Vitendo 11:17 - Ibibiliya mu Shimakonde Imbodi Yaambi na dimbande dya Imbodi Yakala

¹⁷ Napanelo ikava kenga Nnungu andivapa vanavo inudyo yoyo yatupele wetu patunkulupidile Umu Yesu Klistu, kushi nangu nikandyulula kwimidya madengo ake Nnungu?”

Vitendo 11:17 Σταυροειδείς Αναφορές

Vitendo 10:45

Kanji vakukulupila vaaléke namu Patulu ku Yope vàvele vayuda, vandíshanga pavagwene vamidi navanavo momo Nnungu avamiminila Imumu Wanashwe

Vitendo 10:47

“Da apali munu álota kuvaleya vanu ava havanabatishwe na medi ikava kenga navanavo vanimpata Imumu Wanashwe kenga mo mwatumpatidile wetu?”

Vitendo 11:15

Nangu pangutunduvenge kutangola namu vanavo Imumu Wanashwe andívashulukila kenga momo mwatushulukidile wetu kunantandi.

Vitendo 5:39

kanji vikava vya Nnungu hamuvaulula kuvatema na ata inkuululika mwenu kupagwa mukumpinga Nnungu.” Bai vanavo vandyúngila nkono.