Mɑ́lɛ́kúshi 2:13 - Kɑɑ Fí

¹³ Yɛ́su kɑ pɛn ḿbɛn nzʉʉ ɡúŋ-nɛtʉŋ-ŋki-Ŋɡɑlilɛɛ. LɑꞋ pɔ́ ńtɔ́ ŋ́kẅɛ́ɛtɛ wɛ́, ɑ pɔ́ ńzíꞋ wɔ́p nɛ́ nu-Sɛ́.

Mɑ́lɛ́kúshi 2:13 Σταυροειδείς Αναφορές

Mɑ́lɛ́kúshi 4:1

Yɛ́su kɑ pɛn ńzɛ nɛzíꞋ pʉɔ nɛ́ nu-Sɛ́ mbʉʉ-ŋki-Ŋɡɑlilɛɛ, nɔɔ-lɑ́Ꞌ tɔ́ nɛjɔ́ŋ yɛ́ tɛ ńzɑ́ɑ tɛꞋ, pɔ́Ꞌɔ lɑ́, ɑ kúu tsɛt kɑnúꞋ yi ɛ́ tsɛt ŋki, ńnɑ́ŋ. LɑꞋ tʉ́ʉ mbʉʉ-ŋki.

Lúkɑ́shi 21:38

Njí ɡɔ́ ŋɡɔ ɛ́ kyɛɛnɛ lɑɑnɛ, lɑ́Ꞌ tsʉʉ mʉ́ʉ mbɑꞋmbɑꞋɑ́, ńtɔ́ tsɛt ndɑ́-nɛnɔŋpɔꞋ, nɛjɔ́ŋ Yɛ́su nɛzúꞋ sẅiŋɛ yɛ́.

Lúkɑ́shi 19:48

Lɑ́ ńdɔ́ɔ kɛ́kɑ́ŋ, mbíꞋŋɡɔ lɑ́Ꞌ tsʉʉ kɑ pɔ́ ńtík mɛtúutɛ́ tɛꞋ ńzẅíꞋlɛ nu yi Yɛ́su cúnɛ.

Mɑ́lɛ́kúshi 2:2

lɑ́Ꞌ pûu ńcúꞋlɛ zúꞋu tɛ nɛtík ku pɔɔ pɛn ḿbɔ́ ɡú pɔ́, tɛ mbɑ ntsundɑ́, ɑ zɛ nɛsẅíi wɔ́p nɛ́ nu-Sɛ́.

Mɑ́lɛ́kúshi 1:45

Lɑ́ ɑ ɡʉ, ńdɔk nu ɛ̂yɑ́ ɛ́sɑt zʉꞋ. Ɛ́ pɔ́ pɔ́nɛ tɛ Yɛ́su pɔɔ ḿbɛn ɛ́sɑ́ɑnɛ sɑ́ɑnɛ́nɛ, ŋ́kúu yɛcɔ́ tʉ́sɔŋ pɔ́, ńtsʉ́ꞌ ŋ́ɡɔ́ŋ pɔ sɛ̂ndúŋ, zʉꞋ yí pʉɔ kɑ́ pɔ́ zúꞋu pɔ́. Pɛ́ kɛ́ ḿbɔ́ ɛ́fú zʉꞋ tsʉʉ ńtɔ́ tɔ́nɛ ńjʉ́ɔ wɛ́.

Mɑtʉ̈ɔ 13:1

Yɛ́su pɛn ńcẅɛt ndɑ́ lɛ́Ꞌ ɛ̂yɑ́, ŋ́ɡʉ ńnɑ́ŋ mbʉʉ-nɛkʉŋ-ŋki.

Mɑtʉ̈ɔ 9:9

Yɛ́su fú zúꞋu ŋ́ɡʉ, ŋ́ɡɔ ńdɛɛ zʉꞋ yí pɛ́ cẅɛ́ɛnɛ ntsup-Pɑlɔ́mɑ zúꞋu, wɛcɔ́ ŋu nɑ́ŋ, lík yɛ́ pɔ́ ŋɡɔ Mɑtʉ̈ɔ. Yɛ́su cú mbɔ̌ wɛ́ ŋɡɔ: Tɔ́ pûu tsʉ́Ꞌnɛ ńnɛn. A lɔ sɛ́, ńcʉ́ɔ nzʉʉ yɛ́.

Mɑ́lɛ́kúshi 10:1

Yɛ́su fú zúꞋu, ńcʉ́ɔ sɛ̂ndúŋ, ńdɔk shʉ́-Judɛ̂, ŋ́ɡʉ nǔu yɛcɔ́ njʉ́n-ŋki-Juudɛŋ. LɑꞋ pɛn ńcúꞋlɛ nɛjɔ́ŋ yɛ́ tɛ ńzɑ́ɑ, ɑ pɛn ńzɛ nɛzíꞋ wɔ́p nɛ́ nu-Sɛ́ pɑꞋ ɛ́ ḿbɔ́nɛ mɑt mbɔ̌ wɛ́.