1 कुरिंती 11:17 - Korwa Bible

¹⁷ अपे मिनीरे जुमाः मेला अपे लगा नपाय मेर होयाःतना, मनदो बेनेलूर होयाःतना। हनालगा ईंग नुँहू चेडपेता हना कतारे अपे बदीरे ईंग तोनोंगाः भल-भलाय मेरिंग कतायतना।

1 कुरिंती 11:17 Σταυροειδείς Αναφορές

रूमी 13:3

नपाय बुताय बुताता हाँयग होड़, हातपात होड़कू सुदा बोर मेर दोहोनता। मनदो बेलूरे एचेयता हाँयके हँकू सुदा बोर दोहोनता। अपे हातपात होड़कू सुदा बेगर बोरते दोहोन लगापे चहाःतना दो, अपे नपाय बुताकूनपे एचेगोड ञवन अरू हनाते हँकू अपेकू मान मरजइतता।

1 कुरिंती 11:2

अपे जमालेःआ लगा ईंगपे उहियारगोड ञवनता। अरू ईंग चेडतेडपेःआ हना जमाकून अपे मनाःतना। हनालगा अपेयिंग भल-भलायवाता।

1 कुरिंती 11:20

दो अपे मिनीरेपे जुमाःतान मेला, अपे परबू भोज नपायते मेरपे मनाःता।

1 कुरिंती 11:22

अपेके जोम-ञूय लगा ओड़ाः कोवानेःआ जा? अपे भगवानराः कलसिया मेरपे बेग-हतावातना जा? अरू तोनोंगाः कोवाना हँकुःआ होड़कू मेरपे एचे गियूकूतना जा? ओहरे! अपे एचेरे चेले माःआनिंग कताय? अपे ईंग भल-भलायपे जा? अहाँ! कहियो ओरोयिंग भल-भलायतेडपेःआ।

1 कुरिंती 11:34

अपे रंगेगतेपे पड़ूकुः दो, ओनोड़ाःतेपे जोम वेग। नाःआ इयापे एचेय दो, भगवान ओरोय डंडियावतेडपेःआ। बनसावतो इदा हना कताकून अपे एचेरे सोदोरकियानखनिंग कता उदुःवापेता।

1 कुरिंती 14:23

मनदो कलसियारिकुःआ होड़कू मिनीरेकू जवारगुः मेला, जमाकू मिनी जूदा अनबुझ भासीकू बड़रा अरू दरबार होड़कू सहे बेगर बिसवासी होड़कू अपे एचेरेकू वेग दो हँकू, नँकू बउड़ावयनाकू, माःआन ओरोकू कतावातेडपेःआ जा?

1 कुरिंती 14:26

ने अजी बोपोहकूतिंग, अपे मिनीरेपे जुमाः मेला नाःआ इयापे एचेय। अपे मेमेड होड़ मेमेड होड़ एचेरे सेरेंगकून सहे, चेड सरवन सहे, भगवानराः एचे उदुःतो सरवन सहे, अनबुझ भासी सहे, अनबुझ भासीराः अरत उदुः लगा इदा दो, नाःआ जमाकूनते कलसियारिकुःआ जमा बिसवासी होड़कूराः नफा होयाः लगा इदा।

इबरानी 10:25

तोनोंग तोनोंग होड़कू संगइती अड़ाःगे लगाकू हेवाकिया। हना इया अबू एटाः होड़कू सुदा संगइतीरे जुमाः लगा अलोबू अड़ाःगे। मनदो मसी कुदा वेगराः बेला निचकाःतना, हनालगा अँननबू अबू अनउरबू कता बहाल होड़ेंग ञवन।

1 पतरस 2:14

बेलूर बुता होड़कू डंडियावकू लगा अरू नपाय बुता होड़कू मान मरजइतकू लगा मरंग राजा, मरंग हातपात होड़कूय वारकेरा। हनालगा अपे हँकुःआ हातपात होड़कूराः हुकुमपे मनाः।