Nshuwau 8:20 - Ibibiliya mu Shimakonde Imbodi Yaambi na dimbande dya Imbodi Yakala

²⁰ Malove alo Yesu atangwele àvele pepi na pamashanduku avashitenda vajela njuluku washadaka akuno apundisha mulugwani lwamwing'ande ya Nnungu. Napane hapali munu ankamwíle mwaa wakati wake uvele ukanava kuwika.

Nshuwau 8:20 Σταυροειδείς Αναφορές

Mateu 26:55

Muwakati wowo Yesu kutangalela imbumba kushidoni, “Kenga nkalau shamwida na maambila na dilungu kwida nangukamula? Kula liduva ngushindapagwa mwing'ande ya Nnungu ngwìkele ngupundisha ata hamunguungile.

Mateu 27:6

Napanelo vanang'olo vavakulangalalela-shadaka vakatwala dishingo adilá kutwa kushidoni, “Lilamulo linkutuleya njuluku au kuvika mulishanduku lyanjuluku waing'ande ya Nnungu mwaa upatikanenge mumyadi.”

Malukushi 12:41

Napanelo Yesu andíikala mushu lishanduku lyashadaka. Nae ashilola imbumba yavanu mwavashijalela njuluku mulishanduku na kuvona vatajili voe vajela njuluku woe.

Malukushi 12:43

Nae kuvashema vakwoda vake kuvaulila kushidoni, “Ninkumwaulila mwiu doni, namwili aju ákave pashinu, nae ni ájadile poe mulishanduku lyashadaka kuvapunda vanu vanji uti.

Lukashi 20:19

Napanelo vamwalimu vadishaliya na vanang'olo vavakulangalalela-shadaka vashindalota vamwinjilinneu mwaa vandímanya shalowa kenga nkong'o awo ushivakumbyanga vanavo kanji vashindavajopa venentete.

Lukashi 21:1

Napanelo Yesu andílalyanga kutwala kuvona vatajili vajela njuluku mulishanduku lyashadaka,

Nshuwau 10:39

Bai vayuda vandílingangila kavili kunkamula kanji nae andívativaniva.

Nshuwau 2:4

Yesu kutwa kushidoni, “Da wako namu nangu shako nyamani? Wakati wangu haunava kuwika.”

Nshuwau 7:14

Napanelo shikukulu shìvele shing'ati, Yesu andíinjila mulugwani lwaing'ande ya Nnungu kutwala kutunduvanga kupundisha.

Nshuwau 7:30

Vanavo napane kulota vankamule kanji hapali alyalavéke kundabunya mwaa wakati wake uvele ukanava kuwika.

Nshuwau 7:44

Vanji pakati pave vashindalota vankamule kanji hapagwíte wakulyalaveka kundabunya.

Nshuwau 7:8

Wena mwenu po kushikukulu ko. Nangu apa, kushikukulu ashi, hanguka mwaa wakati wangu haunava kunguwikila.”

Nshuwau 8:2

Palyamba lyake, lyamba linyeiku andyúka kavili kwing'ande ya Nnungu. Venentete uti vaníntang'anedya, nae kwikala kuvapundisha.

Nshuwau 8:59

Napavedoni vayuda vandílakatanga majanga pakulota vamwamange, Yesu kanji kutivaniva kutwala kuma mwing'ande ya Nnungu.