Vabalaniya 11:3 - Ibibiliya mu Shimakonde Imbodi Yaambi na dimbande dya Imbodi Yakala

³ Kwalikulupililo tunkumanya kenga kuwa na pai vindikandyangigwa kwaindila yalilove lyake Nnungu, nadoni vinu vyatwona avi havyalakadile muvinu vyanéka.

Vabalaniya 11:3 Σταυροειδείς Αναφορές

Nshuwau 1:3

Vinu uti vikandyangiké kwaindila yake, hashipali shikandyangíke ata shinu shimo bila nae.

Vitendo 14:15

vaashidoni, “Mwenu, mwaa shani munkutenda davo? Wetu apa, tuvanu túumbigwe kenga mwenu; apa wetu twidilé nammalangangila ntenga wambone pakulota muleke vinu vyamambinya avi, mushinjiulile mitima vyenu kwa Nnungu mumi ákandyenge kuwa na pai, imanga na vinu uti vipagwíte mumautu alo.

Vitendo 17:24

Aju ni Nnungu ákandyenge shilambo na uti vipagwíte amo; jojo ávele Umu wakuwa na pai hananama muding'ande dyakushwalidya dyavadangile vanu

Valoma 4:17

kenga indyandikigwa, “Nangu ndikupangila wako uve tatamunu waimbumba yavenentete.” Nae ni tatagwetu pamevo pake aijá wankulupidile, Nnungu ávapa shingumi vapadíle na átadya vipagwe víkapagwite.

I Vakolintu 2:7

Leka apo, tundátangola limanyilo lyake Nnungu lìpiike mushipii, lyo lyapanganienge wakati ukanava kwalishangelo lyetu wetu.

I Timoti 4:5

pakuva shanavo sho, shitandegwa kwilimyanga kwaindila yalilove lya Nnungu na kushwali.

Vabalaniya 1:2

kanji mumaduva ala amwisho nae anditangola namu wetu kwaindila ya Mwanagwe aijá wankamudidye maleko avinu uti na kwaindila yake nae andikandyanga momo kuwa na pai.

Vabalaniya 6:5

valingíle wambone walilove lyake Nnungu pamo na dimongo dyawakati ulóta kwida

II Patulu 3:5

Kanji vanu avo vankulivaliva shinamadi kenga kuwa kundipagwa tangu kala na kwaindila yalilove lyake Nnungu shilambo shindikandyangigwa kwamedi na kwaindila yamedi.

Maono 4:11

“Wako Umu, Nnungu wetu, undivaikila kupata lishangelo, ishima na dimongo mwaa wako undikandyanga vinu uti na kwalilotelo lyako vindikandyangigwa na vipali.”