Mɑ́lɛ́kúshi 10:11 - Kɑɑ Fí

¹¹ A sẅíi wɔ́p ŋɡɔ: «Ŋu lɑɑ ńzuŋ nzwɛ́ wɛ, ńzɔ́Ꞌ wɛ ndɛꞋ, mbɔ ɑ ɡɛ ɡɑ́ɑ.

Mɑ́lɛ́kúshi 10:11 Σταυροειδείς Αναφορές

Mɑtʉ̈ɔ 19:9

Ɛ sẅíi wʉ́ʉ, ŋu lɑɑ ńzuŋ nzwɛ́ wɛ kɛ́ pɔ́ pɔ ŋɡɔ ɑ ɡɛ ɡɑp, ńzɔ́Ꞌ wɛcɔ́, mbɔ ŋɡɑŋ ɡɛ pɔ ɡɑp.»

Pʉɔ-Lɔ́mɑ 7:3

Pɔ́Ꞌɔ lɑ́ mbɔ yi ndúu mɛ lɑɑ ḿbɛ́t kɛ́ pfú, ɑ zɔ́Ꞌ wɛcɔ́ ŋu mbɛ́ɛnɛ, mbɔ pɛ́ ɡʉ fúŋ wɛ́ ŋɡɔ ŋɡɑŋɡɑ́ɑ mɑŋɡɛ́. Lɑ́ ŋ́kɛ́ ḿbɔ́ yi ndúu mɛ lɑɑ ḿpfú, mbɔ nɛpʉ́ʉ kɑ́ pɛn ńtɔꞋ wɛ́ nɛzɔ́Ꞌ wɛcɔ́ ŋu mbɛ́ɛnɛ pɔ́. A tsʉ́Ꞌ ḿbɔ́ pɔ nzwɛ́ wɛcɔ́ ŋu ŋkɔ̂ɔnɛ, ɛ́ pɔɔ pɔ́ ŋɡɔ ɑ ɡɛ ɡɑp pɔ́.

Lúkɑ́shi 16:18

«Ɛ́ pɔ́Ꞌɔ lɑ́ n dɔk ńcú ŋɡɔ: Ŋu lɑɑ ńzuŋ nzwɛ́ wɛ, ńzɔ́Ꞌ wɛcɔ́, mbɔ pɔ́p wîwɑ́ pɔ́ pɔ nǔu nu-ɡɑp. Ŋu ẅí ɑ pɛn ńzɔ́Ꞌ mɑŋɡɛ́ ẅi ndúu mɛ zuŋnɛ wɛ́, mbɔ ɑ ɡɛ pɔ ɡɑp.»

1 Kɔlɛ̂ŋtɛ 7:4

Mɑŋɡɛ́ kɑ́ ɡẅɛɛ nɛlɔk mbʉʉ yɛ́ ŋ́ɡɛ yúu mi ɑ kɔŋnɛ pɔ́, mbʉʉ yɛ́ pɔ́ pɔ yɛ́ ndúu mɛ. Ɛ́ pɛn ḿbɔ́ pɔ ndʉ́ŋndʉŋ pɑ́Ꞌ ŋu mbɛ́ɛnɛ kɑ́ ɡẅɛɛ nɛlɔk mbʉʉ yɛ́ ŋ́ɡɛ yúu mi ɑ kɔŋnɛ pɔ́, mbʉʉ yɛ́ pɔ́ pɔ yɛ́ nzwɛ́ wɛ.

Ɛ́bɛlʉʉ 13:4

Ɛ́ pɔŋ ŋɡɔ lɑ́ɑndɑ́ pɔ́ mbɔ̌ pʉɔ tsʉʉ ḿbɔ́ yúu mɛkuꞋ, ŋu mbɛ́ɛnɛ jí ndɑꞋ nzwɛ́ wɛ, mɑŋɡɛ́ jí ndɑꞋ ndúu mɛ, Sɛ́ ɡʉ ńzɛɛ ńdɑ́Ꞌ ŋ́ŋɑk pʉɔ pi pɔ́p puutɛnɛ mbɑ wɔ̌ lɑ́ pɔ́p pɛpɔ́p nɔɔ nɔɔnɛ, mbɑ pɑɡɛ ɡɑ́ɑ.

Mɑ́lɛ́kúshi 10:10

Pɔ́p ɡɛ ḿbɛn tɛ ḿbɔ́ ndɑ́, ɡɑŋku pɛ́ pɛn ḿbíkŋɛ wɛ́ nɛ́ nu ntɛ́ nu ɛ̂yɑ́.