II Vakolintu 7:3 - Ibibiliya mu Shimakonde Imbodi Yaambi na dimbande dya Imbodi Yakala

³ Hangunatangola shinu vinu avi pakulota kumuukumu mwaa kenga mo mwanimwaulidile, mwenu munkupagwa mmitima vyetu kwambangidya tupele namu mwenu kwali tuname namu mwenu.

II Vakolintu 7:3 Σταυροειδείς Αναφορές

I Vateshalonika 2:8

amu ni mwatunnagwaladyedya mwenu wetu mpaka kututadya tuve tayali kumajananga i gweka ntenga wambone wa Nnungu kanji ungumi wetu momo pakuva mwenu mwiu mundyuka ndava mmakunagwaleka vetu.

II Vakolintu 13:10

Napavedoni, ninkumwandikila vinu avi ndikapali namu mwenu kwambangidya pangupagwa namu mwenu po, hangunatumile na dimongo madalaka angupele Umu kwakundenga i kwakumbamola.

II Vakolintu 12:15

Nangu kwantima wambone ndajaanga na ndalijaangila uti kwamwaa waungumi wenu. Ikava kenga nangu ninkunnagwaledya namene mwenu, ndanagwaleka padyoko?

II Vakolintu 11:11

Mwaa shani? Da, nangu mwenu nannagwaledya shinu? Ámanya ni Nnungu.

II Vakolintu 7:12

Nadoni ata ikava kenga nimwandikila haivéle kwamwaa umwe aijá ámwanadile muje na ata i kwamwaa umwe aijá wavamwanadile kanji pakulota mwemwe mmene muulule kwanalela dukuduku yenu kwetu wetu pamevo pake Nnungu.

II Vakolintu 3:2

Mwemwe mmene ni ibalugwa yamalailililo etu yandikígwe mmitima vyetu imanyíka na ishomégwa na vanu uti

Vapilipo 1:7

Ni shinu shivaikidíle shakunkumbukila nangu mwenu uti mwaa nangu nimmika muntima mwangu; ata mukungwa kwangu na ata mukushililidya kwali mukwakikisha ntenga wambone, uti mwenu ni mmakumajananga nanangu muumonyo.