Nshuwau 10:27 - Ibibiliya mu Shimakonde Imbodi Yaambi na dimbande dya Imbodi Yakala

²⁷ Vangandolo vangu nangu, vankwigwa lidi lyangu; nangu ndivamanya vanavo na vanavo vankungwoda.

Nshuwau 10:27 Σταυροειδείς Αναφορές

Mateu 16:24

Bai kutwala kuvaulila vakwoda vake doni, “Munu akalota kungwoda nangu, alishukulu jo mwene anyukate nshalaba wake angwode.

Mateu 17:5

Patulu akuno atangola, kuwa kwaloka lyundi lyakushenga kuvainikidya, mo mulyundi mo kwigwinika lidi liishidoni, “Aju ni mwanangu waninnagwaledya, ángupa lipuwilo, jojo jo, mwigwilile.”

Mateu 25:12

Nae kushidoni, ‘Ninkumwaulila mwiu doni, nangu mwenu po hanimmanyite.’

Mateu 7:23

Ni apo pangulota kuvaulila ngala doni, ‘Mwiko hanimmanyite. Ngunyema apa mwenu mútandedya ungave-lilamulo.’

Malukushi 10:21

Yesu pannadile aninnagwaledya kutwala kushidoni, “Shindikubakila shinu shimo. Uti vyauvenavo wena ukashulushe, njuluku wo uvape vákave pashinu. Undavanavo libadila kuwa; ling'oto, ida ungwode.”

Malukushi 8:34

Bai nae kushema imbumba yavanu pamo na vakwoda vake kuvaulila kushidoni, “Munu akalota kungwoda nangu, alishukulu jo mwene anyukate nshalaba wake angwode.

Lukashi 13:27

Kanji nae andatangola doni, ‘Ngwigwa, nangu hanimmanyite kwamwaloka! Ngunyema apa mwenu uti mútenda vinu vyakunyata.’

Lukashi 9:23

Namomo andívaulila vanu uti doni, “Munu akalota kungwoda nangu, alishukulu; kula liduva anyukate nshalaba wake angwode.

Nshuwau 10:14

“Nangu ni Nkúshunga Wambone; vangandolo vangu ninkuvamanya na vo vangu vo, vankungumanya

Nshuwau 10:16

Ninkuvanavo vangandolo vanji vákavele vamulingongo ali; vovo vo ininguvaikila ndivatwale, vanavo lidi lyangu vandaigwa, vandapagwa shipinga shimo na nkúshunga jumo.

Nshuwau 10:8

Vanu uti valitandyénge kwida nangu nikanava, vanavo uti vàkwiva na vàkubyaa; vovo vo vangandolo havavaigwilidile.

Nshuwau 12:26

Aijá ángutumika, inimmaikila angwode. Pangulota kupagwa nangu, ntumika wangu momo andapagwa popo. Munu akangutumika, Atata andamupa ishima.

Nshuwau 21:22

Yesu kushidoni, “Ikava kenga nangu ninkulota nae apagwe mpaka pangulota kwida, wako shako nyamani? Wako po, ngwoda!”

Nshuwau 5:25

Nangu ninkumwaulila mwiu mwiu doni, wakati unkuwika na wakati wene ni wowo au wavalota vakupela kwigwa lidi lya Mwana wa Nnungu na avalá vaígwa vo, vandanama.

Nshuwau 8:12

Yesu andítangola kavili na vanavo kushidoni, “Nangu ni Lilangadyo Lyashilambo. Munu woewoe ángwoda nangu hawena shinu mwiko mushii, ngwengwe andavanavo lilangadyo lyashingumi.”

Nshuwau 8:43

Da mwenu mwaa shani hamunaigwa shinu vyangutangola? Ni mwaa wamukaulula kwigwa lilove lyangu.

Vitendo 3:23

Munu akanamwigwilila nkúlava ajo, andaapuligwa mushipinga shavenentete na andabamolegwa.’

I Vakolintu 8:3

Napane munu akannagwaledya Nnungu, ajo andimanyika namu Nnungu.

Vagalata 4:9

kanji napane pamummanyite Nnungu apa, kwali tuushidoni mundimanyika na Nnungu, mwaa shani munkuujila kumavalelo lolo akudabadabanga na ákave lyululilo? Da mulota mutandegwe kavili mmatumwa?

II Timoti 2:19

Napane shitunduvangilo shakunanopa sha Nnungu shinkuka mushu shipagwa shivanavo namakong'o aju, “Umu ankuvamanya avalá vake,” na, “Woewoe átambulanga lina limwe Umu aapukanangenavo ungave-shaliya uti.”

Vabalaniya 3:7

Doni, kenga mwatangalela Imumu Wanashwe, “Muliduva lyanelo ikava kenga munkwigwa lidi lyake,

Maono 14:4

Ava ni vanu vákalidabuwenge mwavakongwe mwaa vandilishunga mushingumi shave uti. Vanavo vankumwoda Ngandolo kwoekwoe kwauka. Vovo vo, vandishumigwa pakati pavanu kwambangidya vave shadaka shitandi shakumuumidya Nnungu na Ngandolo.

Maono 3:20

Lola, ndiimila pannango ninkundandonda lwidi. Ikava kenga munu anaigwa lidi lyangu na kushimula, mwiu nangu ndainjila nng'ande mwake na ndalyanavo pamo.