1 कुरिंती 1:29 - Korwa Bible

²⁹ भगवान नाःआ जमाकूने एचेकेरा। हना अते हाँय मड़ंगरे तोनोंगीग ओरोकू बड़वार अवेनेना।

1 कुरिंती 1:29 Σταυροειδείς Αναφορές

रूमी 15:17

अरू ईंग ईसू मसी अते भगवानराः बुतायिंग बुताता। हनालगा ईंग हना बदीरेयिंग भल-भलाय अवेनता।

रूमी 3:19

मनदो अबू सुसुदीतना, नियमराः आड़रे इदानकुःआ हँकुःआ होड़कू हनानाः नियम इया सनालाः पराःता। दो चउंदीसरिकुःआ होड़कूय फड़ियावकूता हाँयग भगवानराः ओंगोलरे जमा होड़कू गारबारकेरा। हनालगा तोनोंगीग भगवान एचेरे ओरोकू कता अवेतेरा, ईंग तोनोंगाः कसूर मेरिंग कसूरगरा, माःआन।

रूमी 3:27

दो भगवान अबूय मनेवा लगा तोनोंगाःबू एचेकेरा, माःआन अबू बड़वार अवेनता जा? तोनोंग इया कोवान। ईसू मसी एचेरेबू बिसवासकेरा, हनालगा हाँय अबूय मनेवाता।

रूमी 4:2

इबराहीमराः नपाय बुताते भगवान हाँय फड़ियावतो होड़े बड़ाँवकेः दो हाँय बड़वार अवेकुःआय। मनदो भगवान मड़ंगरे हाँय तोनोंग इया मेरेय बड़वार अवेगान।

1 कुरिंती 1:31

हनालगा भगवानराः कागदरे ओजाःतो इदा हान इया, “भल भलायगुःताय हाँयग होड़, परबू बदीरेय भल भलायगुः।”

1 कुरिंती 4:7

अपे एटाः होड़कू अते मइद इदानपेःआ जा? भगवान एमेकेरा हना अड़ाःकेडखन अरू अपे एचेरे चिला इदा? अरू अपे भगवान अगीतेपे पवावकिया दो, अले दहिनकून मेरले पवावगना, माःआन चिला लगापे बड़वारतना?

1 कुरिंती 5:6

अपे हाँयग सनहा होड़ बदीरे चिला लगापे बड़वारतना? अपे मेरपे सुसुदीता जा, गुनमिनाः सेबेल सोड़ा जमा गोहोम गुंडा एचे पुड़सूड़गोडता, माःआन?

इपीसी 2:9

अबू अते तोनोंगीग अनबूराः बुताते मेरबू सडावगना, जेमहा तोनोंगीग अलोबू बड़वार अवेन।