Mɑ́lɛ́kúshi 14:2 - Kɑɑ Fí

² ŋ́kwɑŋɛ tsɛtsɛt pɔ́p ŋɡɔ: «Ɛ́ kɑ́ pɔŋ ŋɡɔ ɛ́ pɔ́ nǔu lɛ́Ꞌ ndínɑ pɔ́, ḿbɔ́k lɑ́Ꞌ nɛtɑ́k zʉꞋ.»

Mɑ́lɛ́kúshi 14:2 Σταυροειδείς Αναφορές

Jɑ̂ŋ 12:19

Pɑfɑlísɑy jʉ́ɔ pɔ́Ꞌɔ, ńcú tsɛtsɛt pɔ́p ŋɡɔ: pʉʉ kɑ́ jʉ́ɔ? Yɛcɔ́ yúu mi ɛ́ lɑɑ ḿbɔ́ pɛkŋɛ ɡɛ kɑ́ pɔ́ ɡú pɔ́. Lɑ́Ꞌ tsʉꞋ ḿbɔ́ pɔ nzʉʉ yɛ́.

Jɑ̂ŋ 7:40

Lɑ́Ꞌ zúꞋ sẅiŋɛ-Yɛ́su, pɛcɔ́ pʉɔ tsɛtsɛt pɔ́p cú ŋɡɔ ɑ kwɑꞋ ŋɡɛ́mndʉ̈ɔ́Ꞌ-Sɛ́.

Lúkɑ́shi 20:6

Ḿbɛn ŋ́ɡɔ, ɛ́ fú mbɔ̌ pʉɔmɛsɔŋ, mbɔ lɑ́Ꞌ ɡʉ ńdɔk mɛŋɡɔꞋ ńtɛ́m wɛkŋɛ ńjẅí, mbíꞋŋɡɔ pɔ́p tsɛt yɔ́p tú ḿbɔ́ ńjí ŋɡɔ Jɑ̂ŋ kɑ pɔ́ ŋɡɛ́mndʉ̈ɔꞋ-Sɛ́.»

Mɑ́lɛ́kúshi 11:32

Lɑ́ ḿbɛn ŋ́kɛ́ ńcú ŋɡɔ pʉɔmɛsɔŋ, mbɔ hɛ̂ɛ!» Pɔ́p kwɑŋɛ kɛ́kɑ́ŋ, mbíꞌŋɡɔ pɔ́p kɑ pɔ́ ḿbɔ́k lɑ́Ꞌ, ɛ́ zɛɛ ŋ́ɡɔ ḿbɔ́, pʉɔtsʉʉ pɔ́ ŋ́kwɑŋɛ ŋɡɔ Jɑ̂ŋ kɑ pɔ́ kwɑꞋ ŋɡɛ́mndʉ̈ɔꞋ-Sɛ́.

Mɑ́lɛ́kúshi 11:18

Pɛtɑ́tndɑ́-pɑnɔŋpɔꞋ pɔ́p pɑkyɛ́Ꞌtɛ nɛpʉ́ʉ-Mɔ̌sɛ̂ɛ ɡɛ ńzúꞋ, ńzɛ nɛlɔɔ shʉ́ pɑꞋ pɔ́p ɡʉ ŋ́ɡɛ lɑ́ ńjẅí wɛ́. Pɔ́p kɑ pɔ́ ḿbɔ́k ŋɡɔ nu yɛ́ ɡʉ ńjʉ́ lɑ́Ꞌ, mbíꞌŋɡɔ lɑ́Ꞌ tsʉʉ kɑ pɔ́ ŋ́ɡʉ̈ɔꞋtɛ yúu mi ɑ kɑ pɔ́ ńzíꞋ pʉɔ.

Mɑtʉ̈ɔ 26:5

Lɑ́ pɔ́p pɔ́ ńcú ŋɡɔ kɔɔ pɛ́ kɛ́ ŋ́ɡẅɛɛ wɛ́ lɛ́Ꞌ-ndínɑ, ḿbɔ́k lɑ́Ꞌ nɛtɑ́k zʉꞋ.

Mɑtʉ̈ɔ 26:2

«Pʉʉ zɛɛ ḿbɔ́ ńjí ŋɡɔ, ɛ́ tsʉ́Ꞌ ńjɑ́k pɔ lɛ́Ꞌ pɛ́pɑ́ pɛ́ jʉ́ ndínɑ-Pɑ́skɑ. Ŋkɑ́ yi pɛ́ ɡʉ ɛ́fɛn Mɔ́ɔ-Ŋu, pɛ́ kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ.»

Mɑ́lɛ́kúshi 14:1

Ɛ́ ɡɛ ḿbɔ́ ńtsʉ́Ꞌ ńjɑ́k lɛ́Ꞌ pɛ́pɑ́ pɛ́ jʉ́ ndínɑ ẅí pɛ́ kɑ pɔ́ ɛ́fúŋ nɛ́ Pɑ́skɑ, ḿbɔ́ mɛlɛ́Ꞌ mi pɛ́ kɑ pɔ́ ŋ́kwɛ́t mbɛlɛ̂ɛt kɛ́ fɛntɛ. Pɛtɑ́tndɑ́-pɑnɔŋpɔꞋ pɔ́p pɑkyɛ́Ꞌtɛ nɛpʉ́ʉ-Mɔ̌sɛ̂ɛ pɔ́ ńdɔɔ shʉ́ pɑꞋ pɔ́p ɡʉ ɛ́sɔ́ ŋ́ɡẅɛɛ Yɛ́su, ńjẅí wɛ́,

Mɑ́lɛ́kúshi 14:3

Yɛ́su ɡɛ ḿbɔ́ Mbɛtɑni, ndɑ́-Símɔ̂ŋ ẅí pɛ́ kɑ pɔ́ ɛ́fúŋ wɛ́ ŋɡɔ ŋɡɑŋkɑꞋ pɑ́p, ńnɑ́ŋ sɛ́ ḿbɔ́ ŋ́kwɛ́t yúu, wɛcɔ́ mɑŋɡɛ́ kúu yɛ́ ndɑ́, ŋ́ɡẅɛɛ tɔ́Ꞌlɛ yɛcɔ́ lɑmɛ́ndɑɑ sʉ́Ꞌnɛ yí pɛ́ kɑ lɔknɛ yɛcɔ́ tú-nɛɡíi ŋ́ɡɛ ɛ́ pɛn ńcʉ̈ɔ́k ŋkɑ́p tɛꞋ. A lɔk ńtɔ́, ńtʉ́ʉ nɛjɔ́ŋ Yɛ́su, ńtsɔ́Ꞌ tɔ́Ꞌlɛ ɛ̂yɑ́, ńtswɛtɛ lɑmɛ́ndɑɑ nǔu tú-Yɛ́su.

Lúkɑ́shi 22:1

Lɛ́Ꞌ tsɑ́ɑtɛ-Pɑyúdɑ yi pɛ́ kɑ pɔ́ ɛ́fúŋ nɛ́ Pɑ́skɑ ɡɛ ḿbɔ́ ŋ́kuꞋ, ńdɔk ńzɛ ŋɡɑp yi pɔ́p kɑ pɔ́ ŋ́kwɛ́t yɛcɔ́ ntɛ́ mbɛlɛ̂ɛt kɛ́ fɛntɛ.