Nshuwau 17:1 - Ibibiliya mu Shimakonde Imbodi Yaambi na dimbande dya Imbodi Yakala

¹ Yesu akatangole davo andínyanyula shilaka kulola kuwa kutwala kushidoni, “Atata, wakati undiwika! Mupe mwanavo lishangelo pakulota nanae akupe lishangelo

Nshuwau 17:1 Σταυροειδείς Αναφορές

Malukushi 14:41

Paidile mwanda wantatu kuvaulila kushidoni, “Munkulala na munkupumula mpaka ambi? Panditosha! Napanelo wakati undiwika. Mwenu! Mwana Wamunu vaninnimya vankamudya kumakono kwavakutega.

Lukashi 18:13

Kanji nkúkatisha-ukodi andíimila kushu na pakanyanyulila shilaka kuwa; nae ashindalikanyalanga pantima aashidoni, ‘Nnungu, ngwanangila shididi nangu ninkutega.’

Lukashi 22:53

Nangu panishipagwa ngwengwe namu mwenu mwing'ande ya Nnungu, mwenu hamunguungile. Kanji au ni wakati wenu, wakati wamadalaka akushii.”

Nshuwau 11:4

Yesu akaigwe, andítangola kushidoni, “Shilwele asho hashinava shinu shakuka ndamalilikila mukupela kanji shilota kulodya lishangelo lyake Nnungu pakulota kwaindila yashilwele asho, Mwana wa Nnungu apate lishangelo.”

Nshuwau 11:41

Bai vanavo vandyúsha lijanga lyo Yesu kunyanyula shilaka kutwala kushido, “Atata, ninkukulambwalela mwaa uningwigwilila.

Nshuwau 12:23

Yesu ankuvajang'ula doni, “Wakati wakupata Mwana Wamunu lishangelo, undiwika.

Nshuwau 13:1

Napanelo shikukulu sha Pasaka shikanava kuwika, Yesu àmanyite kenga wakati wake wakuma mushilambo ashi kuka kwatatake undiwika, namomo pakuva andívanagwaledya vake mushilambo, andívanagwaledya mpaka kumwisho.

Nshuwau 16:32

Mwenu! Wakati unkuwika na wakati wene ni wowo au wavalota kummwadilikanianga kula munu kuka kwing'ande yake. Munanguleka gweka yangu kanji hangunava shinu gweka, Atata apali pamo namu nangu.

Nshuwau 7:30

Vanavo napane kulota vankamule kanji hapali alyalavéke kundabunya mwaa wakati wake uvele ukanava kuwika.

Nshuwau 7:39

Napane nae ashimwamba Imumu áshilota vampate avalá vankulupidíle mwaa muwakati awo Imumu jo vavele vakanava kumpata kwoda Yesu avele akanava kupata lishangelo.

Nshuwau 8:20

Malove alo Yesu atangwele àvele pepi na pamashanduku avashitenda vajela njuluku washadaka akuno apundisha mulugwani lwamwing'ande ya Nnungu. Napane hapali munu ankamwíle mwaa wakati wake uvele ukanava kuwika.

Vitendo 3:13

Nnungu umwe Abulaamu, umwe Ishaki, umwe Yakobo, Nnungu jojo wavanakuluvetu aninkwedya amupa lishangelo Yesu ntumika wake, jo wamunkamudidye mwenu na kumwita pamevo pamwe Pilatu paukile ndaamuwa nae amuungule.

I Patulu 1:21

kwaindila yake nae mwenu munkunkulupila Nnungu ándyuwidye pakati pavakupela kutwala kumupa lishangelo; nadoni likulupililo alyo na lilindilililo lyenu linkupagwa nkati mu Nnungu.