Ŋɡɑlɑ̂t 6:2 - Kɑɑ Fí

² Pʉʉ tíi mɛnu mʉ́ʉ ḿbiꞋ ńcẅɛ́nɛ. Pʉʉ lɑɑ ŋ́ɡɛ pɔ́Ꞌɔ, mbɔ pʉʉ ɡɛ yúu mi nɛpʉ́ʉ-Kɛlístɔ sɛ́ ḿbíkŋɛ.

Ŋɡɑlɑ̂t 6:2 Σταυροειδείς Αναφορές

Pʉɔ-Lɔ́mɑ 15:1

Yúu mi pɛkŋɛ ɡẅɛɛ nɛɡɛ ɛ́ ŋɡɔ pʉɔ pi pɔ́p lɔk nu-Sɛ́ ńjí yúu mi pɔ́p ɡʉ ŋ́ɡɛ, ɡẅɛɛ nɛlɔk tʉ́m sʉ́Ꞌnɛ ńcẅɛ́lɛ pʉɔ pi pɔ́p kɑ́ pɔ́ ńjí pɑ́Ꞌ pɔ́p pɔ́. Ŋu kɑ́ ɡẅɛɛ nɛɡɛ yúu mi ɛ́ pɔŋnɛ pɔ wɛ́ pɔ́.

1 Tɛsɑlɔník 5:14

Pɔ́ɔpɛ́mɑ́, pɛk sɛ́ ḿbúꞋ mbɔ́ mbɔ̌ pʉʉ ŋɡɔ pʉʉ ɡɑ́ ntík mbɔ̌ pɛlɔ́ŋ, ńní mɛtʉʉ-pʉɔ pi pɔ́p kɑ́ ɡẅɛɛ mbɔŋyúu pɔ́, ńtɔ́ɔtɛ pʉɔ pi pɔ́p pɛ́t pɔ kɛ́ tɛntɛ, ŋ́ɡẅɛɛ pɔ kɔkmbʉʉ nzʉʉ mbɑ wɔ̌ lɑ́.

Jɑ̂ŋ 13:34

Ŋ ɡʉ ŋ́ɡɑ́ nɛpʉ́ʉ nɛ fí mbɔ̌ pʉʉ, ɛ́ pɔ́ ŋɡɔ: «Pʉʉ kɔŋɛ pʉʉ nɛ́ pʉʉ. Pɑ́Ꞌ ŋ kɑ kɔŋnɛ wʉ́ʉ lɑ́, pʉʉ yʉ́ʉ kɔŋɛ pʉʉ nɛ́ pʉʉ.

1 Jɑ̂ŋ 4:21

Nɛpʉ́ʉ ni Kɛlístɔ kɑ ɡɑ́nɛ mbɔ̌ pɛkŋɛ, ɛ́ pʉ́ɔ. Ŋu lɑɑ ŋ́kɔŋ Sɛ́, ɑ pɛn ŋ́kɔŋ mɔ́ɔmɑ́ wɛ ŋumɛsɔŋ.

Jɑ̂k 2:8

Ɛ́ tsʉ́Ꞌ yi pʉʉ ɡɛ pɔ́Ꞌɔ, mbɔ pʉʉ ńnɛn nǔu pɑ́Ꞌ nɛpʉ́ʉ nɛ ɡwɛ́ nǔu nu-nɛfɔɔ-Sɛ́ cúnɛ tsɛt ŋwɑꞋnɛ-Sɛ́, ɛ́ cú ŋɡɔ: «Kɔŋ mɔ́ɔmɑ́ wu ŋumɛsɔŋ pɑ́Ꞌ ɔ kɔŋ túmbʉʉ yú. Pʉʉ lɔk pɔ́Ꞌɔ, ŋ́ɡɛ sʉ́Ꞌnɛ.»

