1 कुरिंती 1:10 - Korwa Bible

¹⁰ ने ईंगरिकुःआ अजी बोपोहकूतिंग, ईसू मसीराः ञावते अपे एचेरे गोड़न पइयन घड़ीनिंग कतायतना, अपे जमाकू मिनी गूट जुवाःपे। अरू अपे अलोपे बेगराव हटिंगगुः, मनदो अपे मिनी जीव अरू मिनी ओंगोलते मिनी जुमूटपे दोहो ञवन।

1 कुरिंती 1:10 Σταυροειδείς Αναφορές

मती ओजाःतेरा भगवानराः नपाय सरवन 9:16

“तोनोंगीग होड़ जुना सोनहेरे नँवा सोनहेराः चिरकूट ओरोय सोःतेरा। नान उड़ीय एचेय दो नँवा सोनहे हिराः जुवाःता अरू जुना सोनहेरे ओरो मेसानेना।

मरकूस 2:21

ईसू अरू मीटोंग कहड़ी हँकू एचेरेय कता उदुःगेःआ, “तोनोंगीग होड़ जुना सोनहेरे नँवा सोनहेराः चिरकूट ओरोय सोःतेरा। नान उड़ीय एचेय दो नँवा सोनहे, जुना सोनहे ओरगोडता अरू मड़ंगते बनागरा हिराः जुवाःता।

मरकूस 3:24

मिनी देसरेरिकुःआ होड़कू अँननकू अँकू रेडेग होड़ेंग दो करा उड़ीकू दोहो अवेन?

एहुना 10:19

नाःआ कता अयूमतेडखन एहूदाकू अरूकू हिगार हटिंगयान।

एहुना 17:23

आम ईंग सुदा मिनी इदानमेःआ अरू ईंग हँकू सुदा मिनी इदानिंगा, जेमहा हँकू जमालेःआतेकू मिनी जुवाः। हनाते चउंदीसरिकुःआ होड़कू सुदीयता अनम ईंगमे वारकेरा अरू आम ईंगमे दुलारकेरा हनन इया हँकू होंम दुलारकूतना।

एहुना 7:43

नाःआ इया होड़कू हिगार हटिंगयानकू।

एहुना 9:16

फरीसी होड़कू अते अदोम होड़कू कताया, “हाँयग होड़ लोड़ोनराः दिन मेरेय मनाःता। हनालगा हाँय भगवानरीग होड़ ना लवे।” मनदो एटाः होड़कू होंबोरतेरा, “कसूर होड़ करा उड़ी नाःआ इया बयाव जुवाः इयाःआ बुताय एचे अवेय?” नाःआ इया हँकू अड़ा-चउकीयान।

मूक चेलाकू 4:32

जमा बिसवासी होड़कू मिनी जीव अरू ओंगोलतेकू दोहोना। तोनोंगीग मेरकू कतागाड, नाःआ जिनिसकून ईंगराः हवे, माःआन। मनदो हँकू एचेरे दोहोना हना जमा जिनिसकून बरोबइरकू हटिंग होड़ेंगा।

रूमी 1:13

ने अजी बोपोहकूतिंग, नाःआ कता बदीरे अपे अनसिनहार अहापे दोहोन। एटाः जइत होड़कू बिसवासी होड़कूयिंग बड़ाँवकेरा। हनन इया अपे तलारे हों एचेय लगा ईंग अपे एचेरे घड़ी घड़ी सेन लगायिंग चहाःआ। मनदो नुँहू वरी मेरिंग सेने अवेगना।

रूमी 12:1

हनालगा ईंगरिकुःआ अजी बोपोहकूतिंग, भगवान अबूय मयावारा हना कता उहियारकेडपेखन अपे एचेरे गोड़न पइयन घड़ीनिंग असेयतना। अपे अँननपेराः देह भगवान ननायगुःता हना सुद अरू जीयत बलिदान इया जमालेःआपे जिमागोड। नाःआ भगवान सेवाराः सताय लूर हवे।

