Vapilipo 2:16 - Ibibiliya mu Shimakonde Imbodi Yaambi na dimbande dya Imbodi Yakala

¹⁶ mùkamulidile lilove lyashingumi kwambangidya muliduva limwe Klistu nangu ngulitamange kenga hangutukwite monyo na ata hangukadile shimadengo shamonyo.

Vapilipo 2:16 Σταυροειδείς Αναφορές

Mateu 10:27

Vyandimwaulila kushii tangalela kulangele na vyamwigwa kumatu valangangila panantutuvilo.

Lukashi 12:8

“Ninkumwaulila doni, munu woewoe álota kulivalanganga kuva wangu pamevo pavanu, Mwana Wamunu momo anammalanga kuva wake pamevo avanjelo vake Nnungu.

Nshuwau 6:63

Imumu ni átadya shinu shivenavo shingumi, mili hashipali shatenda. Malove animwaulidile ni imumu na ni shingumi.

Nshuwau 6:68

Simoni Patulu kutwala kunjang'ula aashidoni, “Nang'olo, wetu tuka kumwe nyani? Wako ni úvenavo malove ashingumi shíkamalilika.

Vitendo 13:26

“Mmanung'unumunu mmashipinga shaudukulu wake Abulaamu pamo na mwenu mmanji múnjopa Nnungu! Lilove lyakwambwalegwa aku, wavantumidididyé ni wetu.

I Vakolintu 1:8

Nae anannonowanga mwenu mpaka kumwisho pamukaaneka makosha muliduva alilá limwe Umu wetu Yesu Klistu.

I Vakolintu 9:26

Napavedoni, nangu hangunatukuta shinu kenga munu átukuta bila shababu, hangunajela dishuku kenga munu ájalangajalanga imepo.

II Vakolintu 1:14

kenga mwamutumanyila padyoko do, muliduva limwe Umu Yesu, wetu tundava kulitamanga kwenu kenga mwenu momo munkuva kulitamangila kwetu.

Vagalata 2:2

Kwanavo nguukile kwamwaa wamaono kutwala kuvaigwiniya ntenga wambone wanguvalanganga kwavamidi, ndíikanavo kanji kwagweka avalá váshaaneka kuva vakuvaikila ngwambambidya nakapanji ninkutumbama kwali nditumbama yamonyo.

Vagalata 4:11

Ninkunjapangila mwenu, inkulukika shimadengo shaninkalalele mwenu sho, kuva shamonyo.

Vapilipo 1:10

kwambangidya dashi, mupambule shakwashi shivénavo mana makumene pakulota muve mmanu mmaiu na múkave makosha muliduva limwe Klistu

Vapilipo 1:6

Ninkuvanavo wakika kenga aijá átunduvenge shimadengo shambone nkati mwenu, andatadya shiwikile popo mpaka muliduva limwe Klistu Yesu.

I Vateshalonika 2:19

Mwenu, da shakwashi shívele lilindilililo lyetu kwali lipuwilo lyetu kwali lidaka lyakulitumbyangidya wetu pamevo pamwe Umu Yesu mukwida kwake? Da i mwenu?

I Vateshalonika 3:5

Napavedoni kwaupande wangu nangu pandikalipililidile kavili nditumidya ngumanye ing'ano yalikulupililo lyenu nakapanji aijá nkútubya kwadindila dyoedyoe anintubya kutwala shimadengo shetu kuva shamonyo.

Vabalaniya 4:12

Mwaa lilove lyake Nnungu lingumi na linkuvanavo dimongo, namomo lyakukola kupunda lyambila likóla kuvili, lyanavo linkupulunganianga pakati-pakati ungumi na imumu, mumagwangwa na muwoba, namomo linkujavanianga makumbukililo na milugu vyamuntima.

I Patulu 1:23

Mwaa mwenu mundivalekwa kavili waambi i kwaimbeju ipéla kanji kwaimbeju íkapela kwaindila yalilove lyake Nnungu, lingumi na lipágwa ngwengwe.

I Nshuwau 1:1

Lilove lyashingumi jo, andípagwa kutunduvangila kunantandi: wetu nae tundimwigwa, tundimwona na mevo etu, tuninnalyanga shana na tuninkamulanga tuvene kwamakono etu,

Maono 22:17

Imumu pamo na nkúlombwa vankushidoni, “Ida!” Kula áigwa aashidoni, “Ida!” Aijá ávenavo inyota, aide; aijá álota, atwale medi ashingumi akumbile monyo.