Lúkɑ́shi 22:22 - Kɑɑ Fí

²² Ɛ́ nu ŋɡɔ Mɔ́ɔ-Ŋu ɡʉ ḿpfú pɑꞋ Sɛ́ kɑ lɑ́Ꞌnɛ ńzɑ́p, lɑ́ ndɔ́ɔ tú ŋu ẅí ɑ ɡʉ ńcɑklɛ wɛ́ ŋ́ɡɑ́ pɛ́ jẅí wɛ́.

Lúkɑ́shi 22:22 Σταυροειδείς Αναφορές

ŊwɑꞋnɛ-Gɑŋntúu Yɛ́su Kɛlístɔ 2:23

Yɔ ŋu ẅí pɛ́ kɑ níꞋnɛ mbɔ̌ pʉʉ, ɛ́ pɔ́ pɔ pɑ́Ꞌ Sɛ́ kɑ lɑ́Ꞌnɛ ŋ́kwɑŋɛ ńzɑ́p. Pʉʉ kɑ kɛ́ ŋ́ɡɛ pɑkɛ́ji Sɛ́ kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ, ńjẅí wɛ́.

Lúkɑ́shi 24:46

Ńcú ŋɡɔ: «Ɛ́ tsɛt ŋwɑꞋnɛ-Sɛ́ ḿbɔ́ ŋɡɔ: Nzɑ́Ꞌŋkʉ ɡẅɛɛ nɛ lɑ́Ꞌ ńjʉ́ɔ ŋɡʉ̈ɔ́Ꞌ, ḿpfú, lɑ́ Sɛ́ pɛn ńzẅíi wɛ́ nǔu nɛvú nǔu mbɑ́ɑtɛ lɛ́Ꞌ pɛ́tɑ́t.

2 Pyɛ̂ 2:3

Pɑ́Ꞌ pɔ́p kɔŋ ŋkɑ́p tɛꞋ lɑ́, pɔ́p ŋ́ɡɛ ńdɔk sẅiŋɛ yi pɔ́p lʉꞋlɛ lʉꞋlɛ́nɛ, ńdɔk ńdẅɑklɛ wʉ́ʉ, ńcẅɛ́ɛ yúu pʉ́ʉ, ŋ́kɛ́ ŋ́ɡɛ pɔ́Ꞌɔ pɑ́Ꞌɑ, mbɔ Sɛ́ kɑ lɑ́Ꞌ ńzɑ́Ꞌ ntsɑŋ yɔp, tɛ ɛ́ tsʉ́Ꞌ pɔ mɔ́zʉꞋ ŋɡʉ̈ɔ́Ꞌ vu nǔu pɔ́p.

1 Pyɛ̂ 1:11

Pɔ́p kɑ sɑ́Ꞌ tʉʉ nɛjí fʉꞋ-njí, mbɑ yúu mi ɛ́ ɡʉ ńdɑ́Ꞌ ńdɛɛ lɑ yúu mi Zẅikŋɛ-Kɛlístɔ kɑ pɔ́ ńdɛꞋlɛ wɔ́p ɡɛ. Yîyɑ́ Zẅikŋɛ yi ɛ́ kɑ pɔ́ nǔu pɔ́p, kɑ zɛɛ ńzɑ́Ꞌ njí ḿbɔ́ ńdɛꞋlɛ wɔ́p nɛ́ ŋɡʉ̈ɔ́Ꞌ yi Kɛlístɔ ɡʉ ŋ́ɡɛ ńjʉ́ɔ tɛ mbɑ nɛɡúꞋ ẅi ɛ́ ɡʉ ńdɑ́Ꞌ ḿbɑ́ɑtɛ ŋɡʉ̈ɔ́Ꞌ yɛ́ ɛ̂yɑ́.

Jɑ̂ŋ 17:12

Ɛ́ m̄bɔ́ ŋkɑ́ yi pɛk pɛ́ pɔ́p kɑ pɔ́nɛ, m bɔ́ ńdɔk mɛtʉʉ mú, mɛtʉʉ mí ɔ kɑ ɡɑ́nɛ mbɔ̌ mɔ lɑ́, ḿbyɛ́p wɔ́p. Ŋ kɑ tʉ̈ɔ́Ꞌlɛ wɔ́p tɛ wɛcɔ́ tɑ́Ꞌ ŋu nǔu pɔ́p pɔɔ pɛ́. Ŋu ẅí ɛ́ kɑ pɔ́ ḿbíkŋɛ ŋɡɔ ɑ pɛ́ kɑ pɛ́nɛ. Ɛ́ lɔk ḿbuutɛ nǔu nu yí pɛ́ kɑ ŋwɑꞋnɛ́nɛ tsɛt ŋwɑꞋnɛ-ndɛn kɑɑ.

