Vitendo 3:17 - Ibibiliya mu Shimakonde Imbodi Yaambi na dimbande dya Imbodi Yakala

¹⁷ Mmanung'unumunu, nangu ndimanya kenga mwenu pamo na vakutawala venu munditenda shinu ashi pamukamanya shamutenda.

Vitendo 3:17 Σταυροειδείς Αναφορές

Lukashi 23:34

Kanji Yesu kushidoni, “Atata, valivalive mwaa havanamanya shinu shavatenda.” Bai vanavo vandíjalanga gudugudu kwambangidya vajavanange dinguvo dyake.

Vitendo 13:27

Venentete va ku Yelusalemu pamo na vakutawala vave kwamwaa wakuntikinanga na ata mene kumanya vyavatangwele vakulava vishaméka kula liduva lyakupumula, vanavo vanditandedya pavaukile ndamuukumu.

I Vakolintu 2:8

Hapali ata jumo pakati pavakutawala vawakati au ámanyite mwaa leka vàmanyite, havanampambilile Umu walishangelo.

Nshuwau 16:3

Vinu avi vandatenda mwaa havammanyite Atata na ata nangu momo havangumanyite.

I Timoti 1:13

nene ngwe nguvéle nkúkupulu, nkúpapata na njauli. Kanji ndipata kwanangiligwa shididi mwaa ngùvele mukutikinanga, nangu ngushindatenda muungakulupila wangu.

II Vakolintu 3:14

Kanji ding'anong'ano dyave dindinanapegwa mwaa ata mpaka nelo inguvo yoyo inkupagwa paishomegwa imbodi yakala. Yanavo indáushika bai nkati mumwe Klistu.

Valoma 11:2

Nnungu havaitile venentete vake avalá vavamanyite kaladavo. Da mwenu hamumanyite mwatangalela Maandiko amwámba Liyashi mwanjugwidile Nnungu na dimongo kwamwaa wavanaishilaeli?

Vitendo 26:9

Ata nangu momo nishindakumbukila kutumila dindila dyoedyoe divaikidíle pakulota ngutimbange ntenga umwe Yesu, munu wa ku Nashaleti.

Vitendo 7:40

vamwaulila Aloni doni, ‘Tukandyangidya vannungu vatulangalalele mwaa Musha munu átumidye kushilambo sha ku Mishili hatumanyite shintandéke.’

Nshuwau 7:52

Vanavo vakanjang'ula doni, “Da nawako momo ungalileya? Wena ukalalyange shana mumaandiko; undaanalalela kenga ku Galileya, mwiko hanaaloka nkúlava ata jumo.” [

Vapilipo 1:22

Ikava ni yakuka mushu ngunama mushilambo amu, kwangu nangu shipali shimadengo shakupa vyepo. Nadoni shakutandola namanya shinu!

Lukashi 23:13

Kutwala apo Pilatu andívashema vanang'olo vavakulangalalela-shadaka, vakutawala pamo na venentete kuvaulila doni,

Nshuwau 15:21

Vanavo mwenu vanantenda davo kwamwaa walina lyangu pakuva havammanyite aijá ángutumididye.

Vitendo 22:5

Ata jo nkúlangalalela-shadaka nkumene ing'ano ai ankuulula kutaa ushuda pamo na nkodyanio wavanang'olo uti. Vovo ava vaningupa shitambulisho shakuka ndalodya kwavanung'unumunu va ku Damashiko pakulota ndivatwale vavé kwanavo ndivaidenavo na mang'unyang'unya pa Yelusalemu apa vavape shaushanga.

Vitendo 28:21

Vanavo kutwala kushidoni, “Wetu hatupatile ata lyamba limo lyakwaloka ku Yudeya na pakati pavanung'unumunu vaidíle akuno hapali hatuvalangangidile shitendo shoeshoe shakunyata shako wako.

Vaepeshu 4:18

Vanavo muding'anong'ano dyave vankupagwa mushii vavikigwa panda mushingumi sha Nnungu kwamwaa waungamanya upagwíte kwavanavo walakéla nkati mukunanopa kwamitima vyave.