Nshuwau 12:1 - Ibibiliya mu Shimakonde Imbodi Yaambi na dimbande dya Imbodi Yakala

¹ Napanelo àbakidile maduva sita kuwika Pasaka, Yesu andíwika pa Betaniya likaja lyashinama Lashalu aijá wandyuwídye pakati pavakupela.

Nshuwau 12:1 Σταυροειδείς Αναφορές

Mateu 21:17

Bai nae andívaleka kuma panjini po kuka ku Betaniya ndalala.

Malukushi 11:11

Bai Yesu andíinjila pa Yelusalemu kukinneu ndainjila nng'ande ya Nnungu. Nae andílalyanga shana kula shinu kanji kwodamwaa wakati undípita andyúma namu avalá kumi na mbili kuka ku Betaniya.

Lukashi 24:50

Kutwala apo andívaukanavo ku Betaniya kutwala kuvanyaladyedya makono kuvaalaliya.

Lukashi 7:37

Mwe! Nkongwe jumo nkútega wapalikaja lyolyo akamanye doni Yesu avelé nng'ande mwake mpalishayo alya shakulya, nae andítwala ishupa yake yamauta akunung'angila

Nshuwau 11:1

Napanelo andípagwa munu jumo Lashalu áshipagwa mushilwele wapalikaja lya Betaniya, likaja lyolyo lyashinama Maliya na nkulumunu Malita.

Nshuwau 11:43

Akatangole malove ala andítangola pashanya po aashidoni, “Lashalu, umila panda apa!”

Nshuwau 11:44

Munu e apadíle aijá kuma apalá, makono na madodo vàntavilidyenge shanda, ing'ope vàungangidile lilesho. Yesu kushidoni, “Muungulange munneke auke.”

Nshuwau 11:55

Napanelo Pasaka yavayuda ishindavandikanga. Vanu voe vaisemu ayo, Pasaka ikanava kuwika vandyúka ku Yelusalemu ndalyushanianga ushapu.

Nshuwau 12:12

Napane palyamba pake po, imbumba yavanu ye iidíle pashikukulu, paiigwite doni, Yesu ankwida pa Yelusalemu,

Nshuwau 12:20

Napanelo pakati pavanu ve vaukíle ndalipudya kwa Nnungu pashikukulu sha Pasaka, vanji vo vavele vagalegu.

Nshuwau 12:9

Napanelo imbumba yavayuda paimanyite doni, Yesu apali ku Betaniya, indyúka koko i yakunnola Yesu gweka, yadavo ivele yakunnola Lashalu aijá wandyuwídye pakati pavakupela.