1 कुरिंती 12:8 - Korwa Bible

⁸ तोनोंगीग होड़ सुद बिरुवाते कनहूनराः सरवने कतायता, अरू तोनोंगीग होड़ सुद बिरुवाते बुझाःराः सरवने कतायता। मनदो नाःआ दहिनकून मिनीटोंग सुद बिरुवा एमेयता।

1 कुरिंती 12:8 Σταυροειδείς Αναφορές

मती ओजाःतेरा भगवानराः नपाय सरवन 13:11

दो ईसू कतातेड, “भगवानराः राइजराः ओकोत कताकून सुदी लगा अपे लगा भगवान कनहूने एमेकेरा, मनदो हँकुःआ होड़कू लगा कोवान।

मूक चेलाकू 6:3

हनालगा अजी बोपोहकूताले, अपे अते नपाय लूर-नेवनकुःआ कनहूनदारकू अरू सुद बिरुवाते पेरेगतो सातगोटोंग होड़कूपे ञाम। हँकुःआ होड़कू जोजोम जिनिस हटिंग बुता बुता लगाले एटाःकूता।

रूमी 15:14

ने अजी बोपोहकूतिंग, ईंग इनिंग अपे बदीरेयिंग सुसुदीतना, अपे सतायरे नपाय होड़कू इदानपेःआ अरू भगवानराः कताकून नपायतेपे सुसुदीतना अरू अँननपे अपे चेड होड़ेंग अवेनता।

1 कुरिंती 1:30

भगवान अपे ईसू मसी सुदाय मिनीकेडपेःआ अरू हाँय अगीते अबू कनहूनदारकू बड़ाँवकिया। अरू हाँयते अबू भगवानराः ओंगोलरे बेगर गारबार होड़कूबू बड़ाँवकिया अरू सुद होड़कू बड़ाँवकेडबूखने सडावकेडबुःआ।

1 कुरिंती 1:5

अपे ईसू मसी सुदापे मिनीयान अते भगवान अपेराः जीवे उडु-बुडूगोतेडा, जेमहा अपे नपायतेपे बुतुड़ु अवेन अरू जमा बरानाःपे बुझाव अवेन।

1 कुरिंती 13:2

ईंग भगवानराः बड़रायिंग कता अवे, अरू भगवानराः ओकोत कता अरू कनहून जमालेःआयिंग बुझाव अवेन, अरू पहाड़कून चलाः एंडागे इयाःआ बिसवास ईंग एचेरे इदान हों ईंग एटाः होड़कू मेरिंग दुलार दो, ईंग कही कोवायिंगा।

1 कुरिंती 13:8

भगवानराः बड़रा कता होड़कूराः कता चबा जुवाःता, अनबुझ भासीकू बड़राता हँकुःआ होड़कूराः बड़रा केड़े जुवाःता, कनहूनदारकूराः कनहून टुटीग जुवाःता, मनदो एटाः होड़कूय दुलारता हाँयग होड़राः दुलार कहियो ओरो टगावनेना।

1 कुरिंती 14:26

ने अजी बोपोहकूतिंग, अपे मिनीरेपे जुमाः मेला नाःआ इयापे एचेय। अपे मेमेड होड़ मेमेड होड़ एचेरे सेरेंगकून सहे, चेड सरवन सहे, भगवानराः एचे उदुःतो सरवन सहे, अनबुझ भासी सहे, अनबुझ भासीराः अरत उदुः लगा इदा दो, नाःआ जमाकूनते कलसियारिकुःआ जमा बिसवासी होड़कूराः नफा होयाः लगा इदा।

1 कुरिंती 14:6

ने ईंगरिकुःआ अजी बोपोहकूतिंग, ईंग अपे एचेरे अनबुझ भासी कता घड़ीनिंग सेनेकुः दो, अपे लगा तोनोंगाः नफा होयाकुःआ जा? अरू ईंग अपे एचेरे भगवानराः उदुःतो सरवन, सहे हाँयराः कनहून, सहे भगवानराः बड़रा सहे चेडतो मेरिंग उदुःकेः दो अपे लगा तोनोंगाः नफा होयाकुःआ जा?

1 कुरिंती 2:11

तोनोंगीग होड़ अनँयग जीवराः ओंगोल एकलाय सुदी अवेता, अरू हान एटाः होड़कू मेरकू सुदी अवेयता। दो ननन इया भगवानराः ओंगोल अनँयगराः बिरुवा एनेकलाय सुदी अवेयता।

1 कुरिंती 2:16

भगवानराः कागदरे ओजाःतो इदा, “परबू सलाह लगा, इये हाँयराः ओंगोले सुदीकेरा?” मनदो अबू मसीराः ओंगोलबू सुदीबाःगोतेरा।

2 कुरिंती 1:12

अलिंग नपाय इंदरीते बहालगुः घड़ीनलिंग कतायतना, चउंदीसरे, बिसेक अपे सुदा अलिंगराः लूर-नेवन भगवान जुकूर, सुद अरू सताय इदा। अरू अलिंग अँननलिंगराः कनहूनते कोवान, मनदो भगवान मयावाडलिंगा हनानाः अतेलिंग जियाःतना।

2 कुरिंती 11:6

ईंग बुतुड़ु लगा नवड़िरहिया इदानिंगा हों, बेगर कनहूनते कोवायिंगा। अरू नाःआ कता बदीरे जमालेःआते अपे एचेरे नपायतेले उदुःबाःगोतेरा।

2 कुरिंती 2:14

भगवान ईसू मसीते जमा बेला अबू बहालतेय एचे जितावबूता। अरू हाँय नपाय महकता हना सुनुम इयाःआ मसीराः कनहून, अबूते होड़कूय एचे सुदीगोडकूता। हनालगा भगवानिंग धनियाबादता।

2 कुरिंती 4:6

भगवान कतातेरा, “अंदरा अते मरसल विड़चेड़,” अरू हनाँय अनँयगराः मरसल अबू जीवरे विड़चेड़तेरा, जेमहा भगवान तुमिन मरंग इदानिया हना कता परबू ईसू मसीतेबू सुदी अवेय।

2 कुरिंती 6:6

नाःआ जमा अले जीवरे होयानेना। हनारे हों अले सुद जीवले जियाःआ, अरू भगवानराः सरवनले ओंगोल बुझाःआ अरू सहाव घड़ीन सुधा होड़कूले दोहोना। अले एचेरे सुद बिरुवा दोहोनता अरू सतायते होड़कूले दुलारा।

2 कुरिंती 8:7

अपे बिसवासरे बड़ियाड़ इदानपेःआ, नपायतेपे बुतुड़ुता अरू कनहूनदारकू इदानपेःआ। अपे जमालेःआ लगा ओसताज इदानपेःआ अरू अले मुरुकपे दुलारलेता। नाःआ जमा कताकूनरे अपे उडु-बुडू इदानपेःआ। हनन इया अपे नाःआ बिहिरी उतरावगेराः बुतारे होँपे उडु-बुडू इदीन।