Nshuwau 10:4 - Ibibiliya mu Shimakonde Imbodi Yaambi na dimbande dya Imbodi Yakala

⁴ Nae panavaumya panda avalá vangandolo vake uti, mwene andálangalela kutwala vangandolo vake vo kumwoda mwaa lidi lyake vankumanya.

Nshuwau 10:4 Σταυροειδείς Αναφορές

Mateu 16:24

Bai kutwala kuvaulila vakwoda vake doni, “Munu akalota kungwoda nangu, alishukulu jo mwene anyukate nshalaba wake angwode.

Nshuwau 10:16

Ninkuvanavo vangandolo vanji vákavele vamulingongo ali; vovo vo ininguvaikila ndivatwale, vanavo lidi lyangu vandaigwa, vandapagwa shipinga shimo na nkúshunga jumo.

Nshuwau 10:27

Vangandolo vangu nangu, vankwigwa lidi lyangu; nangu ndivamanya vanavo na vanavo vankungwoda.

Nshuwau 10:3

Aijá munu wapannango, anánshimulila nnango kutwala vangandolo kwigwa lidi lyake. Napane vangandolo vake vo, kula ngandolo nae anánshema na lina lyake kutwala kuvaumidya panda kuvalangalalela.

Nshuwau 10:5

Vangandolo, mwiko havanamwoda munu nnangadavo, vanavo vanantukuta mwaa madi avanu valangadavo, havamanyite.”

Nshuwau 10:8

Vanu uti valitandyénge kwida nangu nikanava, vanavo uti vàkwiva na vàkubyaa; vovo vo vangandolo havavaigwilidile.

Nshuwau 12:26

Aijá ángutumika, inimmaikila angwode. Pangulota kupagwa nangu, ntumika wangu momo andapagwa popo. Munu akangutumika, Atata andamupa ishima.

Nshuwau 13:15

Doni, nimpelé kenga mpano pakulota mo mwanintandalele mwenu, namwenu mutandele momo.

Nshuwau 18:37

Pilatu kutwala kushidoni, “Bai wako po, umu!” Yesu akajang'ula, “Wako ni úvalanganga. Kwakutangola mwiu ndivalekwa kwamwaa au na kwamwaa wowo ndida mushilambo amu pakulota ngumye ushuda kwaumwiu. Uti avalá vaumwiu, vankwigwa lidi lyangu.”

Nshuwau 3:29

Mwene nkúlombwa ni nkúlomba. Napane mbwadigwe wapantima wankúlomba ni aijá ánannindila nkúlomba. Panamwigwa, nae andápuwanga namene mwaa wakwigwa lidi lyake. Nadoni lipuwilo lyangu ali lindiwikila popo.

I Vakolintu 11:1

Ngujedya nangu kenga nangu mwaninjadyedya Klistu.

Vaepeshu 5:1

Napavedoni ava mmakunjedya Nnungu kenga mmana mmakunagwaleka

Vabalaniya 12:2

tunnola Yesu mwene nkútunduvanga na nkúwisha popo walikulupililo lyetu. Nae kwamwaa walipuwilo livikígwe mushu mwake, andilipililila panshalaba ailudyanga dyoni na andiikala kunkanakono pashiteng'u shake Nnungu.

Vabalaniya 6:20

ko kwaukile Yesu kenga nashilangola, andiinjila yetu wetu atandegwa kuva nkúlangalalela-shadaka nkumene ngwengwe kwodananavo aulá upangaji umwe Malikishadeki.

I Patulu 2:21

Ashi ni shavanshamalele mwenu; mwaa Klistu momo andyuvauvanga adiva lyutu lyenu annakela mpano kwambangidya mwenu mwodedye mwalivete nae.

I Patulu 4:1

Napavedoni pakuva Klistu andipata mauvilo mushimunu, namwenu momo lingangashele mumakumbukililo lolo mwaa aijá áuvauvenge nkati mushimunu, nae andyapukananga na lidambi.

I Patulu 5:3

hamunavatawale avalá vamuukile ndakulupiligwa kanji ava mpano kwashipinga asho.