1 कुरिंती 10:11 - Korwa Bible

¹¹ अबू इसराएल होड़कू इया अलोबू होयाः लगा नाःआ जमाकून हँकू जीवरे होयानेना। अबू टुटीगगुः अते मड़ंग बेलारे इदानबुःआ। नाःआ जमाकून अबू लगा ओजाःतो इदा, जेमहा अबू सवासितीबू दोहोन।

1 कुरिंती 10:11 Σταυροειδείς Αναφορές

मती ओजाःतेरा भगवानराः नपाय सरवन 13:39

अरू हना बिहाने वेरतेरा हाँयग मुदइ होड़ कलउ हवे। इरुः चउंदीस टुटीगगुःता हना बेला हवे अरू इईरकुःआ होड़कू सेरमो देसरिकुःआ बराहीलकू हवे।

मती ओजाःतेरा भगवानराः नपाय सरवन 13:40

पहाड़राः बीरकून होड़कू गरोम ठुड़ीकेडखनकू बाल लो एंडागोडता, हनन इया चउंदीस टुटीगगुः मेला होयाःता।

रूमी 13:11

दो नाःआ जमाकून अपे एनेचेगोड ञवन लगा इदा। अबू ईसू मसी एचेरेबू बिसवासकेरा हना वरीते, भगवान अबू जमालेःआतेय सडावबूता, हना दिन लेनेसान इदा। हनालगा अपे नाःआ जूग बदीरे नाय नपायते सुदीकेडखन अपीगतो होड़कू इया अहापे दोहोन, मनदो बेरेडकियानखन सवासितीपे दोहोन।

रूमी 13:12

रइत चबनतना अरू दिन दरवाःआ। हनालगा अपे अंदरा इयाःआ बेलूर बुताकून अड़ाः एंडाकेडखन नपाय लूर-नेवनराः मरसल इयाःआ बुताकूनपे एचेय।

रूमी 15:4

भगवानराः कागदरे मनाड़ंगते ओजाःतो इदा हना कताकून अँननबू चिडुः लगाकू ओजाःकेरा। हना सरवनते अबू सहाव घड़ीन बहालतेबू दोहो अवेनता। अरू हनालगा अबू भगवान एचेरेबू असरा अवेयता।

रूमी 4:23

भगवान इबराहीम बेगर गारबारीग होड़े ओंगोल दोहोबाःकातेडिया। हना, भगवानराः कागदरे ओजाःतो इदा अरू हना हाँयग इबराहीम एकला लगा कोवान, मनदो अबू लगा हों ओजाःतो इदा।

1 कुरिंती 10:6

नाःआ जमा कता अबू लगा सेताव इया इदा, जेमहा अबू हँनकुःआ होड़कूराः बेलूर ललची ओंगोलरे अलोबू सेन।

1 कुरिंती 7:29

ने ईंगरिकुःआ अजी बोपोहकूतिंग, ईंग कतायतना, अबू लगा बगरा बेला कोवानेःआ। हनालगा नुँहू वरीते अइमी इदानिया हाँयग होड़ आँयगरीग अइमी दुलाररे अलोय केड़ेकुः।

1 कुरिंती 9:10

अबू लगा कोवानेःआ जा? भगवानराः कागदरे नाःआ इया अबू लगा ओजाःतो इदा, हड़ सी होड़ अरू एएन होड़, बनर होड़ हुड़ू हटिंग मेला अँनकिनराः बंटाकिन पवाःता हना असरा घड़ीनकिन बुताता।

गलातिया 4:24

नाःआ कहड़ीरे मीटोंग अउल-तउल कता इदा। नँकिनाः बनर अइमीकिन भगवान होड़कू सुदाय एचेयकेरा हना बनर कता-जमकावतो इया इदनकिना। मीटोंग सीनाई पहाड़रे मोसेसते एहूदाकू सुदा भगवान एचेतेरा हना कता-जमकावतो हवे। अरू हान हजीरा हवे अरू हाँयरिकुःआ लइंकू जमाकू बेगारी होड़कू हवे।

पिलिपी 4:5

परबू ओहेने कुदा वेगता। हनालगा अपे सुधिया होड़कू इयापे जियाः।

इबरानी 10:25

तोनोंग तोनोंग होड़कू संगइती अड़ाःगे लगाकू हेवाकिया। हना इया अबू एटाः होड़कू सुदा संगइतीरे जुमाः लगा अलोबू अड़ाःगे। मनदो मसी कुदा वेगराः बेला निचकाःतना, हनालगा अँननबू अबू अनउरबू कता बहाल होड़ेंग ञवन।

इबरानी 10:37

भगवानराः कागदरे ओजाःतो इदा, “गुनहोन तयोमरे वेग लगा इदानिया हाँय वेगता, अरू हाँय ओरोय कुबेरतेरा।

1 एहुना 2:18

ने ईंगरिकुःआ लइंकू इया इदानपेःआ, नाःआ चउंदीस लुलिगगुःराः बेला होयाःता। अपे अयूमकेरा, मसी मुदइ होड़ वेग लगा इदानिया। अरू नाःआ बेलारे होँपे ञेनेलतना मसी मुदइ होड़कू वेगकियाकू। नान अते अबू सुदीयता नाःआ चउंदीस टुटीगगुःराः बेला ओहेन निचकाःतना।