1 कुरिंती 1:12 - Korwa Bible

¹² ईंग नाःआ कता ननानाः लगायिंग कतायतना, अपे अते अदोमकूपे कतायता, ईंग पउलूसरीग चेला हवे; अरू तोनोंगीग कतायता, ईंग अपोलोसरीग चेला हवे; अरू तोनोंगीग कतायता, ईंग कइपारीग चेला हवे; अरू तोनोंगीग कतायता, ईंग ईसू मसीरीग चेला हवे, माःआन।

1 कुरिंती 1:12 Σταυροειδείς Αναφορές

मती ओजाःतेरा भगवानराः नपाय सरवन 23:8

मनदो अपेरीग मिनीटोंग गुरुजी इदा अरू अपे जमाकू वगीयाकू हवे। हनालगा अपे अँननपे रबबी माःआन अलोपे एचे कतान।

एहुना 1:42

हना तयोमरे अंदरियास, ईसू एचेरे सिमोने गोःयाडीग। दो ईसू, सिमोन ञेलतेडखने कताया, “आम एहुनारीग बेटात सिमोन हवे। आम कइपा माःआनकू कतावामता।” (कइपाराः मतलोब मरंग दिरि हवे अरू हान उनानी भासीरे पतरस माःआन इदा।)

मूक चेलाकू 18:24

हना वरीते अपोलोस ञावीग मी होड़ एहूदा होड़ इपीसी सहररेय वेजेडा। हाँय मिसिरी देसराः सिकंदर सहररीग होड़े दोहोना। हाँय नपाय चेडतो होड़े दोहोना अरू भगवानराः सरवन बदीरे कनहूनदारे दोहोना।

मूक चेलाकू 19:1

अपोलोस कुरिंतीरेय दोहोन मेला, पउलूस गलातिया अरू पिरगिया छतरते इपीसी सहररेय सेनेडा। हाँय हंडा अदोम बिसवासी होड़कू सुदाय जुमावनेना।

1 कुरिंती 1:11

ने ईंगरिकुःआ अजी बोपोहकूतिंग, खेलोवेराः ओड़ाःरिकुःआ होड़कू अते तोनोंग तोनोंग होड़कू ईंग अपे बदीरेकू उदुःवारिंगा, हँकू कड़ी होड़ेंगतनाकू, माःआन।

1 कुरिंती 15:5

अरू हाँय मड़ंग कइपा एचेरेय एचे ञेलनेना। हना तयोमरे बारहो मूक चेलाकूतेन एचेरेय एचे ञेलनेना।

1 कुरिंती 15:50

ने ईंगरिकुःआ अजी बोपोहकूतिंग, अपे ईंगपे अयूम। अबू चउंदीसरे दोहोन लगा भगवान एमेकेरा हना देह सेया जुवाःता। मनदो सेरमो देसरे दोहोन लगा भगवान एमेयता हना देह ओरो सेयानेना। हनालगा अबू चउंदीसरे दोहोन लगा भगवान एमेकेरा हना देह सुदा सेरमो देस ओरोबू सेने अवेनेना।

1 कुरिंती 16:12

एटाः बिसवासी होड़कू सुदा, अपे एचेरेय सेन लगा अपोलोस मुरुकिंग मंदरावतिरिया। मनदो हाँय सेन लगा मेरेय चहाःआ। हाँय एचेरे दाव दोहोन दो, हाँय अपे एचेरेय सेनेनता।

1 कुरिंती 4:6

ने अजी बोपोहकूतिंग, ईंग अपोलोस बदीरे अरू इनिंगराः बदीरे, ओजाःतो इदा हना अते बगरा एचेय लगा कोवानेःआ माःआन अपेराः नफा लगा अउल-तउल इयायिंग कताकेरा। अरू हन अते अपेके अलिंग अते चिडुः लगा इदा। दो अपे अलिंग बदीरे, मी होड़ एटाः होड़ अते ननपाय इदानिया माःआन, अलिंग बदीरे अलोपे बड़वार।

1 कुरिंती 7:29

ने ईंगरिकुःआ अजी बोपोहकूतिंग, ईंग कतायतना, अबू लगा बगरा बेला कोवानेःआ। हनालगा नुँहू वरीते अइमी इदानिया हाँयग होड़ आँयगरीग अइमी दुलाररे अलोय केड़ेकुः।

1 कुरिंती 9:5

पतरस अरू ईसूरिकुःआ एटाः मूक चेलाकू अरू ईसूरीग बोहोत, हँकू अँननकूरिकुःआ एपेराकू सुदा ईसूराः नपाय सरवनकू कता उदुःता। दो हँकू इया अलिंग हों ओरोलिंग एचे अवेतेरा जा?

2 कुरिंती 10:7

अपे सताय कतापे सुदीवा। तोनोंगीग ओंगोलबाःका, ईंग मसीरीग हवे। दो हाँय अले बदीरेय बुझाबाःकान, ईंग इया हँकू हों मसीरिकुःआ हवे, माःआन।

2 कुरिंती 9:6

नाःआ कता उहियारगेपे, “गुनमिने वेरता, हाँय गुनुनमिने ईरता, मनदो बगराय वेरता, हाँय बनागराय ईरता।”

गलातिया 2:9

कलसियारिकुःआ अगुवा मूक होड़कू हवे माःआनकू कतावाकुःआ, हँकुःआ एकूब, पतरस अरू एहुना, भगवान ईंग लगाय एमेवाडिंगा हना जिमेवारीकू सुदीगोतेड। दो हँकू ईंग अरू बरनाबास, अबूरिकिनाः सेवा देंगवा होड़किन हवे, माःआनकू मनेवातेडलिंगा। नाःआते अलिंग बेगर एहूदाकू एचेरे अरू हँकू एहूदाकू एचेरे सेवाकू लगा मिनी राययानकू।

गलातिया 3:17

भगवान इबराहीम एचेरेय कता-जमकावतेरा, हना जबान चइर सव तीस बरिस तयोमराः तुलात नियमकूनते मेर टगावगुःता सहे मेर बदलाव अवेयता।