1 कुरिंती 15:52 - Korwa Bible

⁵² मेडकू निपकावता हिनिन बितिक, ओहेन टुटीगरे मरंग सोहनाईकू ओंगता हनमेला, अबू जमाकूराः देह बनदलावबाः जुवाःता। मरंग सोहनाईकू ओंगता हनमेला, गोएगतो होड़कू जमाकू भगवान जियाव रेमकूता, अरू अबू जमाकूराः देह बनदलावबाः जुवाःता।

1 कुरिंती 15:52 Σταυροειδείς Αναφορές

मती ओजाःतेरा भगवानराः नपाय सरवन 24:31

हनते हाँय अनँयगरिकुःआ बराहीलकू मरंग सोहनाई ओंग घड़ीने वारकूता अरू हाँय चउंदीसराः चइरो गतर अते, सेरमोराः मी कोना अते एटाः कोना वरीते, भगवान सुनावकेडकुःआ हँकुःआ जमा होड़कू भगवान एचेरेय एचे जुमावकूता।”

एहुना 5:25

अपे ईंगपे अयूम, मी बेला सुदुरुःता, अरू हनमेला गोएगतो होड़कू भगवानरीग बेटातराः अरोकू अयूमता अरूकू जियाःता। मनदो हना बेला नुनुँहू बुँहड़ीयना।

एहुना 5:28

मड़गटरे इदानकुःआ हँकुःआ होड़कू हाँयराः अरो अयूमकेडखन उडुंग वेगराः बेला सुदुरुःतना अरू अपे अहापे बयावगुः।

1 कुरिंती 15:23

मनदो अबू जमाकू पाली-पाली भगवान जियाव रेमबूता। हाँय मड़ंगरे ईसू मसीय जियाव रेमकेरा। अरू ईसू मसी कुदा वेग मेला, हाँयरिकुःआ जमा होड़कू भगवान जियाव रेमकूता।

1 कुरिंती 15:42

ननन इया गोएगतो होड़कूराः जियाव रिमुः होयाःता। होड़कू मुरदाकू तीलगोडता अरू हना सेया एंडा जुवाःता। मनदो भगवान गोएगतो होड़कूय जियाव रेमकू मेला हँकू लगा नँवा देहे एमेवाकूता। हना देह कहियो ओरो सेयानेना।

1 कुरिंती 15:50

ने ईंगरिकुःआ अजी बोपोहकूतिंग, अपे ईंगपे अयूम। अबू चउंदीसरे दोहोन लगा भगवान एमेकेरा हना देह सेया जुवाःता। मनदो सेरमो देसरे दोहोन लगा भगवान एमेयता हना देह ओरो सेयानेना। हनालगा अबू चउंदीसरे दोहोन लगा भगवान एमेकेरा हना देह सुदा सेरमो देस ओरोबू सेने अवेनेना।

1 तिसलूनिका 4:15

परबू ईसू कताकेरा हनानाः बड़राले कतायतना। अबू जीयत इदानबुःआ अरू ईसू मसी कुदा वेग वरी हों जिनियतबू दोहोन दो, गोएगकियाकू हँकुःआ बिसवासी होड़कू अते मड़ंग ईसू सुदा ओरोबू जुमावनेना।

2 पतरस 3:10

अबू मेरबू टकायता हनमेला, इनिग होड़ वेगता हनन इया परबूराः दिन निचकाःता, अरू हना दिन सेरमो मुरुक हड़र-हुड़ूरकियानखन टगाव जुवाःता, अरू बेर, बांगो, इपीलकू अरू सेरमोराः जमालेःआ मिनी जूदा पघलाव एंडा जुवाःता। ओत अरू ओतराः जमा तुलात जिनिसकून हों लो एंडा जुवाःता।

उदुःतो कताकून 8:13

हनते मीटोंग कुड़ीड सेरमोरे उडाःतोयिंग ञेलतिरिया अरू हाँयराः मुरुक सटी अरोयिंग अयूमतेरा, “पेयगोटोंग सेरमो देसरिकुःआ बराहीलकू मरंग सोहनाई ओंग लगा सपड़ावतो इदानकुःआ। हनालगा चउंदीसरिकुःआ होड़कू लगा सिकिसता, सिकिसता, मुरुक सिकिसता होयाःता।”

उदुःतो कताकून 8:2

हनते ईंग सातगोटोंग बराहीलकू भगवानराः मड़ंगरे चड़ाँतिंग ञेलतेडकुःआ। हँकू मेमेडटोंग मेमेडटोंग मरंग सोहनाईकू पवावनेना।