Nshuwau 9:3 - Ibibiliya mu Shimakonde Imbodi Yaambi na dimbande dya Imbodi Yakala

³ Yesu kushidoni, “Munu aju hatagile na ata tatake na anyoke momo havatagile. Shitadídye avalekwe àputele ni pakulota vitendo vya Nnungu vililodye kwa ashilá shilóta kuntandeka.

Nshuwau 9:3 Σταυροειδείς Αναφορές

Mateu 11:5

Vakuputala mevo vankupata kulola, vakudidimanga madodo vankuwena, vamalemba vankuvatadya kutakata, vákaigwa vankwigwa, vakupela vankuvadyuwa na vamashikini vankuvalangangiligwa ntenga wambone.

Nshuwau 11:4

Yesu akaigwe, andítangola kushidoni, “Shilwele asho hashinava shinu shakuka ndamalilikila mukupela kanji shilota kulodya lishangelo lyake Nnungu pakulota kwaindila yashilwele asho, Mwana wa Nnungu apate lishangelo.”

Nshuwau 11:40

Yesu, “Da nangu handikwaulidile doni, ukakulupila undona lishangelo lyake Nnungu?”

Vitendo 28:4

Napanelo vene ikaja ayo pavagwene inyoka ìnamatidile mulyanda lyake Paulu, vandyáulanila shivenevene vaashidoni, “Munu aju patukamwambambidya ni shimalivanu. Mwaa lola, ata ikava kenga andipuka mmedi kanji jo mwene Ishaliya hanneka anama.”

Vitendo 4:21

Nadoni vakavatishange kavili vandívaleka, havapatíle indila yakuvapela shaushanga kwamwaa wavenentete mwaa uti vashindamupa lishangelo Nnungu kwamwaa washitendo asho.

I Nshuwau 4:16

Wetu tundimanya na tunkukulupila linagwaledyo ali lyavenavo Nnungu kwetu wetu. Nae ni linagwaledyo na aijá ápagwa mulinagwaledyo alyo, ankupagwa nkati mwa Nnungu na Nnungu kupagwa nkati mwake nae.

I Nshuwau 4:9

Amu ni mwaladyadidye Nnungu linagwaledyo lyake pakati petu wetu pantumididye Nnungu Mwana jumo jojo mushilambo amu pakulota tuname kwaindila yake.