1 कुरिंती 12:9 - Korwa Bible

⁹ तोनोंग तोनोंग होड़कू बिसवासगे लगा अरू एटाः होड़कू बेमरिया अते होड़कू नपायकू लगा सुद बिरुवा दहिन एमेवाकूता।

1 कुरिंती 12:9 Σταυροειδείς Αναφορές

मती ओजाःतेरा भगवानराः नपाय सरवन 10:8

हसूत होड़कूपे नपायगोड, कुड़गा होड़कूपे नपायगोड, गोएगतो होड़कूपे जियाव रेमगोड अरू होड़कू अते भूतकू एचे उडुंगगोडकूपे। अपे बेगर दामतेपे पवावकिया हना अपे बेगर दामते होड़कूपे एमेगोडवा।

मती ओजाःतेरा भगवानराः नपाय सरवन 21:21

दो ईसू चेलाकूतेने कतावाड, “अपे ईंगपे अयूम! अपे बिसवासकेडखन बार जीवगुः घड़ीन अलोपे दोहोन दो, ईंग लुवा दूब एचेरेयिंग एचेकेरा हना अते अरू मरंग मरंग बयाव जुवाः इयाःआ बुताकूनपे एचे अवेयता। अपे नाःआ पहाड़ होँपे कतावा, नाःआते रवीग उडुंगकियानखन समुंदररे लुजरुः, दो हनन इया होया जुवाःता।

मरकूस 16:18

बींगकूकू रेमगोडता अरू तोनोंगाः महुराकू ञूगोड हों हँकू ओरोकू गोएगनेना। हँकू हसूतेकू दोहोन, हँकुःआ होड़कू बोःरे तिःईकू खेपा दो हँकुःआ होड़कू नपाय जुवाःताकू।”

मरकूस 6:13

अरू हँकू मुरुक बगरा भूतकूकू एचे उडुंगतेरा अरू मुरुक हसूतेकू दोहोना हँकुःआ होड़कू एचेरे सुनुम तिलाःतेडकूखनकू एचे नपायतेडकुःआ।

लूका 10:9

हंडाकुःआ बेमरियाकू नपायगोडकूपे अरू हँकू एचेरेपे परसारगे, भगवान अपे एचेरे राइजगे लगाय बुँहड़ीकेरा, माःआन।

लूका 9:2

हनते हाँय हँकू भगवानराः राइज बदीरे परसारगे लगा अरू बेमरियाकू नपायकू लगाय वारगोतेडकू।

मूक चेलाकू 10:38

अरू सुद बिरुवा अरू आँयग जंगर एमेवातेडीगखन भगवान नसरतरीग ईसूय एटाःतिडिया। भगवान ईसू सुदाय दोहोन अते, हाँय एटाः एटाः गाँव सहरकून सेनेडखन नपाय बुताय बुतातेरा अरू भूतकू समसावनेना हँकुःआ होड़कूय नपायगोतेडा।

मूक चेलाकू 5:15

मूक चेलाकूराः बयाव जुवाः इयाःआ बुताकून अते होड़कू अँननकूरिकुःआ बेमरियाकू दूर संडक गतररेकू अगूतेडकुःआ अरू होनोयाःकून करे पतरस हना दूर सेन होले हाँयराः उंबूल हँकू एचेरे पराः लगा खटी अरू पटियारेकू एचे गेतेगकेकुःआकू।

1 कुरिंती 12:28

अरू भगवान कलसियारे एटाः एटाः इयाकुःआ होड़कूय सुनाव दोहोकेडकुःआ। मड़ंगरे ईसूरिकुःआ मूक चेलाकू, अरू भगवानराः बड़रा कता होड़कू, अरू चेडदार होड़कूय सुनाव दोहोकेरा। अरू हाँय अरू एटाः होड़कूय सुनाव दोहोकेरा। हँकू बयाव जुवाः इयाःआ बुता एचे लगा, अरू बेमरियाकू नपायकू लगा, अरू संघरावाकू लगा, अरू अगुवाइवाकू लगा, अरू अनबुझ भासी बड़रा होड़कू होयाः लगाय सुनाव दोहोकेडकुःआ।

1 कुरिंती 12:30

बेमरियाकू नपायकू लगा दहिन जमाकू एचेरे इदा जा? जमा होड़कू अनबुझ भासीकू बड़राता जा? जमा होड़कू अनबुझ भासीराः अरतकू उदुः अवेयता जा?

1 कुरिंती 13:2

ईंग भगवानराः बड़रायिंग कता अवे, अरू भगवानराः ओकोत कता अरू कनहून जमालेःआयिंग बुझाव अवेन, अरू पहाड़कून चलाः एंडागे इयाःआ बिसवास ईंग एचेरे इदान हों ईंग एटाः होड़कू मेरिंग दुलार दो, ईंग कही कोवायिंगा।

2 कुरिंती 4:13

भगवानराः कागदरे ओजाःतो इदा, “ईंग बिसवासतेरा, हनालगा ईंग कताकेरा।” अले हों हनानाः बिसवास लगा ओसताज इदानलेःआ अरू हनालगा बिसवासगे घड़ीनले कतायता,

इपीसी 2:8

अपे ईसू मसी एचेरेपे बिसवासकेड मेला भगवान आँयगराः मयाते अपेय सडावकेडपेःआ। अरू अपे अँननपे कुरनिसगे अते मेरपे सडावगना, मनदो भगवानराः दहिन हवे।

इबरानी 11:33

बिनिसवासते हँकू एटाः राजाकू अतेकू जितावयान अरू सतायतेकू फड़ियावतेरा अरू भगवान जबानतेरा हनाकू पवावनेना अरू कूलकूराः आहकू रिपूडगोतेड,