। हनालगा भनगवानमे जाग।”