Nshuwau 10:10 - Ibibiliya mu Shimakonde Imbodi Yaambi na dimbande dya Imbodi Yakala

¹⁰ Nkwíva aidila bai kwiva, kubyaa na kubamola; nangu jo ngwidilé pakulota vanavo vapate shingumi na shingumi shene vavenavo shoe namene.

Nshuwau 10:10 Σταυροειδείς Αναφορές

Mateu 18:10

“Lilaledye kwambangidya hamunamwiludyange ata ndyoko jumo pakati pavadyoko ava! Nangu ninkumwaulila doni, vanjelo vave kuwa ko, ngwengwe vankwonana namu Atata ávele kuwa.

Mateu 18:11

Mateu 20:28

Nimumo momo Mwana Wamunu haidile pakulota vantumike; nae aidilé ndatumika na kujaula shingumi shake shive lyambolelo lyavanu voe.”

Mateu 21:13

kutwala kuvaulila doni, “Vandyandika doni, ‘Ing'ande yangu indashamegwa ing'ande yakushwalidya,’ napane mwenu munditenda kuva shivava shavakwiva.”

Mateu 23:13

“Napanelo mupambale mwenu mmamwalimu mmadishaliya na mmapalishayo. Mmanu mmashinankulaba mwe! Mushalangila maalati utawala wakuwa kwavanu! Mwenu mmene hamunainjila shinu na vainjíla avalá, munkuvaleya.

Malukushi 11:17

na ashindapundisha aashidoni, “Da havaandike, ‘Ing'ande yangu indashamegwa ing'ande yakushwalidya venentete uti’? Kanji mwenu munditenda kuva shivava shavakwiva.”

Lukashi 19:10

Mwaa Mwana Wamunu aidilé ndavalambela na ndavaposha vajaíke.”

Nshuwau 10:1

“Ninkumwaulila mwiu mwiu doni, aijá ákainjilila pannango walingongo lyavangandolo ila áinjilila akwela lingongo, ajo nkwíva na nkúbyaa.

Nshuwau 10:11

“Nangu ni Nkúshunga Wambone. Nkúshunga Wambone, nae anájaula shingumi shake kwamwaa wavangandolo.

Nshuwau 12:47

Munu akaigwa malove angu na mene kutandedya, nangu namuukumu shinu. Nangu hangwidile ndaukumu shilambo, ngwidilé ndaambola.

Nshuwau 12:6

Nae andítangola davo i kwamwaa wakuvatanana vamashikini kanji mwaa wakuva nkwíva. Lipeta lyanjuluku lishiikala namu nae; njuluku úshiinjila amo, nae ashindadadamola.

Nshuwau 3:17

Mwaa Nnungu hantumididye mwanagwe mushilambo aukumu shilambo kanji shilambo sho shambwalegwe kwaindila yake nae.

Nshuwau 5:40

napane mwenu munkwita kwida kwangu nangu pakulota shingumi sho, mupate.

Nshuwau 6:33

mwaa ligung'u lyake Nnungu ni aijá áalakadile kuwa kwing'a shilambo shingumi.”

Nshuwau 6:51

Nangu ni ligung'u lingumi lyalakadíle kuwa. Munu woewoe akalya ligung'u ali andanama ngwengwe. Ligung'u lyene lyo ni wo mili wangu au wangulota kujaula pakulota shilambo shipate shingumi.”

Valoma 2:21

Kushi napane wako úvapundisha vanji, me haulipundisha gwegwe umwene? Wako úvalanganga uleya kwiva, me unkwiva?

I Timoti 1:15

Shitangodi ashi ni shakukulupilika na shindivaikila shiitikiligwe: doni, Klistu Yesu andida mushilambo ndavaambola vakutega, pakati pavakutega avo, nangu po, ni ngumamadidye.

Vabalaniya 6:17

Nadoni Nnungu palotile kulodya kwabila kwambambidya malotelo ake ákabadilika kwavakupata-maleko akulivikila, nae andyakikisha kwakulilapa

Vabalaniya 7:25

Napavedoni nae ankuulula kuvaambole-uti avalá vammandíka Nnungu kwaindila yake pakuva jojo jo, ankunama ngwengwe pakulota kuvajungwangila vanavo.

II Patulu 1:11

Mwaa kwainamuna ai mwenu mundapata aki yakwinjila kwabila kundingadinga shoeshoe muutawala úkamalilika umwe Umu wetu na Mwamboli Yesu Klistu.