Mɑ́lɛ́kúshi 14:21

Mɔ́ɔ-Ŋu ɡʉ ḿpfú, ɛ́ pɔ́ pɑꞋ pɛ́ kɑ cúnɛ tsɛt ŋwɑꞋnɛ-Sɛ́, lɑ́, nduu kɛpɔŋ ŋu ẅí ɑ ɛ́fɛn Mɔ́ɔ-Ŋu. Mbi ḿbɔ́ pɑꞋ pɛ́ ŋkɑɑ ŋ́ɡʉ ḿbí wɛ́ pɔ́.»

Mɑtʉ̈ɔ 26:24

Mɔ́ɔ-Ŋu ɡʉ ḿpfú, ɛ́ pɔ́ pɑ́Ꞌ pɛ́ kɑ cúnɛ tsɛt ŋwɑꞋnɛ-Sɛ́, lɑ́, pʉ́ktú ŋu ẅí ɑ ɛ́fɛn wɛ́. Mbi pɑ́Ꞌ pɛ́ ŋ́kɑɑ ŋ́ɡʉ ḿbí wɛ́ pɔ́.

Mɑtʉ̈ɔ 27:5

Pɔ́Ꞌɔ lɑ́, Jẅidɑ mɑꞋ ŋkɑ́p zʉꞋ-nɔŋpɔꞋ, ɛ́fú zúꞋu ŋ́ɡʉ, ŋ́ɡɔ́ɔ ŋ́kɛ́ ŋ́ɡʉ ńcʉŋɛ.

Lúkɑ́shi 22:23

Pɔ́p zúꞋ pɔ́Ꞌɔ, ḿbuu mɑɑ, ɛ́shɔtnɛ ḿbíkŋɛ tsɛtsɛt pɔ́p ŋɡɔ: Wɔ̌ pɑꞋnɛ ḿbɔ́ tsɛtsɛt pɔ́p ŋ́kuꞋ nɛfʉꞋ yɔ ntɛ́ nu ɔ́ɔ?

ŊwɑꞋnɛ-Gɑŋntúu Yɛ́su Kɛlístɔ 10:42

A kɑ pɛn ńtúu wɛ́k ŋɡɔ pɛk ɡʉ ɛ́sɑ́Ꞌ Ŋkʉʉ Sʉ́Ꞌnɛ ẅi Sɛ́ kɑ kɑꞋnɛ mbɔ̌ lɑ́Ꞌ, ŋ́ɡɛ pɔ́p jí ŋɡɔ jʉ́ Yɛ́su kwɑꞋ ŋu ẅí Sɛ́ kɑ tsɔ́Ꞌnɛ ŋɡɔ ɑ zɑ́Ꞌ ntsɑŋ-pʉɔ ntʉʉ pɔ́p pɛpfú sɛ́.

ŊwɑꞋnɛ-Gɑŋntúu Yɛ́su Kɛlístɔ 17:31

Ɛ́ zɛɛ ŋ́ɡɔ ḿbɔ́ pɔ́Ꞌɔ, mbɔ Sɛ́ zɑ́p lɛ́Ꞌ yi ɑ ɡʉ ńdɑ́Ꞌ ńdɔk ŋu ẅí ɑ kɑ tsɔ́Ꞌnɛ wɛ́, ŋ́ŋɑk mbí, ŋ́kɛ́ ŋ́ŋɑk pɔ nǔu ntɛ́ yi ɛ́ ndʉ́ŋndʉŋ. A kɑ zẅíimɛ ŋɡɑŋ nǔu nɛvú nɛlɔk ńnyɛt mbɔ̌ pʉɔtsʉʉ ŋɡɔ ɑ ɡʉ ńdɑ́Ꞌ ŋ́ɡɛ pɔ́Ꞌɔ.»