रूमी 12:16

अपे जमा होड़कू सुदा हेल-मेलरेपे दोहोन। अपे अँननपे अपे कनहूनदारकू ओंगोलकियानखन अलोपे बड़वार, मनदो लचार होड़कू सुदा मिनीरेपे ननायगुः।

रूमी 15:30

ने ईंगरिकुःआ अजी बोपोहकूतिंग, अपे परबू ईसू मसी एचेरेपे बिसवासगेतना अरू सुद बिरुवा अपे अलार-दुलार होड़ेंग लगा संघरावापेतना। हनालगा ईंग अपे एचेरे गोड़न पइयन घड़ीनिंग असेयतना, अपे ईंग लगा भगवान एचेरे मिनी जीवकियानखन ईंग सुदापे अरजी ञवन।

रूमी 16:17

दो ईंगरिकुःआ अजी बोपोहकूतिंग, अपे एचेरे गोड़न-पइयनकियानखन अरू मीटोंग कतायिंग असेयतना, होड़कू अपे चेडकिया हना चेडतो अते एटाः इया चेडकेडखन होड़कूकू हिगार हटिंगगोडकूता अरू होड़कू बिसवासतेकू एचे चलाःगोडकूता। दो हँकुःआ होड़कू सुदा सवासितीपे दोहोन अरू हँकू अते तोरेपे दोहोन।

1 कुरिंती 1:11

ने ईंगरिकुःआ अजी बोपोहकूतिंग, खेलोवेराः ओड़ाःरिकुःआ होड़कू अते तोनोंग तोनोंग होड़कू ईंग अपे बदीरेकू उदुःवारिंगा, हँकू कड़ी होड़ेंगतनाकू, माःआन।

1 कुरिंती 11:18

ईंग अपे बदीरे मड़ंगिंग अयूमकेरा, अपे मिनीरेपे जुमाःतान दो अपे तलारे हिगार हटिंग होयाःता। ईंग नाःआ कता सताय हवे माःआन हुडिंग हुडिंगिंग बिसवासगेतना।

1 कुरिंती 12:25

नाःआते जमा देह दगलीकून नपायते मिनी जूदा बुता अवेन अरू जमा देह दगलीकून संघरा देंगवा होड़ेंग।

1 कुरिंती 3:3

नुँहू वरी अपे अँननपेराः मनबिदियारेपे सलाव ञवनतना। हनालगा अपे जीवरे इरा अरू कड़ीग इदा। दो अपे एचेरे कसूरराः लूर नेवन कोवानेःआ जा? अरू चउंदीसरिकुःआ होड़कूराः ओंगोल इया मेरपे सलाःतना जा?

1 कुरिंती 4:16

हनालगा अपे जमालेःआते ईंगरिकुःआ ञेल सिखात होड़कूपे बड़ाँः लगा अपे एचेरेयिंग गोड़न-पइयनतना।

2 कुरिंती 10:1

अदोम होड़कू कतायता, पउलूस दुरहियाते चिठीय ओजाःतान मेला मुरुके डीड़गार जुवाःता मनदो अबू मड़ंगरे पोंकाहा इदानिया, माःआन। दो ईंग इनिंग पउलूस मसी इया सुधा अरू हुडिंग ओंगलुः घड़ीन अपे एचेरेयिंग गोड़न-पइयनतना।

2 कुरिंती 13:11

टुनुटीगरे ईंगरिकुःआ अजी-बोपोहकूतिंग, बनाहालतेपे दोहोन; अपेराः लूर नेवन उडु-बुडू इदीनपे; ईंगराः कतापे होमगोड; मी जीवकियानखनपे दोहोन; हेल-मेलपे दोहोन। दो अपेय दुलारता अरू सलसते एमेवापेता हाँयग भगवान अपे सुदाय दोहोनता।

2 कुरिंती 13:9

अले अबड़ इदानले हों, अपे जबड़ जुवाः दो, अले बहाल जुवाःता। अरू अपे नाय नपायपे उडु-बुडू जुवाः लगाले अरजीता।

2 कुरिंती 5:20

दो अले राजारिकुःआ बराहीलकू इया मसी बदीरेले कतायतना। भगवान अलेतेय असेयतान इयाय कतायतना, अरू मसी लगा अपेले असेतना, जेमहा भगवान सुदापे हेल-मेल जुवाः।