Jɑ̂ŋ 15:12

Nɛpʉ́ʉ nɑ́ɑ pʉ́ɔlɑɑnɛ: «Pʉʉ kɔŋɛ pʉʉ nɛ́ pʉʉ pɑ́Ꞌ ŋ kɑ kɔŋnɛ wʉ́ʉ lɑ́.»

1 Pyɛ̂ 2:24

KwɑꞋ jʉ́ Kɛlístɔ kɑ tíi mɛnu kɛpɔŋ mɛkŋɛ ńníꞋ sɔŋ-mbʉʉ yɛ́, ɛ́ ŋkɑ́ yi pɛ́ kɑ kẅiinɛ wɛ́ nǔu tʉ́ mbɑ́ŋtɛ pɑ́ŋtɛ́nɛ. A kɑ ɡɛ pɔ́Ꞌɔ, nɛpɔ́ yi pɛkŋɛ ɡʉ ńtsʉ́Ꞌ pɔ mbɔ̌ nu kɛpɔŋ, ḿbɔ́ pɔ pɛpfú, ŋ́kuꞋ nɛɡɛ yúu mi ɛ́ ndʉ́ŋndʉŋ mbi Sɛ́. Pʉʉ kɑ lúꞋnɛ pɔ mɛfʉ́ŋ mɛ́ lɑ ɛ́fíitɛ.

Mɑtʉ̈ɔ 8:17

Ɛ́ lɔk pɔ́Ꞌɔ, ḿbuutɛ nǔu nu yí Ŋɡɛ́mndʉ̈ɔ́Ꞌ-Sɛ́ Ɛsɑ̌yɑ kɑ cúnɛ ŋɡɔ: «Jʉ́ kɑ tíinɛ mɛlɔ́Ꞌ mɛkŋɛ mbíꞋ, ḿbɛn ɛ́fú nǔu pɛkŋɛ ńcẅɛɛtɛ mɛɡɔɔ mɛkŋɛ ḿbiꞋ.»

Ŋɡɑlɑ̂t 6:5

mbíꞋŋɡɔ mbɑ wɔ̌ lɑ́ ɡẅɛɛ nɛfɑꞋ mɛ́ mɛfɑꞋ mi Sɛ́ kɑ ɡɑ́nɛ mbɔ̌ wɛ́.

1 Kɔlɛ̂ŋtɛ 9:21

Mɔ ŋkɑ́ yi mɔ sɛ́ ɛ́fɑꞋ tsɛtsɛt pʉɔ pi nɛpʉ́ʉ-Mɔ̌sɛ̂ɛ kɑ́ pɔ́ ɛ́sɑ́Ꞌ wɔ́p pɔ́, n nɑ́ŋ pɑ́Ꞌ ŋu ẅí nɛpʉ́ʉ kɑ́ pɔ́ ɛ́sɑ́Ꞌ wɛ́ pɔ́ lɑ́, ńjí ŋɡɔ ŋ ɡʉ ńdɔk pɔ́Ꞌɔ, ŋ́ɡɛ pʉɔ pi nɛpʉ́ʉ kɑ́ pɔ́ ɛ́sɑ́Ꞌ wɔ́p pɔ́, ńtsʉ́Ꞌ pʉɔ-Kɛlístɔ, ńnɑ́ŋ pɔ́Ꞌɔ, ɛ́ pɔɔ lɔk ńcú pɔ ŋɡɔ nɛpʉ́ʉ-Sɛ́ kɑ́ pɔ́ ɛ́sɑ́Ꞌ wɑ́ɑ pɔ́ pɔ́, ɛ́ pɔ́ ɛ́sɑ́Ꞌ wɑ́ɑ sɑ́Ꞌnɛ, mbíꞋŋɡɔ n nɑ́ŋ pɔ nǔu pɑ́Ꞌ nɛpʉ́ʉ-Kɛlístɔ sɛ́ ḿbíkŋɛ.

