Nshuwau 9:7 - Ibibiliya mu Shimakonde Imbodi Yaambi na dimbande dya Imbodi Yakala

⁷ kutwala kumwaulila doni, “Wena ukanavange medi kulitangi lya Shilowamu,” Shilowamu mana ake wakutumigwa. Bai munu wakuputala mevo aijá andyúka ndanavanga medi kutwala kuja alola.

Nshuwau 9:7 Σταυροειδείς Αναφορές

Mateu 11:5

Vakuputala mevo vankupata kulola, vakudidimanga madodo vankuwena, vamalemba vankuvatadya kutakata, vákaigwa vankwigwa, vakupela vankuvadyuwa na vamashikini vankuvalangangiligwa ntenga wambone.

Lukashi 13:4

Ata avalá vanu kumi na nane livagwalaléle libodo lya ku Shilowamu kutwala kupalanga, mwona kenga vavele vakutega vakumamodya kuvapunda vayelusalemu vanji uti?

Lukashi 2:32

lilangadyo lilóta kuvalangadya vamidi na lyakuvapa lishangelo venentete vako vanaishilaeli.”

Nshuwau 10:36

kushi aijá walyapulidile Atata jo kuntumidya mushilambo? Mwaa shani munkutangola doni, ‘Unkukupulu, pangulivalanga doni, Nangu ni Mwana wa Nnungu?’

Nshuwau 11:37

Vanu vanji pakati pave kushidoni, “Da aju i jojo ántadidye munu aijá wakuputala mevo kulola? Napane hainaululike kuntadya munu aju hanapele?”

Nshuwau 9:11

Nae kushidoni, “Munu jo wavanshema Yesu andikanda ulongo, kungupaka muding'wikwi kutwala kungwaulila doni, ‘Wena ku Shilowamu ukanavange medi.’ Nangu kuka ndanavanga kutwala popo po, nangu kulalenneu.”

Nshuwau 9:39

Yesu kushidoni, “Shangwidilidile mushilambo amu ni kwamwaa wakuukumu pakulota avalá vákalola vapate kulola na avalá valóla, vaputale.”

Vitendo 26:18

kwambangidya dashi, uvaungule mevo vashiliuke kushii vauke kulilangadyo, vaume mumadalaka amwe Shatwani vauke kumwe Nnungu pakulota vapate kulivalivigwa kwamadambi na vapate lyutu mushipinga sha avalá vailimyangígwa kwaindila yakungukulupila nangu.’

Valoma 8:3

Doni, ashilá shíkaulwile lilamulo kutandedya kwamwaa wakudabadabanga kwashimunumunu, Nnungu anditandedya pantumididye Mwanagwe kwaing'ope yashimunumunu yalidambi na kwaupande walidambi, nae andyukumu lidambi mushimunumunu

Vagalata 4:4

Napane paukile ndawikila popo wakati we uvikíke, Nnungu anintumidya mwanagwe ávalakwadidye munkongwe na ávalakwadidye mukutawaligwa na lilamulo