2 कुरिंती 6:1

अले भगवानरिकुःआ सेवा देंगवा होड़कू इदानलेःआ अते अपे एचेरेले असेयतना, भगवान अपे मुरुके मयावाडपेःआ, हना अपे जीवरे अहवइर अलोपे होया ओवा।

गलातिया 4:12

ने अजी बोपोहकूतिंग, अपे एचेरेयिंग गोड़न-पइयनतना। अपे मड़ंगरे नियमकून मेरपे मनावगाड, हनन इया ईंग होयिंग होयाकिया। दो नुँहू अपे ईंग इया नाःआ नियमकून मनाः लगापे अड़ाः एंडागोड। ईंग अपे एचेरे मड़ंग मी तुरहा परसारगे लगायिंग सेनेडा दो,

पिलिपी 1:27

तोनोंग इया होयाः, अपेराः लूर-नेवन ईसू मसीराः कतत नपाय सरवन इया होनोयाः लगा इदा। दो ईंग अपे एचेरेयिंग सेन सहे मेरिंग सेन, अपे बदीरेयिंग अयुमे, हँकू बिसवासरे बड़ियाड़ इदानकुःआ। ईंग नाःआ होयिंग अयुमे, हँकू मिनी जीवकियानखन मिनी ओंगोलते, ईसू मसीराः नपाय सरवन एटाः होड़कू बिसवासगे लगा, मुरुककू मिहनइतगेतना, माःआन।

पिलिपी 3:16

दो अबू चेडकिया हनन इया सनालावगोड ञवन लगा इदा।

1 तिसलूनिका 5:13

हँकुःआ होड़कू अपे लगा मुरुककू मिहनइतगेता। हनालगा हँकुःआ होड़कूपे दुलारकू अरू मुरुक मान मरजइतकूपे। अपे सलसततेपे दोहो ञवन।

2 तिसलूनिका 2:1

ने वपक बोपोहकूतिंग, परबू ईसू मसी कुदा वेग मेला, भगवान हाँय सुदा मिनीरेय जवारबूता हना बदीरे, अले अपे एचेरेले असेयतना,

1 तिमुतियूस 5:21

दो ईंग बेटा तिमुतियूस, भगवान, ईसू मसी अरू भगवानरिकुःआ सुनावतो सेरमो देसरिकुःआ बराहीलकू मड़ंगरे, मड़ंग आमिंग उदुःवारा हना इया जमा होड़कू सुदा बेगर पाचपटीतेम एचेय लगा सेतावकेडमेखनिंग हुकुमवामतना।

2 तिमुतियूस 4:1

दो तिमुतियूस, जीयत होड़कू अरू गोएगतो होड़कूय फड़ियावता हनाँयग ईसू मसी अरू भगवान ईंगरीग हिदइतदारकिन बड़ाँवकियानखन ईसूराः कुदा वेग अरू राइज बदीरे उहियारकेडमेखन नाःआ हुकुमिंग ओवामतना।

1 पतरस 2:11

ने ईंगरिकुःआ सउंगताकू, अपे नाःआ चउंदीसरे दुरीन देसरिकुःआ होड़कू इयापे दोहोनतना। हनालगा अपे एचे कसूरगे लगा लहरावपेता हना बेलूर ललची ओंगोलकून अड़ाः एंडाय लगा गोड़न-पइयनकेडपेखनिंग असेयतना।

1 पतरस 5:10

अपे तोनोंग बेला वरी कटसियापे सहाव दो, मुरुक मयादार इदानिया हाँयग भगवान, अपेराः जीव जमालेःआतेय नपायगोडता। नाःआते अपेराः जीवरे तोनोंग इयाःआ गारबार ओरो दोहोनेना अरू अपेराः जीव बड़ियाड़कियानखन तोनोंगाः हुडिंग बगरा ओरो होयानेना। हनाँयग भगवान अपे ईसू मसीते कहियो ओरो टुटीगनेना हना मान मरजइतपे पवाः लगाय राःकेडपेःआ।