Pʉɔ-Lɔ́mɑ 8:2

mbíꞋŋɡɔ ŋu zɛɛ ḿbɔ́ tɛ ńdɑt mbʉʉ yɛ nǔu Yɛ́su Kɛlístɔ nɛpʉ́ʉ ni ɛ́ tsʉ́Ꞌnɛ ɛ́sɑ́Ꞌ wɛ́ pɔ́ pɔ yɛ Zẅikŋɛ Lɛ́ɛnɛ́nɛ yi ɛ́ ŋ́ɡɛ pɛ́ pɔ́ ɡú. Mîmɑ́ mbʉ́ʉ kɑ cẅɛ́ɛ wɑ́ɑ mbɔ̌ nɛpʉ́ʉ ni ɛ́ jínɛ nu kɛpɔŋ, ḿbɔ́ mi ɛ́ ɡɛnɛ pɛ́ pfú.

Lúkɑ́shi 11:46

Yɛ́su pɑ́Ꞌ ŋɡɔ: «Tɛ mbɑ pʉʉ yʉ́ʉ pɑkyɛ́Ꞌtɛ nɛpʉ́ʉ-Mɔ̌sɛ̂ɛ, pʉʉ kɑ́ pɔ́ sʉ́Ꞌnɛ pɔ́. Ndɔ́ɔ tú pʉʉ, mbíꞋŋɡɔ pʉʉ lɔ ńtíi piꞋ, ńzɑ́p tú-pʉɔmɛsɔŋ ɛ́ pɔ́ ńtsɑ wɔ́p, pʉʉ pɔɔ lɔk mɔ́ncɛꞋ tɔ́pɔ́ ńdɔk ŋ́kẅiꞋ ńcẅɛ́lɛ́ wɔ́p pɔ́.»

Jɑ̂k 1:25

Lɑ́ ŋu ẅí ɑ niitɛ́nɛ ḿbɛ́m nu nǔu nɛpʉ́ʉ ni yɛcɔ́ yúu kɑ́ jɑ́k nǔu pɔ́, ni ɛ́ ɡɛnɛ ŋu pɔ́ ndẅíi. A lɑɑ ńzɑ́p tʉ́m yɛ́ nǔu kɛ́ kɑ́ɑ tɛ ɑ pɔɔ pɔ́ pɔ zúꞋndikŋɛ pɔ́, ḿbɔ́ zúꞋŋɡɛ, mbɔ ɑ ɡʉ ḿbɔ́ pɔ́ttú nǔu kʉ̈ɔ́ lɑ́ yi ɑ ɡɛnɛ.

Jɑ̂k 2:12

Pʉʉ ɡɔ́ ḿbɔ́ ńcú nu, ḿbɔ́ ŋ́ɡɛ pɑ́Ꞌ pʉɔ pí pɛ́ ɡʉ ńdɑ́Ꞌ ńdɔk nɛpʉ́ʉ ni ɛ́ ɡɛ pɛ́ tsʉ́Ꞌ pɛlúunút ńdɔk ŋ́ŋɑk wɔ́p.

2 Pyɛ̂ 2:21

Mbii kɑ pɔ́ pɑ́Ꞌ ɛ́ lɑɑ ḿbɔ́ pɔ́p pɔɔ jí sɛ̂ndúŋ ndʉ́ŋndʉŋ pɔ́, ńtsɑ pɑ́Ꞌ pɔ́p ɡʉ ńjí nɛpʉ́ʉ-Sɛ́ ni n zíꞋnɛ wɔ́p ḿbɛn ḿmɛꞋ.

2 Pyɛ̂ 3:2

Pʉʉ kẅíitɛ sẅiŋɛ yi pɑcẅiŋkʉʉ-Sɛ́ pɛ́ Lɛ́ɛnɛ́nɛ kɑ zɑ́Ꞌnɛ njí ńcú, mbɑ nɛpʉ́ʉ ni ɡɑŋntúu-Yɛ́su kɑ zíꞋnɛ wʉ́ʉ, ɛ́fú mbɔ̌ Tsɑpʉɔ ɑ pɔ́ ŋu ẅí ɑ ɡɛnɛ pɛkŋɛ luk.